1 Tɛs 5:6 - BAEBOLO ANZƐƐ BULUKU NWUANZANWUANZA

⁶ Yemɔti, bɛmmamaa yɛdafe kɛ ebia mɔ la; ɔwɔ kɛ yɛmaa yɛ nye gyinla zolɛ na yɛyɛ yɛ nye gyɛlɛmgbɛɛnye.

1 Tɛs 5:6 ပူးပေါင်းရင်းမြစ်များ

Mrɛlɛbulɛ Buluku ne 19:15

Mgbovonleyɛlɛ maa bɛdafe mgbole, yɛɛ ɔmaa ɛhɔne ku bɛ.

Ayezaya Buluku ne 56:10

Ɔse, “Me sinzavolɛma ne anye ɛzi, bɛ biala ɛnlɛ adwenle; bɛle ahwea mumule, bɛngola kpo bɔbɔ; mɔɔ bɛze ye yɛ la a le nafelɛ mgbole nee ɛlalɛ mgbole ɛhanlɛ.

Dwona Buluku ne 1:6

Yemɔti kpanyinli ne mɔɔ nea meli ne azo la hɔdunwuele ye na ɔzele ye kɛ, “Duzu ati a wɔmɔ wɔlafe a? Dwazo na fɛlɛ wɔ nyamenle ne mɔɔ ɛsonle ye la. Wɔannea a ɔkɛyɛ kɛ wɔmɔ wɔ nyamenle ɛdeɛ ne se anwunvɔne. Fɛlɛ ye maa ɔlie yɛ na yɛwie wu!”

Edwɛkpa ne kɛmɔ Mateyu hɛlɛle la 13:25

Nɔe ne mɔɔ ɛnee menli ɛdeda la, kpɔvolɛ raluale ndile wɔ ɛya ne anu na ɔhɔle.

Edwɛkpa ne kɛmɔ Mateyu hɛlɛle la 24:42

“Yemɔti bɛzinza, ɔboalekɛ bɛnze kenle mɔɔ bɛ Awulae ne kɛra la.

Edwɛkpa ne kɛmɔ Mateyu hɛlɛle la 25:13

Na Gyisɛse dwulale ye edwɛkɛ ne kɛ, “Yemɔti bɛzinza, ɔboalekɛ bɛnze kenle ko ne anzɛɛ dɔnehwele ko ne mɔɔ Awulae bara la.”

Edwɛkpa ne kɛmɔ Mateyu hɛlɛle la 25:5

Kɛmɔ atɔfolɛ nrenya ne hyɛle la ati, mbɛlɛra ne mɔ bɔle ngɔsɔkɛ na bɛlafele.

Edwɛkpa ne kɛmɔ Mateyu hɛlɛle la 26:38

na ɔzele kɛ, “Nyane ɛha me dedee yeha me ɛkɛla mɔɔ wɔ me nu la. Bɛdɛnla ɛke na bɛ nee me ɛzinza.”

Edwɛkpa ne kɛmɔ Maake hɛlɛle la 13:37

Mɔɔ meka meahile bɛ la, meka meahile awie biala: Bɛzinza!”

Edwɛkpa ne kɛmɔ Luku hɛlɛle la 12:37

Nyilalɛ ɛha sonvolɛma mɔɔ mekɛ mɔɔ bɛ menle kɛra la ɔkɛrado bɛ kɛ bɛ nye gyi zo na bɛlɛkendɛ ye la. Nɔhalɛ, meka meahile bɛ kɛ ɔkɛmaa bɛkɛdɛnlɛdɛnla aze, ɔkɛkpa ɔkɛgua, na ɔkɛmaa bɛ debie.

Edwɛkpa ne kɛmɔ Luku hɛlɛle la 12:39

Na bɛhakye ɛhye! Saa awuke menle ze mekɛ holɛ ko mɔɔ awule ne kɛva kɛra la a, anrɛɛ ɔnrɛmaa ye adenle ɔnrɛmaa ɔnrɛbu ɔnrɛra ye sua ne anu.

