1 Tɛs 5:4 - BAEBOLO ANZƐƐ BULUKU NWUANZANWUANZA

⁴ Noko ayi mɔ, bɛmɛ bɛnde awozinli nu na Kenle ne ali bɛ nvunu kɛ awule la.

1 Tɛs 5:4 ပူးပေါင်းရင်းမြစ်များ

Gyɛlɛmaya Buluku ne 42:16

konle ne mɔɔ bɛsulo ye la bado bɛ wɔ Yigyibiti azɛlɛ zo; ɛhɔne ne mɔɔ bɛsulo ye la bazi bɛ nwo zo wɔ Yigyibiti, na ɛkɛ ne a bɛbawu a.

Hozia Buluku ne 10:9

Ɛdɛnkɛma se, “Sumunli kɛ Yizilayɛma yɛle ɛtane tiale me wɔ Gebɛya la, bɛtɛgyakyile ɛtane ɛyɛlɛ ne. Yemɔti konle bava bɛ aze wɔ Gebɛya.

Zɛkalaya Buluku ne 1:6

Noko me mɛla ne nee me ngyehyɛlɛ ne mɔ, mɔɔ menvale menzoanle me sonvolɛma kpɔmanvolɛma la ɛhyɛ ɛdɛla bɛ ze mɔ. Yemɔti bɛnlunle bɛ nwo na bɛhanle kɛ, ‘Kɛ Tumivolɛ Ɛdɛnkɛma zile hyehyɛle kɛ ɔ nee yɛ di wɔ yɛ ndenle nee yɛ nyɛleɛ ne mɔ ati la, zɔhane ala yɛɛ ɔ nee yɛ ɛli a.’ ”

Edwɛkpa ne kɛmɔ Mateyu hɛlɛle la 10:15

Na nɔhalɛ, mese, wɔ Ndɛnebualɛ Kenle ne, Nyamenle baze Sodɔm nee Gomɔla amra anwunvɔne dɔɔnwo adɛla menli mɔɔ wɔ zɔhane sua ne azo la.

Edwɛkpa ne kɛmɔ Luku hɛlɛle la 21:34

“Bɛnlea bɛ nwo boɛ! Bɛmmamaa anyelielɛ dɔɔnwo, nza ɛbolɛ nee ɛbɛla ye anu ɛvɛlɛvɛlɛ di bɛ adwenle somaa, anrɛɛ Ndɛnebualɛ Kenle ne ɛralɛ kɛli bɛ nvunu kɛhye bɛ kɛ ɛhane;

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Mɛla 19:6

Saa tɛ ye zɔ a, anrɛɛ kɛmɔ adenle ne wale la, sonla ne mɔɔ di nzenralɛ ne la bahola avoa ahenle mɔɔ hunle ye la toonwo yeahɔhye ye adenle nu, yeava ɛya yeahu ye yeazie ɔ bo zo, wɔ mekɛ mɔɔ ahenle mɔɔ hunle ye la ɛnli fɔlɛ la. Ɔnle kɛ bɛku ye bɛsie ɔ bo zo, ɔboalekɛ ɛnee ɔ nee ye ɛnlɛ bie dɛba yɛɛ yeanzuzu.

Mɛla 28:15

“Na saa bɛandie Ɛdɛnkɛma bɛ Nyamenle ne ane anzɛɛ bɛanli ye mɛla nee ye ngyehyɛlɛ ne mɔ mɔɔ melɛfa meamaa bɛ ɛnɛ la azo nɔhalɛ nu a, yemɔ munzule ɛhye mɔ amuala bava bɛ aze yeabulu bɛ nwo zo:

Mɛla 28:45

“Munzule ɛhye mɔ kɔsɔɔti bara bɛ nwo zo, adu bɛ mgbaliko na bɛabu bɛava bɛ nwo zo, kɔkpula kɛ bɛ muala bɛkɛwie wu la, ɔboalekɛ bɛanli Ɛdɛnkɛma bɛ Nyamenle ne mɛla nee ye ngyehyɛlɛ ne mɔ mɔɔ yeva yemaa bɛ la azo.

Kɔlɔ 1:13

Nyamenle ɛlie yɛ ɛvi awozinli nu tumi ne mɔ abo, yeva yɛ yera ɔ Ra kulovolɛ ne belemgbunlililɛ ne abo,

1 Tɛs 5:2

Ɔluakɛ bɛdabɛ bɛze kɛ Awulae Kenle ne bara kɛ awule ba bawua nɔɔzo la.

2 Pit 3:10

Awulae Kenle ne bara kɛ awule la. Kenle ne, anwuma bava ɛnelɛ kpole bie aminliminli anwomanyunlu na anwumaneamra ayela aholo; na azɛlɛ ye nee debie biala mɔɔ wɔ zolɛ la bayela adɔ nzonle.

1 Dw 2:8

Noko akee melɛkɛlɛ mɛla fofolɛ mearɛlɛ bɛ mɔɔ le nɔhalɛ wɔ Kelaese nee bɛdabɛ noko bɛ nu a, ɔboalekɛ awozinli ne ɛlɛse, na nɔhalɛ wienyi ne ɛbɔ ɔ bo ɛlɛta.

Yekile 16:15

“Bɛdie! Mebara bɛ nwo zo kɛ awule la! Na nyilalɛ ɛha sonla ne mɔɔ ɛnee ɔ nye gyi zolɛ na ɔnea ye ninyɛne boɛ la, amaa yeanlɛ ɔ nwo zɔ wɔ menli nu na ɔ nyunlu angua aze!”

Yekile 3:3

Zɔhane ati, kakye mɔɔ bɛhilehile wɔ nee mɔɔ ɛdele la, di zolɛ, na nu ɛ nwo. Saa wɔanyɛ ɛ nye gyɛlɛmgbɛɛnye a, mebara ɛ nwo zo kɛ awule, na ɛnrɛnwu mekɛ ko ne mɔɔ mebava meara la.