1 Tɛs 5:21 - BAEBOLO ANZƐƐ BULUKU NWUANZANWUANZA

²¹ Bɛzɔ ninyɛne kɔsɔɔti bɛnlea, bɛva mɔɔ le kpalɛ la bɛzie,

1 Tɛs 5:21 ပူးပေါင်းရင်းမြစ်များ

Mrɛlɛbulɛ Buluku ne 23:23

Su ezukoa tɔ nɔhalɛ, nrɛlɛbɛ, ngilehilelɛ, yɛɛ ndelebɛbo; mmatɔne bie.

Mrɛlɛbulɛ Buluku ne 3:1

Me ra nrenya, mmamaa ɛ rɛle fi me ngilehilelɛ ne; fa me mɛla ne mɔ sie wɔ ahonle nu,

Mrɛlɛbulɛ Buluku ne 4:13

Sɔ folɛdulɛ nu boɛ, mmagyakyi nuhua, sie ye boɛ, ɔluakɛ yemɔ azo yɛɛ wɔ ngoane gyi a.

Sɔlɔmɔn Edwɛne 3:4

Mevi bɛ nwo ɛkɛ ne ala la, menwunle me kulovolɛ ne. Menzɔle ye kɛ menrɛmaa ɔnrɛhɔ, kɔkpula kɛ me nee ye ɛhɔ ɔmɔ sua nu, ekpumgbunli ne mɔɔ bɛwole me nu la anu.

Ayezaya Buluku ne 8:20

Bɛdie mɔɔ Ɛdɛnkɛma ɛlɛka la na bɛli ye ngilehilelɛ zo! Nɔhalɛ, edwɛkɛ ɛhye mɔɔ bɛka la aleɛ ɛnrɛhye zo.

Edwɛkpa ne kɛmɔ Luku hɛlɛle la 12:57

“Kɛmɔti a bɛdabɛ bɛ ngome bɛngola bɛmbua bɛ nwo ndɛne fɔɔnwo ɛ?

Dw 15:4

Bɛhɔ zolɛ bɛdɛnla me nu, na medame mendɛnla bɛ nu. Baka ɛhane ngome ɛngola ɛnzo ma; saa ɔwɔ vanye baka ne anwo a yɛɛ ɔso ma a. Zɔhane ala yɛɛ bɛdabɛ noko bɛnrɛhola bɛnrɛyɛ Nyamenle ɛhulolɛdeɛ ne a, kyesɛ bɛmeta me nwo kɛ baka ngane la.

Dw 8:31

Yemɔti Gyisɛse zele Dwuuma mɔɔ liele ye lile la kɛ, “Saa bɛkɔ zolɛ bɛdi me ngilehilelɛ zo a, ɛnee bɛle me ɛdoavolɛma amgba;

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Ɛzoanvolɛma Gyima ne 17:11

Dwuuma mɔɔ wɔ ɛkɛ ne la adwenle nu ɛbuke ɛdɛla bɛdabɛ mɔɔ bɛwɔ Tɛsalonaeka la. Zɔhane ati bɛliele Edwɛkpa ne na dahuu bɛnleɛnleanle Nyamenle Edwɛkɛ ne anu kpalɛ kɛ saa mɔɔ Pɔɔlo ɛlɛka la le nɔhalɛ a.

Wulo 12:2

Bɛmmamaa ewiade amaamuo di bɛ adwenle. Bɛmaa Nyamenle ɛhakyi bɛ adwenle bɔkɔɔ, na bɛahola bɛanwu Nyamenle ɛhulolɛdeɛ kpalɛ ne mɔɔ le kpalɛ, ɔsɔ ɛnyelɛ, na ɔdi munli la.

Wulo 12:9

Bɛmaa bɛ ɛhulolɛ ɛyɛ nɔhalɛ ɛhulolɛ; bɛhyi mɔɔ le ɛtane la na bɛzɔ mɔɔ le kpalɛ la anu.