Edwɛkpa ne kɛmɔ Luku hɛlɛle la 21:36

Zɔhane ati bɛzinza na bɛzɛlɛ dahuu na bɛanyia anwosesebɛ bɛali ninyɛne ɛhye mɔ mɔɔ basisi la anwo zo konim, na bɛahola medame Sonla Ra, me nyunlu gyinla.”

Edwɛkpa ne kɛmɔ Luku hɛlɛle la 22:46

Na ɔzele bɛ kɛ, “Duzu ati a bɛlɛdafe ɛ? Bɛdwazo na bɛzɛlɛ na bɛangɔ ngyegyelɛ nu.”

Ɛzoanvolɛma Gyima ne 20:31

Yemɔti bɛnlea boɛ, na bɛhakye kɛ mendwinle monle ɛvolɛ nsa a mengilehilele bɛ wɔ nɔɔzo nee ewiazo a.

1 Kɔl 15:34

Bɛzia bɛ nzi bɛva adwenle kpalɛ na bɛgyakyi ɛtaneyɛlɛ. Ɔyɛ anyiemgba bɔbɔ kɛ menwɔha kɛ bɛ bie mɔ ɛnze Nyamenle a.

1 Kɔl 16:13

Bɛyɛ bɛ nye gyɛlɛmgbɛɛnye, bɛgyinla kpundii wɔ diedi ne anu, bɛnyia akɛnrasesebɛ, bɛmaa bɛ nwo ɛyɛ se.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:3

Nɔhalɛ, ɛnee yɛdayɛ noko yɛle kɛ bɛdabɛ ala la; yɛbɔle ɛbɛla mɔɔ yɛdayɛ yɛkulo la, yɛyɛle mɔɔ yɛ nwonane ne atiakunluwɔzo nee yɛ adwenle zele yɛ la, na ɔlua zo yɛhanle Nyamenle ɛya kɛ awie biala la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:14

ɔluakɛ debie biala mɔɔ kɛla ali la, ɛnee yeyɛ wienyi. Yemɔti a bɛha ye kɛ, “Wɔmɔ mɔɔ wɔlafe a, tunwue na ɛvi mɔwuamra anu dwazo! Na Kelaese wienyi ne kɛda ɛ nwo.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:18

Bɛva nzɛlɛlɛ bɛyɛ ɛhye mɔ amuala na bɛbiza Nyamenle moalɛ. Mekɛ biala bɛzɛlɛ kɛmɔ sunsum ne kile la. Zɔhane ati bɛmaa bɛ nye ɛbolo bɛbodo bɛzɛlɛ kpalɛ wɔ Sunsum ne anu dahuu. Bɛyɛ bɛ nye gyɛlɛmgbɛɛnye na bɛmmamaa bɛ sa kpa; bɛzɛlɛ dahuu bɛmaa Nyamenle menli ne noko,

Pɔɔlo Kɛlata mɔɔ ɔhɛlɛle ɔhɔmanle Felepaema la 4:5

Bɛmaa awie biala ɛnwu kɛ bɛlɛ abotane molozo. Awulae ɛbikye.

Kɔlɔ 4:2

Bɛyɛ nzɛlɛlɛ dahuu, bɛzie bɛ adwenle koonwu wɔ bɛ nzɛlɛlɛ nu, na bɛyɛ Nyamenle mo.

1 Tɛs 4:13

Mediema, yɛkulo kɛ bɛnwu nɔhalɛ ne mɔɔ fane bɛdabɛ mɔɔ bɛwu la anwo la, amaa bɛdabɛ noko bɛanli nyane kɛ menli mɔɔ ɛnlɛ anyelazo la.

1 Tɛs 5:10

Gyisɛse wule manle yɛ amaa ɔba a, saa yɛwu o, yɛde ngoane nu o, yɛ nee ye adɛnla.

1 Tɛs 5:8

Na yɛmɛ, yɛle alehyenlɛ nu amra, yemɔti bɛmaa yɛzie yɛ nye gyɛlɛmgbɛɛnye na yɛva diedi nee ɛhulolɛ yɛyɛ bulalɛ enyinlike yɛbutu yɛ kɛnra azo, na yɛva yɛ ngoane ɛnyianlɛ nwo anyelazo yɛhakyi bulalɛ kyɛlɛ yɛzoa.

