1 Tɛs 5:3 - BAEBOLO ANZƐƐ BULUKU NWUANZANWUANZA

³ Mekɛ mɔɔ menli kɛdwenle kɛ akee “Debie biala ɛla boɛ” la, mekɛ ne anu ala yɛɛ munzule ne bazi a. Biala ɛnrɛvi ɛsalɛ, ɔbayɛ arɛlevilɛ nu kɛ raalɛ mɔɔ ako ɛha ye la.

1 Tɛs 5:3 ပူးပေါင်းရင်းမြစ်များ

Dwobu Buluku ne 15:21

Ɛnelɛ ɛzulolɛ ɛmkpa ɔ nzo nu; saa ɔkpazi a, sɛkyevolɛ ne bara ɔ nwo zo.

Dwobu Buluku ne 24:23

Ɔbɔ bɛ nwo bane, ɔmaa bɛgyinla boɛ; yɛɛ ɔ nye wɔ bɛ ɛbɛlabɔlɛ nu.

Edwɛndolɛ Buluku ne 35:8

Maa bɛpe kpotekpote arɛlevilɛ nu! Na maa bɛ ngome bɛ ɛhane ɛhye bɛ; maa bɛgua nu bɛwu.

Edwɛndolɛ Buluku ne 48:6

Bɛ nwo wozowozole bɛ wɔ ɛkɛ, kɛ raalɛ mɔɔ ɛvo awolɛ zo la.

Edwɛndolɛ Buluku ne 55:15

Maa ewule ɛhu bɛ; maa bɛzie bɛ anyewɔzo! Amumuyɛ ɛyi bɛ awuke nee bɛ ahonle nu tɛkɛɛ.

Edwɛndolɛ Buluku ne 69:22

Maa bɛ ɛkponledolɛ ɛhakyi ɛhane; na bɛ ɛvoyialilɛ ɛyɛ ɛhane.

Mrɛlɛbulɛ Buluku ne 29:1

Sonla mɔɔ bɛtwi ɔ nyunlu a ɛnee anzosesebɛ ala a ɔyɛ la banwu ɔ nyunlu arɛlevilɛ nu mɔɔ ɔnrɛhola ɔ nloa gyinla a.

Ayezaya Buluku ne 20:6

Mekɛ ne anu bɛdabɛ mɔɔ bɛde ɛnweanloa nehae la baha kɛ, ‘Bɛnlea mɔɔ ɛzi bɛdabɛ mɔɔ yɛvale yɛ rɛle yɛwulale bɛ nu, na yɛnriandile yɛhɔdanenle bɛ kɛ bɛboa yɛ na bɛlie yɛ bɛvi Aselea belemgbunli ne asa anu la anwo zo a! Na yɛmɛ, kɛ ɔkɛyɛ na yɛavi ɛsalɛ ɛ?’ ”

Ayezaya Buluku ne 29:5

Na bɛbabɔ wɔ kpɔvolɛma dɔɔnwo ne bɛagua kɛ munlutu, yɛɛ atisesebɛma banriandi kɛ abonle mɔɔ anwoma ɛlɛbɔ ye ahɔ la. Na mɔɔ ɛ nye zo katete wɔ la, arɛlevilɛ nu ala,

Ayezaya Buluku ne 30:13

ɛtane ɛhye bayɛ kɛ bane mɔɔ hanlɛ la nu na yebuke haanwu yede ɔ nwo wanaanwo na ɔkpondɛ yeagolo yeagua la yeamaa bɛ; ye azegualɛ ne bayɛ arɛlevilɛ nu.

Ayezaya Buluku ne 47:11

Noko munzule bado wɔ mɔɔ ɛnrɛhola ɔ nloa gyinla a; edwɛkɛ kpole bado wɔ mɔɔ ɛnrɛhola nwolɛ mgbɔdalɛ di a; ɛbabɔ atondo arɛlevilɛ nu mɔɔ ɛ nye ɛnla a.

