1 Tɛs 4:6 - BAEBOLO ANZƐƐ BULUKU NWUANZANWUANZA

⁶ Wɔ ɛhye ɛyɛlɛ nu, ɔnle kɛ awie biala yɛ ɔ diema bie ɛtane anzɛɛ sisi ye. Yɛha ɛhye yɛhile bɛ ɛlɛ, yɛɛ yɛbɔ bɛ nwolɛ kɔkɔ, kɛ Nyamenle badea bɛdabɛ mɔɔ bɛyɛ zɔhane ɛtane ne la.

1 Tɛs 4:6 ပူးပေါင်းရင်းမြစ်များ

Edwɛndolɛ Buluku ne 140:12

Meze kɛ Ɛdɛnkɛma di mɔɔ ɛlɛnwu amaneɛ la edwɛkɛ maa ye, na ɔbua mɔɔ ɛhyia la ndɛne nɔhalɛ nu ɔmaa ye.

Edwɛndolɛ Buluku ne 94:1

O Ɛdɛnkɛma, nzenralɛ Nyamenle, wɔmɔ nzenralɛ Nyamenle, kile wɔ tumi!

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:15

“Bɛmmawua.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:17

“Bɛmmamaa bɛ nye bolo bɛ gɔnwo sua nu; bɛmmamaa bɛ nye bolo bɛ gɔnwo aye, anzɛɛ ye sonvolɛ nrenya, anzɛɛ ye sonvolɛ raalɛ, anzɛɛ ye ɛnlankɛ nyinli, anzɛɛ ye asoaso, anzɛɛ bɛ gɔnwo debie biala.”

Mrɛlɛbulɛ Buluku ne 11:1

Ɛdɛnkɛma kyi tone mɔɔ bɛwua nu la, na ɔ nye die tone mɔɔ bɛnwua nu la anwo.

Mrɛlɛbulɛ Buluku ne 16:11

Tone kpalɛ mɔɔ nzisi ɛnle nu la le Ɛdɛnkɛma ɛdeɛ, yɛɛ ninyɛne mɔɔ wɔ kodoku ne anu la le ɔ sa anloa gyima.

Mrɛlɛbulɛ Buluku ne 20:14

Sonla mɔɔ tɔ debie la edwɛkɛ a le, “Ɔnle kpalɛ, ye bolɛ yɛ se”, na ɔdwu sua nu a yeadu ɔ nloa anu wɔ nwolɛ.

Mrɛlɛbulɛ Buluku ne 20:23

Ɛzuzudeɛ ngakyile le Ɛdɛnkɛma kyibadeɛ, yɛɛ adalɛ tone ɛnle kpalɛ.

Mrɛlɛbulɛ Buluku ne 28:24

Sonla mɔɔ wua ɔ ze anzɛɛ ɔ nli na ɔka kɛ “Ɔnle mɛladonlɛ” la, le sonla mɔɔ sɛkye ninyɛne la agɔnwo.

Nolo 5:8

Saa ɛnwu kɛ maanzinli bie anu bɛlɛsisi ehyianvolɛma, bɛnli pɛlepɛle bɛmmaa bɛ, yɛɛ bɛmmaa bɛ nwo ɛndɔ bɛ a, mmamaa ɔyɛ wɔ azibɛnwo, ɔluakɛ kpanyinli biala lɛ kpanyinli mɔɔ sie ɔdaye, yɛɛ bɛ mu nwiɔ bɛlɛ mgbanyinli mɔɔ sie bɛ a.

Ayezaya Buluku ne 5:7

Ɔluakɛ Tumivolɛ Ɛdɛnkɛma vanye egyinli ne, yemɔ a le Yizilayɛ abo zo amra ne; menli mɔɔ wɔ Dwuda la amuala, bɛmɛ a bɛle ye ma ngɛnlɛma ne mɔɔ ɔluale la. Ɛdɛnkɛma nleanle kɛ ɔkɛnwu pɛlepɛlelilɛ bɛ nu, na ɔnwunle mogyahanlɛ; ɔnleanle kɛ ɔkɛnwu tenleneyɛlɛ, na nea, ɔnwunle ɛsisilɛ nee ɛzunlɛ.

Gyɛlɛmaya Buluku ne 7:6

saa bɛansisi nyɛvolɛ, bɛansisi menli mɔɔ ɛnlɛ bɛ ze anzɛɛ ahunlanvolɛ mraalɛ, anzɛɛ bɛanga mogya mɔɔ ɛnze nwolɛ bie la bɛangua ɛke, yɛɛ saa bɛangɔnzonle nyamenle gyɛne gyɛne bɛanzɛkye bɛ nwo a,

Gyɛlɛmaya Buluku ne 9:4

Awie biala ɛnlea ɔ gɔnwo boɛ, ɔmmafa ɔ rɛle ɔwula ɔ diema biala nu, ɔluakɛ adiema biala le mɛlɛbɛla sonla, agɔnwolɛ biala yɛ ɔ gɔnwo anwo asiayɛ.

Yizikeɛle Buluku ne 22:13

“Yemɔti bɛnlea, meva me sa mebɔ bɛ awule nvasoɛ ne mɔ mɔɔ bɛnyia la anu medua bɛ ahɔdiawu ɛbɛla ne mɔ.

Sɛlɛ 19:11

“Bɛmmawua, bɛmmadi ndunlumi, yɛɛ bɛmmabɔ adalɛ bɛkile bɛ nwo ngoko.

Sɛlɛ 19:13

“Bