2 Kɔl 1:13 - BAEBOLO ANZƐƐ BULUKU NWUANZANWUANZA

^13-14 Yɛlɛ edwɛkɛ mɔɔ bɛkola ye kenga na bɛte ɔ bo la a yɛlɛkɛlɛ bɛ a. Me nye la kɛ mɔɔ kɛkala bɛte ɔ bo afoa afoa la, akee bɛbade ɔ bo kpalɛ, amaa yɛ Awulae Gyisɛse ɛralɛ bieko Kenle ne, bɛahola bɛava yɛ bɛadu bɛ nwo kɛmɔ yɛkola yɛfa bɛ yɛtu yɛ nwo la.

2 Kɔl 1:13 ပူးပေါင်းရင်းမြစ်များ

Ɛzoanvolɛma Gyima ne 27:39

Mɔɔ aleɛ hyenle la ɛnee bɛnnwu azɛlɛ holɛ ko mɔɔ bɛra zolɛ la ɛdeɛ, noko bɛnwunle ɛnwea wɔ ye ebolo bie anu, na bɛyɛle kɛ bɛbɔ mɔdenle bɛahɔnwe ɛlɛne ne wɔ ɛkɛ.

1 Kɔl 1:8

Kelaese ɔdaye ɔbamaa bɛagyinla kpundii bɛahɔ awieleɛ, amaa bɛanli fɔlɛ wɔ debie biala anu wɔ yɛ Awulae Gyisɛse Kelaese Kenle ne.

2 Kɔl 13:6

Me nye la kɛ bɛkɛnwu kɛ yɛnle menli mɔɔ ɛkpo aze a.

2 Kɔl 4:2

Yɛkpo awozinli nu nee anyiemgba nyɛleɛ muala; yɛmbɔ alane ɛbɛla, yɛɛ yɛmbɔ adalɛ wɔ Nyamenle edwɛkɛ ne ɛhanlɛ nu yɛngakyi ye. Yɛlua nɔhalɛ wienyi ne anu yɛbɔ yɛ ɛbɛla wɔ Nyamenle anyunlu kɛ awie biala kɛnyia yɛ nwo adwenle kpalɛ.

2 Kɔl 5:11

Kɛmɔ yɛze kɛ Nyamenlezulolɛ si de la ati, yɛbɔ mɔdenle kɛ yɛkɛmaa menli kɛzulo Nyamenle; na kɛ yɛmɛ yɛde la, Nyamenle ɔdaye ɔze, yɛɛ meze kɛ bɛdabɛ bɛze ye wɔ bɛ adwenle nu.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:6

Me nzɛlɛlɛ a le kɛ, wɔ diedi nu mediemayɛlɛ ne kɛva ndelebɛbo mɔɔ nuhua pi wɔ debie kpalɛ biala mɔɔ Kelaese ati ɔle yɛ ɛdeɛ la kɛra.