1 Tɛs 5:18 - BAEBOLO ANZƐƐ BULUKU NWUANZANWUANZA

¹⁸ na bɛyɛ Nyamenle mo wɔ gyinlabelɛ biala anu. Mɔɔ Nyamenle kpondɛ kɛ bɛdabɛ mɔɔ bɛ nee Kelaese Gyisɛse lua la yɛ la ɛne.

1 Tɛs 5:18 ပူးပေါင်းရင်းမြစ်များ

Dwobu Buluku ne 1:21

Ɔse, “Meanva bie meamba na mekɔ a meava bie meahɔ. Ɛdɛnkɛma a vale manle me a, yɛɛ Ɛdɛnkɛma a ɛlie ye debie a. Ayɛlɛyelɛ ɛha Ɛdɛnkɛma duma ne.”

Edwɛndolɛ Buluku ne 34:1

Mebayɛ Ɛdɛnkɛma mo dahuu; dahuu mebaye ye ayɛlɛ.

Daneɛle Buluku ne 6:10

Daneɛle nwunle kɛ bɛlie mɛla ne bɛdo nu na belemgbunli ɛva ɔ sa ɛwula ɔ bo la, ɔhɔle sua nu, ɔbukebukele ye nvɛnzɛlɛ ne mɔ mɔɔ kɔne Gyɛlusalɛm afoa nu la ɔguale nwolɛ, na kenle ko biala ɔhotole ɔzɛlɛle na ɔyɛle ye Nyamenle ne mo fane nsa, kɛmɔ ɛnee ɔyɛ ye dɛba ne la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:20

Bɛlua yɛ Awulae Gyisɛse Kelaese duma nu bɛyɛ Nyamenle Selɛ ne mo dahuu wɔ debie biala anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:6

Bɛmmadwenle debie biala anwo. Wɔ debie biala anu bɛyɛ moyɛlɛ nzɛlɛlɛ na bɛva mɔɔ bɛhyia nwolɛ la bɛdo Nyamenle anyunlu.

Kɔlɔ 3:17

Debie biala mɔɔ bɛyɛ, edwɛkɛ biala mɔɔ bɛka, nyɛleɛ biala anu, bɛyɛ ye wɔ Awulae Gyisɛse duma nu, na bɛlua ɔ nwo zo bɛyɛ Nyamenle Selɛ ne mo.

1 Tɛs 4:3

Nyamenle ɛhulolɛdeɛ a le kɛ bɛ nwo kɛde na bɛkɛhwe bɛ nwo bɛkɛvi adwɔmane ɛbɔlɛ nwo.

Kɛlata mɔɔ bɛhɛlɛle bɛhɔmanle Hibuluma la 13:15

Yemɔti, bɛmaa yɛva ayɛlɛyelɛ yɛlua Gyisɛse anwo zo yɛmaa Nyamenle. Ɛhye a le azubɔlɛ kpalɛ mɔɔ ɛnloanlɛ mɔɔ bɔ ye duma kɛ ɔle Awulae la kola bɔ a.

1 Pit 2:15

Ɔluakɛ Nyamenle ɛhulolɛ a le kɛ bɛkɛva bɛ nyɛleɛ kpalɛ ne mɔ bɛkɛmaa ahɔnwɔne kɛgyakyi mgbane mgbane ɛhehanlɛ.

1 Pit 4:2

Na ɔvi mekɛ ne anu mɔɔ kɔ la, ɔmaa Nyamenle ɛhulolɛ ne dielie ye wɔ ye ɛbɛlabɔlɛ mɔɔ ɛha amozi la anu na ɔgyakyi ye atiakunluwɔzo nzi ɛlilɛ.

1 Dw 2:17

Ewiade nee nuhua atiakunluwɔzo ninyɛne ne mɔ amuala bapɛ nu aze, na sonla ne mɔɔ yɛ Nyamenle ɛhulolɛdeɛ la de aze dahuu.