Ayezaya Buluku ne 47:9

Ninyɛne nwiɔ ɛhye bazi ɛ nwo zo, bɛbazi ɛ nwo zo arɛlevilɛ nu, kenle kokye; wɔ ninsinlima baye ngonyia, bɛbahye sili, na ɔnrɛyɛ boɛ; bɛ ayɛne tumi kpole ne amuala anzi ɛbali kunlane, wɔaminli ɛ mra ne mɔ amuala.

Ayezaya Buluku ne 56:12

Bɛse, ‘Ayi mɔ, bɛrɛla bɛmaa yɛhɔkpondɛ nwanye bie yɛnlo. Bɛmaa yɛhɔnlo nza ɛsesebɛ yɛbo; ɛhyema noko bayɛ kɛ ɛnɛ la, ɔbayɛ ɛzulolɛ kpole kpalɛ.’ ”

Gyɛlɛmaya Buluku ne 13:21

Saa bɛfa menli mɔɔ bɛmɛ bɛvale bɛ kɛ konle nu agɔnwolɛma la bie bɛsie bɛ kpanyinli a, bɛmɛ Yizilayɛma, duzu edwɛkɛ a bɛkɛha a? Asoo bɛ nwo ɛnrɛfofo bɛ, bɛnrɛde nyane kɛ raalɛ mɔɔ ɛvo awolɛ zo la?

Gyɛlɛmaya Buluku ne 14:19

Ɛdɛnkɛma, yemɔti wɔye Dwudama bɔkɔɔ? Asoo ɛkyi Zayɔnoma? Duzu ati a wɔboda yɛ kpole zɛhae mɔɔ yɛyɛ ayile a yɛ nwo ɛnza ɛ? Yɛkpondɛle anzonudwolɛ, noko kpalɛ amba, yɛkpondɛle anwonzalɛ, na nea, ɛzulolɛ a rale a.

Gyɛlɛmaya Buluku ne 22:23

O Lɛbanɔnoma, mɔɔ bɛde sida azua nu a, nyane to bɛ a ɛkponlenlɛ mɔɔ bɛbakponle la bayɛ kɛ raalɛ mɔɔ ɛhɔ ahonleɛ la.

Gyɛlɛmaya Buluku ne 4:31

Mendele ɛdeanlɛ kɛ raalɛ mɔɔ ɛvo awolɛ zo, mendele ɛkponlenlɛ kɛ raalɛ mɔɔ ɛlɛwo ye belamunli ralɛ la. Gyɛlusalɛm a ɛzu ɛha nu la, yedɛlɛ ɔ sa nu, ɔse, “Mewu O! Medɔ kɔdiawuma asa anu.”

Gyɛlɛmaya Buluku ne 6:14

Bɛlɛmia me menli ne nganlɛ ne mɔ a bɛdoɔloa bɛ ala. Bɛse, ‘Yehɔ, yehɔ,’ wɔ mekɛ mɔɔ nganlɛ ne mɔ ɛtɛkɔle la.

Gyɛlɛmaya Buluku ne 6:24

Gyɛlusalɛmma se, “Yɛde nrɛlaleɛ ne, yɛ sa nu ɛtuto. Arɛlebɔlɛ nee nyane ɛkyekye yɛ kɛ raalɛ mɔɔ ɛvo awolɛ zo la.

Gyɛlɛmaya Buluku ne 8:11

Bɛlɛmia me menli ne mɔ nganlɛ ne mɔ a bɛdoɔloa bɛ ala. Bɛse, ‘Yehɔ, yehɔ,’ wɔ mekɛ mɔɔ nganlɛ ne mɔ ɛtɛkɔle la.

Yizikeɛle Buluku ne 13:10

“ ‘Kɛmɔ bɛbɛlɛbɛla me menli ne, na ɛleka mɔɔ anzonudwolɛ ɛnle la ɛnee bɛse anzonudwolɛ wɔ ɛkɛ, na menli ne die bane mgbane bie a ɛnee bɛmɛ Nyamenle kpɔmanvolɛma bɛhwi nwolɛ kalo la;

Hozia Buluku ne 13:13

Ɔmaa ɔ nli te awolɛ ne nyane, na ɔle koasea la ati, ɔmba. Ɔle kakula mɔɔ ye awolɛ mekɛ dwu a ɔnva ɔ ti ɔndua awodeɛ ne anloa a.

