2 Kɔl 1:19 - BAEBOLO ANZƐƐ BULUKU NWUANZANWUANZA

¹⁹ Ɔluakɛ Gyisɛse Kelaese mɔɔ le Nyamenle Ara ne, mɔɔ me nee Seleveenɛse nee Temɔte yɛbɔle ɔ nwo edwɛkɛ ne nolo yɛhilele bɛ la, ɛnle “Ɛhɛe” nee “Kyɛkyɛ” sonla. Ɔle Nyamenle nu “Ɛhɛe”;

2 Kɔl 1:19 ပူးပေါင်းရင်းမြစ်များ

Edwɛndolɛ Buluku ne 2:7

Mebabɔ Ɛdɛnkɛma mɛla ne nolo; ɔzele me kɛ, “Ɛle me ra nrenya, ɛnɛ yɛɛ mewo wɔ a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:14

Nyamenle zele Mosisi kɛ, “Medame a le Medame.” Na ɔzele kɛ, “Ka ɛhye kile Yizilayɛma kɛ, ‘Medame ɛzoa me bɛ nwo ɛke!’

Edwɛkpa ne kɛmɔ Mateyu hɛlɛle la 17:5

Mɔɔ ɔ nloa wɔ zo ɔlɛtendɛ la, amungu nwohyee bie rahedale bɛ nwo zo, na ɛnelɛ bie vi amungu ne anu zele kɛ, “Me Ra mɔɔ mekulo ye na me nye die ɔ nwo kpalɛ la ɛne, bɛdie ye!”

Edwɛkpa ne kɛmɔ Mateyu hɛlɛle la 24:35

Anwuma nee aze bapɛ nu aze, na me nloa edwɛkɛ ɛnrɛpɛ nu ɛlɛ.

Edwɛkpa ne kɛmɔ Mateyu hɛlɛle la 27:40

“Wɔmɔ ɛdawɔ ɛse ɛkola ɛbubu Ɛzonlenlɛ Sua ne na ɛfa kenle nsa ɛsi! Saa wɔmɔ a ɛle Nyamenle Ara ne a, die ɛ nwo ɛ! Ɛvi meanubaka ne azo dwu aze!”

Edwɛkpa ne kɛmɔ Mateyu hɛlɛle la 27:54

Mɔɔ sogyama ne nee bɛ kpanyinli ne mɔɔ ɛnee ɛlɛsinza Gyisɛse la nwunle azɛlɛ ɛkpusulɛ ne nee ninyɛne mɔɔ sisile la, bɛzulole kpole na bɛzele kɛ, “Amgba, nrenya ne le Nyamenle Ara!”

Edwɛkpa ne kɛmɔ Mateyu hɛlɛle la 3:17

Na ɛnelɛ bie vi anwuma zele kɛ, “Ɛhye a le me Ra mɔɔ mekulo ye la. Me nye die ɔ nwo kpole.”

Edwɛkpa ne kɛmɔ Mateyu hɛlɛle la 4:3

Abɔnsam bikyele ye na ɔzele ye kɛ, “Saa wɔmɔ a ɛle Nyamenle Ara ne a, ɛnee maa awolɛ ɛhye mɔ ɛhakyi kpanwo.”

Edwɛkpa ne kɛmɔ Maake hɛlɛle la 1:1

Gyisɛse Kelaese, Nyamenle Ara ne anwo Edwɛkpa ne ɛne.

Edwɛkpa ne kɛmɔ Luku hɛlɛle la 1:35

Nyamenle soanvolɛ ne buale ye kɛ, “Sunsum Nwuanzanwuanza ne bara ɛ nwo zo, na Nyamenle tumi ne baheda ɛ nwo zo. Ɛhye ati bɛbavɛlɛ kakula ne Nwuanzanwuanza, yɛɛ Nyamenle Ara.

Dw 1:34

Na mese, menwu ye, na meka meahile bɛ kɛ, nrenya ɛhye, yemɔ a ɔle Nyamenle Ara ne a.”

Dw 1:49

Natanayɛle hanle kɛ, “Kilehilevolɛ, wɔmɔ a ɛle Nyamenle Ara ne. Wɔmɔ a ɛle Yizilayɛ Belemgbunli ne a!”

