1 Tɛs 4:8 - BAEBOLO ANZƐƐ BULUKU NWUANZANWUANZA

⁸ Zɔhane ati, mɔɔ kɛkpo ngilehilelɛ ɛhye la ɛmkpo sonla, na yekpo Nyamenle ne mɔɔ ɛva ye Sunsum Nwuanzanwuanza ne ɛmaa bɛ la.

1 Tɛs 4:8 ပူးပေါင်းရင်းမြစ်များ

Nihɛmaya Buluku ne 9:30

Ɛbɔle bɛ kɔkɔ abotane nu ɛvolɛ biala, ɛluale wɔ Sunsum ne azo ɛmanle wɔ kpɔmanvolɛma dendɛle, na wɔ menli ne yɛle ateakpaso; yemɔti ɛmanle maanle maanle lile bɛ nwo zo konim.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:8

Na Mosisi hanle kɛ, “Nɔsolɛ nu Ɛdɛnkɛma bamaa bɛ nane bɛali na nwonlomɔ nu yeamaa bɛ kpanwo bɛali bɛ ko ayi, ɔboalekɛ Ɛdɛnkɛma ɛde bɛ ɛdendɛlɛ mɔɔ bɛtendɛ bɛtia ye la, na yɛmɛ, yɛle duzu? Tɛ yɛmɛ yɛɛ bɛtendɛ bɛatia yɛ a, bɛtendɛ bɛtia Ɛdɛnkɛma.”

Mrɛlɛbulɛ Buluku ne 1:7

Ɛdɛnkɛma ɛzulolɛ le adwenle nu ɛbukelɛ mɔlebɛbo, ahoasea kyi nrɛlɛbɛ edwɛkɛ nee ngilehilelɛ.

Mrɛlɛbulɛ Buluku ne 23:9

Mmaka nrɛlɛbɛ edwɛkɛ ɛkile koasea, ɔluakɛ ɔnrɛva wɔ edwɛkɛ ne ɔnrɛyɛ ɛhwee.

Ayezaya Buluku ne 49:7

Ɛdɛnkɛma, Yizilayɛ Kpɔnevolɛ ne, Yizilayɛ Nwuanzanwuanza Ko ne ɛlɛka ahile sonla ne mɔɔ le arelemgbunli sonvolɛ, mɔɔ maanle maanle ne mɔ ɛkpo ye, na bɛkyi ye kpole kpalɛ la kɛ, “Arelemgbunli banwu wɔ na bɛadwazo; arelemgbunli amra mrenya badu agua ɛ nyunlu, ɔboalekɛ Ɛdɛnkɛma, Yizilayɛ Nwuanzanwuanza Ko ne, mɔɔ ɛkpa nu ɛye wɔ la di nɔhalɛ.”

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Edwɛkpa ne kɛmɔ Luku hɛlɛle la 10:16

Gyisɛse zele ye ɛdoavolɛma ne kɛ, “Sonla mɔɔ kɛdie bɛ la ɛdie me; sonla mɔɔ andie bɛ la andie me, yɛɛ mɔɔ andie me la andie ahenle mɔɔ zoanle me la.”

Dw 12:48

Na mɔɔ kɛkpo me na yeanlie me edwɛkɛ ne la lɛ mɔɔ babua ye ewule fɔlɛ a. Edwɛkɛ ne mɔɔ meha la yɛɛ babua ye ewule fɔlɛ wɔ mekɛ ne mɔɔ li awieleɛ la a.

Ɛzoanvolɛma Gyima ne 13:41

‘Bɛnlea, bɛmɛ agolobɛnwoma! Akpule ku bɛ agua bɛ lɔ! Ɔluakɛ, gyima mɔɔ melɛdi wɔ bɛ mekɛ zo la ɛnle debie mɔɔ awie kile nu kile bɛ bɔbɔ a bɛkɛlie bɛkɛli a!’ ”

Wulo 5:5

Anyelazo ɛhye ɛnye yɛ anrinli ɛndo yɛ sa nu, ɔluakɛ Nyamenle ɛlua Sunsum Nwuanzanwuanza ne, mɔɔ le Nyamenle ahyɛlɛdeɛ ne azo ɛva ye ɛhulolɛ ɛyi yɛ ahonle ne mɔ tɛkɛɛ.

