1 Tɛs 5:2 - BAEBOLO ANZƐƐ BULUKU NWUANZANWUANZA

² Ɔluakɛ bɛdabɛ bɛze kɛ Awulae Kenle ne bara kɛ awule ba bawua nɔɔzo la.

1 Tɛs 5:2 ပူးပေါင်းရင်းမြစ်များ

Gyɛlɛmaya Buluku ne 23:20

Ɛdɛnkɛma ɛya ne ɛnrɛdwo, kyesɛ yeyɛ mɔɔ gyi ɔ nye zo la. Kenle bie bɛbade ɔ bo kpalɛ.”

Edwɛkpa ne kɛmɔ Mateyu hɛlɛle la 25:13

Na Gyisɛse dwulale ye edwɛkɛ ne kɛ, “Yemɔti bɛzinza, ɔboalekɛ bɛnze kenle ko ne anzɛɛ dɔnehwele ko ne mɔɔ Awulae bara la.”

Edwɛkpa ne kɛmɔ Luku hɛlɛle la 21:34

“Bɛnlea bɛ nwo boɛ! Bɛmmamaa anyelielɛ dɔɔnwo, nza ɛbolɛ nee ɛbɛla ye anu ɛvɛlɛvɛlɛ di bɛ adwenle somaa, anrɛɛ Ndɛnebualɛ Kenle ne ɛralɛ kɛli bɛ nvunu kɛhye bɛ kɛ ɛhane;

1 Kɔl 1:8

Kelaese ɔdaye ɔbamaa bɛagyinla kpundii bɛahɔ awieleɛ, amaa bɛanli fɔlɛ wɔ debie biala anu wɔ yɛ Awulae Gyisɛse Kelaese Kenle ne.

1 Tɛs 5:4

Noko ayi mɔ, bɛmɛ bɛnde awozinli nu na Kenle ne ali bɛ nvunu kɛ awule la.

2 Tɛs 2:2

bɛmmamaa bɛ adwenle yɛ bɛ kpomgbondee anzɛɛ bɛmmadi nyane wɔ nwolɛ na bɛdwenle kɛ asɛɛ Awulae Kenle zɔhane ɛraze dɛbadɛba. Ɔkɛyɛ kɛ bekezɛ ɔvindele Sunsum nu edwɛkɛ bie anu anzɛɛ Nyamenle Edwɛkɛ ne nolobɔlɛ nu, anzɛɛ yɛhɛlɛ ye wɔ yɛ ngɛlata mɔɔ yɛva yɛrɛlɛ bɛ la bie anu.

Dwɔhyua Buluku ne 11:7

Zɔhane ati Dwɔhyua nee ye ɛlɔnema ne hɔle bɛ nwo zo arɛlevilɛ nu wɔ Milɔm Azule na bɛ nee bɛ honle.

2 Pit 3:10

Awulae Kenle ne bara kɛ awule la. Kenle ne, anwuma bava ɛnelɛ kpole bie aminliminli anwomanyunlu na anwumaneamra ayela aholo; na azɛlɛ ye nee debie biala mɔɔ wɔ zolɛ la bayela adɔ nzonle.

Yekile 16:15

“Bɛdie! Mebara bɛ nwo zo kɛ awule la! Na nyilalɛ ɛha sonla ne mɔɔ ɛnee ɔ nye gyi zolɛ na ɔnea ye ninyɛne boɛ la, amaa yeanlɛ ɔ nwo zɔ wɔ menli nu na ɔ nyunlu angua aze!”

Yekile 3:3

Zɔhane ati, kakye mɔɔ bɛhilehile wɔ nee mɔɔ ɛdele la, di zolɛ, na nu ɛ nwo. Saa wɔanyɛ ɛ nye gyɛlɛmgbɛɛnye a, mebara ɛ nwo zo kɛ awule, na ɛnrɛnwu mekɛ ko ne mɔɔ mebava meara la.