1 Tem 2:15

Noko saa raalɛ ka ɔ nwo aze, ɔbɔ mɔdenle ɔtɛnla diedi, ɛhulolɛ nee anwondelɛ nu a, ɔlua mralɛ ɛwolɛ ti bɛkɛlie ye ngoane.

1 Tem 2:9

Eza mekpondɛ kɛ mraalɛ ne mɔ noko siezie bɛ nwo kɛnlɛma wɔ adenle mɔɔ kile kɛ bɛze deɛ na nyiane wɔ bɛ nye zo la azo; tɛ tileyɛlɛ mɔɔ bie ɛtɛbale ewiade ɛlɛ anzɛɛ avikpa nee mgbɔba mɔɔ bɛfa bɛayɛ bɛ nwo sɔɔnwo, bɛawula adɛladeɛ anzɛɛ bɛaheda ndanlɛ awolɛ ɛsesebɛ la yɛɛ melɛka a.

1 Tem 3:11

Zɔhane ala yɛɛ bɛ ye mɔ noko ɔwɔ kɛ yɛ mraalɛ mɔɔ bɛ nye gyi bɛ ti anwo na bɛdi nɔhalɛ wɔ debie biala anu a.

1 Tem 3:2

Ɔwɔ kɛ asɔne kpanyinli biala yɛ sonla mɔɔ ngehanleɛ biala ɛnle ɔ nwo, ɔ ye kokye, ɔ nye gyi ɔ ti anwo, ɔkola ɔsɔ ɔ nwo, ɔ nye ka aze, ɔdie nyɛvolɛ na ɔkola ɔkilehile;

2 Tem 4:5

Na wɔmɔ, sie ɛ ti koonwu, mia ɛ nye te nyane, kpɔsa bɔ Edwɛkpa ne nolo, na yɛ Nyamenle gyima ne kɛ ɛle sonvolɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:12

Zɔhane ɛlolɛ ne kilehile yɛ kɛ yɛvuandi ɛbɛla mgbane mgbane nee ewiade atiakunluwɔzo ne mɔ yɛgua, na yɛyɛ yɛ nye gyɛlɛmgbɛɛnye, yɛnlea boɛ na yɛbɔ Nyamenlezulolɛ ɛbɛla fɔɔnwo ne wɔ ewiade ye anu,

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:6

Zɔhane ala yɛɛ ka kile mgbavolɛ ne mɔ maa bɛzɔ bɛ nwo a.

1 Pit 1:13

Zɔhane ati, bɛzie bɛ adwenle koonwu, bɛyɛ bɛ nye gyɛlɛmgbɛɛnye na bɛmaa bɛ nye ɛla nyilalɛ ne mɔɔ bɛbanyia ye wɔ mekɛ mɔɔ Gyisɛse Kelaese kɛra la azo.

1 Pit 4:7

Ninyɛne kɔsɔɔti awieleɛ ɛbikye. Ɛhye ati bɛzɔ bɛ nwo kpalɛ na bɛyɛ bɛ nye gyɛlɛmgbɛɛnye, na bɛahola bɛayɛ nzɛlɛlɛ.

1 Pit 5:8

Bɛyɛ bɛ nye gyɛlɛmgbɛɛnye na bɛzinza! Na bɛ kpɔvolɛ ne, mɔɔ le Abɔnsam, lua nu ɛlɛkpo kɛ awenade, ɔlɛkpondɛ awie yeahye ye yeali.

Yekile 16:15

“Bɛdie! Mebara bɛ nwo zo kɛ awule la! Na nyilalɛ ɛha sonla ne mɔɔ ɛnee ɔ nye gyi zolɛ na ɔnea ye ninyɛne boɛ la, amaa yeanlɛ ɔ nwo zɔ wɔ menli nu na ɔ nyunlu angua aze!”

Yekile 3:2

Tunwue, na miemia mɔɔ ɛlɛ ye la anu kolaa na ɔkɛzɛkye bɔkɔɔ a yeazɛkye. Ɔluakɛ mɔɔ wɔyɛ la amuala, menwu kɛ ɔnli munli nretee zɛhae wɔ me Nyamenle ne anye zo.