1 Tɛs 5:9 - BAEBOLO ANZƐƐ BULUKU NWUANZANWUANZA

⁹ Nyamenle angyehyɛ kɛ yɛranwu amaneɛ wɔ ye ɛya ne anu. Yevɛlɛ yɛ kɛ yɛralua yɛ Awulae Gyisɛse Kelaese anwo zo yɛnyia ngoane.

1 Tɛs 5:9 ပူးပေါင်းရင်းမြစ်များ

Dwobu Buluku ne 23:14

Ɔluakɛ mɔɔ ɔhyehyɛle ɔmanle me la, ɔbayɛ, yɛɛ ngyehyɛlɛ ɛhye mɔ dɔɔnwo wɔ ɔ ti anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:16

Na mevavi wɔ, memaa wɔdɛnla ngoane nu kɛ mefa meahile me tumi ne, na wɔakponde me duma wɔ azɛlɛ ye kɔsɔɔti azo.

Mrɛlɛbulɛ Buluku ne 16:4

Debie biala mɔɔ Ɛdɛnkɛma ɛyɛ la gyi kpɔkɛ zo; amumuyɛnli ne bɔbɔ, ye mekɛ dwu a bɛbazɛkye ye.

Edwɛkpa ne kɛmɔ Mateyu hɛlɛle la 26:24

Na mame Sonla Ra, mebawu, kɛmɔ Nyamenle Edwɛkɛ ne se la, na ahenle mɔɔ ɔdua ɔ nwo zo bɛaye Sonla Ra ne bɛamaa la, ye gyakɔ! Ɔle kpalɛ kɛ anrɛɛ bɛanwo ye!”

Ɛzoanvolɛma Gyima ne 1:20

“Ɔluakɛ bɛhɛlɛ ye wɔ Edwɛndolɛ Buluku ne anu kɛ, ‘Bɛmaa ye awuke ɛbɔ; awie mmatɛnla nu ɛlɛ.’ Eza bɛhɛlɛ ye kɛ, ‘Bɛmaa awie fofolɛ ɛli ɔ gyakɛ anu.’

Ɛzoanvolɛma Gyima ne 1:25

maa ɔrayɛ wɔ ɛzoanvolɛ, ɔli gyima ne mɔɔ Dwudase gyakyile ziele ahane hɔle ye ɛdeɛ nu la.”

Ɛzoanvolɛma Gyima ne 13:48

Mɔɔ bɛdabɛ mɔɔ bɛnle Dwuuma la dele ɛhye la, bɛlile fɛlɛko na bɛyeyɛle Nyamenle wɔ ye edwɛkɛ ne anwo, na bɛ nuhua mɔɔ ɔwɔ kɛ Nyamenle maa bɛ ngoane mɔɔ ɛnlɛ awieleɛ la liele lile.

Wulo 11:30

Bɛmɛ mɔɔ bɛnle Dwuuma la, bɛkpole Nyamenle wɔ mekɛ mɔɔ ɛze ɛhɔ la, na ɛnɛ bɛnyia Nyamenle ɛlolɛ ne, ɔluakɛ Dwuuma ɛyɛ anzosesebɛ.

Wulo 11:7

Duzu bieko? Yizilayɛma annyia mɔɔ bɛkpondɛ la. Menli ekyi bie mɔɔ Nyamenle kpale nu yele bɛ la a nyianle ye a. Mɔɔ hale la yɛle anzosesebɛ.

1 Tɛs 1:10

Bɛkile kɛ kɛkala bɛlɛkendɛ ɔ Ra Gyisɛse kɛ ɔvi anwuma ɔbara. Yemɔ yɛɛ Nyamenle dwazole ye vile ewule nu, na ɔdie yɛ ɔfi Nyamenle ɛya kpole ne mɔɔ bara la anu a.

1 Tɛs 3:3

amaa bɛ biala andoa nyane mɔɔ bɛlɛkile bɛ la ati yeamkpo aze. Bɛdabɛ bɛze ye wienyi kɛ ɔyɛ Nyamenle ɛhulolɛ kɛ bɛkɛhile yɛ abodelɛ ɛhye mɔ amuala.

1 Tem 1:13

Mekɛ bie mɔɔ ɛraze ɛhɔ la menganle munzule edwɛkɛ mentiale ye, menyɛle ye kpɔdekpɔde na menguale ɔ nyunlu aze. Na Nyamenle nwunle me anwunvɔne, ɔluakɛ ɛnee menlɛ diedi, yemɔti ɛnee menze mɔɔ melɛyɛ la.

1 Tem 1:16

Ɔlua ɛhye ati yɛɛ Nyamenle nwunle me anwunvɔne a, amaa Kelaese Gyisɛse abotane kpole ne mɔɔ ɔnyianle ye wɔ medame, ɛtanevolɛma kpanyinli me nwo la, ala ali na yeayɛ ndonwo yeamaa bɛdabɛ mɔɔ nzinlii bɛbalie ye bɛali na bɛanyia ngoane mɔɔ ɛnlɛ awieleɛ la.

2 Tem 2:10

Ɛhye ati medi debie biala me kunlu wɔ Nyamenle menli ne mɔɔ yekpa nu yeye bɛ la ati, amaa bɛdabɛ noko Kelaese Gyisɛse ati bɛanyia ngoanelielɛ ne nee anyunlunyia ne mɔɔ ɛnlɛ awieleɛ la bie.

1 Pit 2:10

Mekɛ bie ɛnee bɛnzɔho menli bɔbɔ, na ɛnɛ bɛle Nyamenle menli. Mekɛ bie ɛnee bɛnze Nyamenle anwunvɔnezelɛ ne deɛ holɛ, na ɛnɛ bɛ sa ɛha ye anwunvɔnezelɛ ne.

1 Pit 2:8

Eza Nyamenle Edwɛkɛ ne bie se, “Ɛhye le bolɛ mɔɔ bamaa menli adu koti a; ɔle bodane mɔɔ bamaa bɛadu bɛagua a.” Bɛtu koti, ɔboalekɛ bɛnlie edwɛkɛ ne bɛnli; Nyamenle ngyehyɛlɛ ne kɛ de la ɛne.

2 Pit 1:1

Kɛlata ɛhye vi medame Saemɔn Pita, mɔɔ mele Gyisɛse Kelaese akɛlɛ nee ye ɛzoanvolɛ la ɛkɛ. Melɛ mekamaa bɛdabɛ mɔɔ ɔlua Nyamenle nee Dievolɛ Gyisɛse Kelaese pɛlepɛlelilɛ ti bɛnyia diedi mɔɔ sonle bolɛ kɛ yɛdayɛ la.

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

Dwuudu Kɛlata ne 1:4

Ɔluakɛ menli bie mɔɔ ɛnze Nyamenle na bɛyɛ bɛ nzonlɛ bɛdo ɛkɛ dɛba kɛ bɛbazɛkye bɛ la ɛpe adenle bie azo ɛravea yɛ avinli. Menli ɛhye mɔ kakyi yɛ ɛlolɛ ne mɔɔ Nyamenle ɛva ɛlo yɛ mgbane la adwɔmanebɔlɛ, yɛɛ eza bɛkpo Gyisɛse Kelaese mɔɔ le yɛ Menle nee yɛ Awulae kokye la.