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

1 Kɔl 2:11

Awie biala ɛnze sonla adwenle kyesɛ ɔdaye mumua ne ye sunsum ne mɔɔ wɔ ye nu la. Zɔhane ala yɛɛ Nyamenle Sunsum ne angome ala a ze Nyamenle adwenle nu a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:10

Zɔhane ati, kenle biala mɔɔ mekɛ kɛra kɛ ɔwɔ kɛ yɛyɛ nyele la, bɛmaa yɛyɛ yɛmaa awie biala, bɔbɔ bɛdabɛ mɔɔ yɛ nee bɛ yɛ muala yɛlɛ diedi ko la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:10

Bɛbɔ mɔdenle bɛzukoa mɔɔ bɛyɛ a ɔsɔ Awulae anye la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:10

amaa bɛnwu mɔɔ le kpalɛ la a bɛanwu ye, na bɛ nwo ade saanwu na bɛanli fɔlɛ wɔ Kenle ne mɔɔ Kelaese kɛra la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:16

Noko kɛ ɔde biala la, bɛmaa yɛhɔ yɛ nyunlu yɛzɔ mɔɔ yɛlɛ la anu boɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

1 Tɛs 5:15

Bɛnlea kɛ awie ɛnrɛva ɛtane ɛnrɛdua ɛtane kakɛ. Dahuu bɛyɛ bɛ adwenle kɛ bɛkɛyɛ kpalɛ bɛkɛmaa bɛ nwo ngoko nee awie mɔ gyɛne.

1 Tɛs 5:22

na bɛhyi ɛtane ngakyile biala.

2 Tɛs 2:15

Yemɔti mediema, bɛgyinla kpundii na bɛzɔ nɔhalɛ ne mɔɔ yɛha nwolɛ edwɛkɛ wɔ yɛ nolobɔlɛ nu nee ngɛlata zo yɛhile bɛ la anu ɛsesebɛ.

2 Tem 1:15

Ɛze kɛ awie biala mɔɔ wɔ Ehyea maanzinli ne anu la ɛnriandi me; Fegyɛlɛse nee Hɛmɔgyɛnize bɛdabɛ bɛboka bɛ.

2 Tem 3:6

Menli ɛhye bie mɔ luolua nu wolowolo azua di mraalɛ mɔɔ anwo ɛhyele bɛ na bɛ nwo yɛ anwunvɔne, na bɛ ɛtane nwo fɔlɛlilɛ ɛyɛ adesoa ɛlɛbu bɛ kɔme, na nwonane nu atiakunluwɔzo ngakyile ɛndie bɛ la anzo.

2 Tem 4:14

Alɛzanda mɔɔ le kɔbele dwinvolɛ ne ɛyɛ me ɛtane kpole, na Awulae badua ye nwolɛ kakɛ noko, kɛmɔ ɔfɛta la.

Kɛlata mɔɔ bɛhɛlɛle bɛhɔmanle Hibuluma la 10:23

Bɛmaa yɛzɔ anyelazo ne mɔɔ yɛlɛ ye la anu kpalɛ, ɔboalekɛ Nyamenle ne mɔɔ bɔle yɛ ɛwɔkɛ ne la le nɔhalɛ.

1 Dw 4:1

Ayi mɔ, bɛmmadie sunsum ne mɔ amuala bɛdi, bɛzɔ bɛ bɛnlea na bɛnwu sunsum ne mɔɔ vi Nyamenle ɛkɛ ne la. Ɔluakɛ Nyamenle kpɔmanvolɛma adalɛ dɔɔnwo ɛdwazo ewiade ye anu.

Yekile 2:2

Menwu wɔ gyima ne mɔ mɔɔ wɔli la; meze wɔ ɛvɛlɛ nee wɔ abotane ne amuala. Meze kɛ ɛmkpondɛ amumuyɛma anyunlu ɛnnea yɛɛ wɔzɔ bɛdabɛ mɔɔ bɛse bɛle ɛzoanvolɛma la wɔnlea na wɔnwu kɛ bɛnle ɛzoanvolɛma, na bɛle alane.

Yekile 2:25

Mɔɔ meka meahile bɛ ala la a le kɛ bɛzɔ mɔɔ bɛlɛ ye la anu kpalɛ kɔkpula mekɛ mɔɔ menwɔra la.

Yekile 3:11

Ɔnrɛhyɛ na meara. Mɔɔ ɛlɛ la sɔ nu boɛ, amaa awie amkpodi wɔ konim ahyɛlɛdeɛ ne anvi ɛ sa nu.

Yekile 3:3

Zɔhane ati, kakye mɔɔ bɛhilehile wɔ nee mɔɔ ɛdele la, di zolɛ, na nu ɛ nwo. Saa wɔanyɛ ɛ nye gyɛlɛmgbɛɛnye a, mebara ɛ nwo zo kɛ awule, na ɛnrɛnwu mekɛ ko ne mɔɔ mebava meara la.