1 Kɔl 2:10

Yɛmɛ yɛɛ Nyamenle ɛlua ye Sunsum ne azo ɛye fealeranu debie zɛhae ɛhile yɛ a, ɔluakɛ Sunsum ne fedevede ninyɛne kɔsɔɔti anu, bɔbɔ kɛ Nyamenle ngyehyɛlɛ ne kuma ne kuloonwu si de la.

1 Kɔl 7:40

Saa raalɛ ne kɛdɛnla mɔɔ ɔngɔ agyalɛ a anrɛɛ mese ɔ nye balie. Kɛ me adwenle se me la ɛne, yɛɛ medie medi kɛ medame noko Nyamenle Sunsum ne wɔ me nu.

2 Kɔl 1:22

yeyɛ yɛ nzonlɛ yemaa ɔ nwo, na yeva ye Sunsum Nwuanzanwuanza ne yewula yɛ ahonle nu kɛ ninyɛne mɔɔ kenle bie ɔbava yeamaa yɛ la amuala anwo awoba a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:6

Kɛmɔ bɛle ɔ mra la, Nyamenle ɛzoa ɔ Ra ne Sunsum ne yemaa yerayi yɛ ahonle ne mɔ tɛkɛɛ, yemɔti yɛkola yɛka kɛ, “Egya! Me Papa!”

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.

2 Pit 1:21

Ɔboalekɛ Nyamenle kpɔmanvolɛma edwɛkɛ kpɔkɛ ko biala mɔɔ bɛhanle la ɛnvi sonla. Sunsum Nwuanzanwuanza ne a wolole bɛ manle bɛhanle zɔhane edwɛkɛ ne mɔɔ vi Nyamenle ɛkɛ ne la a.

1 Dw 3:24

Awie biala mɔɔ di Nyamenle mɛla ne mɔ azo la nee Nyamenle a lua a yɛɛ Nyamenle nee ye lua. Mɔɔ maa yɛnwu kɛ Nyamenle nee yɛ lua la a le Nyamenle Sunsum ne mɔɔ Nyamenle ɛva ɛmaa yɛ la.

Dwuudu Kɛlata ne 1:8

Zɔhane ala yɛɛ menli ɛhye mɔ de a. Bɛyɛ bɛ nwo kɛ bɛnwu ɛnyelɛzodeɛnwunlɛ na bɛdua zo bɛsɛkye bɛ nwonane ne, bɛkpo Nyamenle tumi ne na bɛtendɛ bɛtia anyunlunyiama mɔɔ wɔ anwuma la.

1 Sam 10:19

Mele bɛ Nyamenle mɔɔ die bɛ fi bɛ ngyegyelɛ nee bɛ ngyianlɛ muala anu a. Noko ɛnɛ bɛkpo me na bɛze me kɛ, memaa bɛ belemgbunli.’ Yemɔti bɛ kɔsɔɔti bɛrɛla bɛrayia Ɛdɛnkɛma anyunlu ɛke, bɛgua ye mbusua ekpunli ekpunli nee mbusua ekpulike ekpulike, kɛmɔ ko biala dodo de la.”

1 Sam 8:7

na Ɛdɛnkɛma zele Samoɛle kɛ, “Edwɛkɛ biala mɔɔ menli ne kɛha kɛhile wɔ la, tie. Tɛ wɔmɔ yɛɛ bɛkpo wɔ a; mame yɛɛ bɛkpo me kɛ ɛnɛ menle bɛ belemgbunli bieko a.