Dw 19:7

Dwuuma ne buale ye kɛ, “Yɛlɛ mɛla, na mɛla ne kile kɛ ɔwɔ kɛ ɔwu, ɔboalekɛ ɔyɛ ɔ nwo kɛ ɔle Nyamenle Ara.”

Dw 20:28

Tɔmase buale kɛ, “Me Awulae nee me Nyamenle!”

Dw 20:31

Mɔɔ bɛhɛlɛ ye wɔ ɛke la, bɛhɛlɛ amaa bɛalie bɛali kɛ Gyisɛse a le Mɛzaya ne mɔɔ le Nyamenle Ara ne la, na ɔlua bɛ diedi mɔɔ bɛlɛ ye wɔ ye nu la azo bɛanyia ngoane.

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Dw 6:69

Kɛkala yɛlie yɛli, na yɛze kɛ wɔmɔ a ɛle Nwuanzanwuanza Ko ne mɔɔ vi Nyamenle ɛkɛ ɛra a.”

Dw 8:58

Gyisɛse buale bɛ kɛ, “Meka nɔhalɛ ne meahile bɛ: Mɔɔ bɛkawo Ebileham la, ɛnee bɛfɛlɛ me ɛtease.”

Ɛzoanvolɛma Gyima ne 15:22

Ɛzoanvolɛma ne nee mgbanyima ne mɔ, nee asɔnema ne mɔ amuala akee bɔle kpɔkɛ kɛ bɛsoa menli bɛamaa bɛ nee Pɔɔlo nee Baanabase ahɔ Anteɔko. Bɛdule menli nwiɔ mɔɔ bɛbu bɛ kpalɛ la bɛmanle bɛ nee bɛ hɔle. Bɛmɛ a le Dwudase mɔɔ eza bɛfɛlɛ ye Baasabase la, yɛɛ Saelase.

Ɛzoanvolɛma Gyima ne 16:1

Pɔɔlo eza rale Dɛbi nee Lesetela noko. Ɛdoavolɛ bie wɔ ɛkɛ, bɛfɛlɛ ye Temɔte. Ɔ nli le Dwuunli mɔɔ ɛlie Edwɛkpa ne ɛli a, yɛɛ ɔ ze le Gilikinli.

Ɛzoanvolɛma Gyima ne 18:5

Mɔɔ Saelase nee Temɔte vi Masidonea rale la ɛnee Pɔɔlo ɛva ye mekɛ muala ɛlɛka Edwɛkpa ne ali daselɛ ahile Dwuuma ne kɛ, Mɛzaya ne a le Gyisɛse.

Ɛzoanvolɛma Gyima ne 8:36

Mɔɔ bɛlua adenle zo bɛlɛkɔ la, bɛrale azule bie anloa, na nrenya ne zele Felepe kɛ, “Nea, nzule ɛ! Duzu a si wɔ adenle mɔɔ ɔmaa ɛsɔne me a ɔnyɛ boɛ a?” [

Ɛzoanvolɛma Gyima ne 9:20

na ɔhɔle nyianu azua ne mɔ anu ɔhɔbɔle nolo kɛ Gyisɛse, “Yemɔ a ɔle Nyamenle Ara ne a.”

2 Kɔl 1:1

Pɔɔlo, mɔɔ Nyamenle ɛhulo ɛyɛ ye Kelaese Gyisɛse ɛzoanvolɛ la, nee yɛ diema Temɔte a ɛlɛkɛlɛ kɛlata ɛhye ahɔmaa Nyamenle menli ne mɔɔ wɔ suakpole Kɔlente azo, nee Nyamenle menli ne amuala mɔɔ wɔ Akaya (Giliki) maanle ne kpokpoti anu la a.

1 Tɛs 1:1

Kɛlata ɛhye vi Pɔɔlo, Saelase, yɛɛ Temɔte ɛkɛ. Yɛfa yɛahɔmaa Tɛsalonaeka asɔne ne anu amra mɔɔ le Nyamenle Selɛ ne nee Awulae Gyisɛse Kelaese ɛdeɛ la. Nyamenle ɛlo bɛ na ɔmaa bɛ anzonudwolɛ.