Nahum Buluku ne 1:10

Bɛyela kɛ mbowule mɔɔ ɛdo ɛsɛka nu, bɛyela kɛ abɛlɛ dosinli.

Edwɛkpa ne kɛmɔ Mateyu hɛlɛle la 23:33

Nwɔlɛ! Ɛkyelebenle mralɛ! Bɛdwenle kɛ bɛnrɛbua bɛ ewule fɔlɛ bɛnrɛmaa bɛnrɛhɔ abɔnsam senle nu ɔ?

Dw 16:21

Saa raalɛ fo awolɛ zo a, ye adwenle sɛkye, ɔboalekɛ ye nyanedelɛ mekɛ ɛdwu; na saa ɔwo a, ɔ rɛle fi ye nyane ne, ɔboalekɛ ɛnee ɔlɛdi fɛlɛko kɛ yewo ralɛ yedo ewiade a.

Ɛzoanvolɛma Gyima ne 13:41

‘Bɛnlea, bɛmɛ agolobɛnwoma! Akpule ku bɛ agua bɛ lɔ! Ɔluakɛ, gyima mɔɔ melɛdi wɔ bɛ mekɛ zo la ɛnle debie mɔɔ awie kile nu kile bɛ bɔbɔ a bɛkɛlie bɛkɛli a!’ ”

Mɛla 29:19

Bɛnlea na bɛ bie anva andu ɔ nwo kɛ, kɛmɔ yede ngyekyeleɛ ne anu edwɛkɛ la ati saa ɔyɛ anzosesebɛ a, ɔbava ɔ nwo dwɔɔ. Ɛhye ka awie biala, kpalɛ o, anzɛɛ ɛtane o.

2 Tɛs 1:9

Bɛbadea menli zɔhane mɔ na bɛaye bɛ bɛavi Awulae anye zo nee ye anyunlunyia tumi ne abo, na bɛazɛkye bɛ ɛzɛkyelɛ mɔɔ ɛnlɛ awieleɛ la.

Kɛlata mɔɔ bɛhɛlɛle bɛhɔmanle Hibuluma la 12:23

Bɛra anyelielɛ ayia ne mɔɔ Nyamenle amra mgbanyinli ne mɔ mɔɔ bɛhɛlɛ bɛ aluma wɔ anwuma lɔ la a kɔ la bie. Bɛra Nyamenle mɔɔ le menli kɔsɔɔti ndɛnebuavolɛ la ɛkɛ, yɛɛ bɛra fɔɔnwoma mɔɔ bɛmaa bɛ sunsum ɛli munli la ɛkɛ.

Kɛlata mɔɔ bɛhɛlɛle bɛhɔmanle Hibuluma la 2:3

Na saa yɛanzɔ ngoanelielɛ kpole mɔɔ le zɛhae la anu a, ɛnee kɛ ɔkɛyɛ na yɛavi ɛsalɛ ɛ? Awulae mumua ne lumuale bɔle ngoanelielɛ ɛhye anwo nolo, yɛɛ bɛdabɛ mɔɔ bɛdiele ye la ɛhile ɛmaa yɛnwu kɛ ɔle nɔhalɛ.

2 Pit 2:4

Saa Nyamenle anvavi ye soanvolɛma ne mɔɔ vonle ye, na ɔvuandinle bɛ ɔguale hɛɛle, yemaa bɛgua bɛ nwɔnzɔnwɔnzɔ wɔ awozinli kabii ne anu, kɛ bɛhendɛ Ndɛnebualɛ Kenle ne;

Maanlebuvolɛma Buluku ne 8:11

Gedɛyɔn vale Noba nee Dwobɛha aduduleɛ adenle ne azo na ɔhɔle bɛ kpɔvolɛma ɛlɔne ne anwo zo arɛlevilɛ nu.