2 Kɔl 1:17 - BAEBOLO ANZƐƐ BULUKU NWUANZANWUANZA

¹⁷ Yemɔti ngyehyɛlɛ ɛhye mɔɔ menyɛle la kile kɛ mele sonla mɔɔ meka a menyɛ ɔ? Anzɛɛ meyɛ me ngyehyɛlɛ kɛ adalɛ sonla bie mɔɔ meka kɛ “ɛhɛe” a ɛnee mekile “kyɛkyɛ” ɔ?

2 Kɔl 1:17 ပူးပေါင်းရင်းမြစ်များ

Gyɛlɛmaya Buluku ne 23:32

Bɛnlea, mekyi bɛdabɛ mɔɔ bɛka ɛlalɛ adalɛ na bɛfa bɛ adalɛ nee bɛ nloa anu ɛyelɛ bɛdi me menli ne adwenle na bɛminli bɛ wɔ mekɛ mɔɔ metɛsoanle bɛ, anzɛɛ metɛkilele bɛ debie kɛ bɛyɛ la. Menli ne ɛnnyia Nyamenle kpɔmanvolɛma ne mɔ nyɛleɛ ne azo nvasoɛ biala.”

Zɛfanaya Buluku ne 3:4

Bɛ Nyamenle kpɔmanvolɛma le menli mgbane; bɛnli nɔhalɛ. Bɛ sɛlɛvolɛma fa evinli ka ɛleka nwuanzanwuanza ne, na bɛtietia mɛla ne azo.

Edwɛkpa ne kɛmɔ Mateyu hɛlɛle la 1:19

Kɛmɔ ɛnee Dwosefi le sonla mɔɔ di pɛlepɛle na yeangulo kɛ ɔkɛbɔ ye anyiemgba la, ɔdwenlenle nwolɛ kɛ ɔfa ahane yeahɔye ɔ nloa wɔ ɔ nwo.

Edwɛkpa ne kɛmɔ Mateyu hɛlɛle la 5:37

Bɛmaa bɛ edwɛkɛ ɛyɛ ko, ‘ɛhɛe’ a ‘ɛhɛe’; ‘kyɛkyɛ’ a ‘kyɛkyɛ’. Edwɛkɛ ngakyile biala vi abɔnsam ɛkɛ ne a ba a.

Dw 8:15

Bɛmɛ bɛnea sonla nyunlu na bɛabua ye ndɛne, na mame membua ndɛne.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

2 Kɔl 11:18

Kɛmɔ dɔɔnwo ne ala fa ewiade ye anu ninyɛne tu bɛ nwo la, medame noko metu me nwo bie.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:16

ɔyele ɔ ra ne ɔhilele me kɛ akee menga Edwɛkpa ne mɔɔ fane Kelaese anwo mengile bɛdabɛ mɔɔ bɛnle Dwuuma la amuala mɔɔ ɛtɛtele la, meangɔmbiza sonla biala adwenle,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:2

Mengɔle, ɔluakɛ ɛnee Nyamenle ɛye ɛhile me kɛ ɔwɔ kɛ mekɔ. Mengɔndwule la me nee mgbanyima ne mɔ yiale nu ahane na mengilehilele Edwɛkpa ne mɔɔ mebɔ ye nolo mekile bɛdabɛ mɔɔ bɛnle Dwuuma la anu mengilele bɛ, amaa gyima ɛhye mɔɔ melɛyɛ nee mɔɔ meyɛ ye dɛba la anyɛ gyɛne.

1 Tɛs 2:18

Kɛmɔ yɛkpondɛ kɛ yɛsia yɛba bɛ nwo lɔ bieko la ati, medame Pɔɔlo, menyɛle biala kɛ anrɛɛ menwɔzia menwɔra, noko Seetan ammaa yɛ adenle.

Gyemise Kɛlata ne 5:12

Me mediema, mɔɔ hyia kpole kpalɛ la a le kɛ, bɛmmaka ndane hweledede; bɛmmaka anwuma anzɛɛ aze anzɛɛ debie gyɛne biala bɔbɔ. Bɛmaa bɛ “Ɛhɛe” ɛyɛ ɛhɛe, bɛ “Kyɛkyɛ” ɛyɛ kyɛkyɛ, amaa Nyamenle andea bɛ.

Maanlebuvolɛma Buluku ne 9:4

Na bɛvale dwɛtɛ fufule abulasuu wɔ Beeyale-bilete bozonle sua ne abo bɛmanle ye, na ɔvale ɔbɔle kpamgbanvolɛma bie ɛkpa ɔmanle bɛdoale ɔ bo zo.