2 Tɛs 1:1

Kɛlata ɛhye vi Pɔɔlo, Saelase, yɛɛ Temɔte ɛkɛ. Yɛfa yɛahɔmaa Tɛsalonaeka asɔnema mɔɔ le yɛ Ze Nyamenle ne nee Awulae Gyisɛse Kelaese ɛdeɛ la.

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Kɛlata mɔɔ bɛhɛlɛle bɛhɔmanle Hibuluma la 1:11

Bɛ muala bɛbaminli, ɛnee wɔmɔ ɛwɔ ɛkɛ; bɛ muala bɛbatete kɛ ɛdanlɛ.

Kɛlata mɔɔ bɛhɛlɛle bɛhɔmanle Hibuluma la 13:8

Kɛ Gyisɛse Kelaese si de anoma la, ɔle zɔhane ɛnɛ nee kenle biala.

1 Pit 5:12

Saelase (Selevanɛse) mɔɔ kɛkala Kelaese ati meva ye kɛ me diema kpalɛ kpalɛ la yɛɛ ɛboa ɛmaa mehɛlɛ bɛ kɛlata ezinraa ɛhye a. Mekulo kɛ mesi bɛ ahonle, na medi daselɛ kɛ ɛhye a le Nyamenle ɛlolɛ kpalɛ ne a. Bɛgyinla kpundii wɔ nuhua.

2 Pit 1:17

Yɛwɔ ɛkɛ ne yɛɛ Nyamenle Selɛ ne dele ɔ nyunlu, wulale ye anyunlunyia a. Yɛwɔ ɛkɛ ne yɛɛ ɛnelɛ ne vi Anyunlunyia Bedevinli ne ɛkɛ ne hanle kɛ, “Me Ra mɔɔ mekulo ye la ɛne, me nye die ɔ nwo kpole!”

1 Dw 1:3

Mɔɔ yɛnwu ye nee mɔɔ yɛde la yɛɛ yɛka yɛahile bɛdabɛ noko a, amaa bɛ nee yɛ adila agɔnwolɛ. Yɛ nee Selɛ ne nee ɔ Ra Gyisɛse Kelaese a ɛdila agɔnwolɛ ɛhye a.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.

2 Dw 1:9

Awie biala mɔɔ ɛnli Kelaese ngilehilelɛ ne azo, na ɔbɔ ɛbɛla mɔɔ ɔkulo la ɛnze Nyamenle. Awie biala mɔɔ di Kelaese ngilehilelɛ zo la ɛnwu Selɛ ne nee Ralɛ ne.

Yekile 1:11

Ɔse, “Kɛlɛ mɔɔ ɛkɛnwu ye la wɔ buluku nu na fa buluku ne kɔmaa asɔne nsuu ne mɔ mɔɔ wɔ azuamgbole ɛhye mɔ azo la: Ɛfɛsɛse, Semɛna, Pɛgamɛm, Tayataela, Saadese, Feladɛlefea, yɛɛ Lawɔdesia.”

Yekile 1:17

Menwunle ye la, mempɛle menfinle ɔ gyakɛ anu kɛ asɛɛ mewu la. Na ɔvale ɔ sa fema ne ɔdole me nwo zo na ɔzele me kɛ, “Mmasulo! Mame a mele alumua ne nee awieleɛ ne a.

Yekile 1:8

Kɛ tete Awulae Nyamenle Bedevinli ne mɔɔ ɛnee wɔ ɛkɛ, na ɔwɔ ɛkɛ ne kɛkala, na ɔbara la se la ɛne, “Medame a mele ‘Alefa’ ne nee ‘Omiga’ ne a.”

Yekile 2:18

“Kɛlɛ ɛhye kɔmaa Tayataela asɔne ne Nyamenle soanvolɛ ne. “Nrɛlaleɛ ɛhye vi Nyamenle Ara ne mɔɔ lɛ ɛnyelɛ mɔɔ sɔ kɛ senle, na ɔ gyakɛ anwo ta kɛ ayera mɔɔ bɛhwi nwolɛ la ɛkɛ ne.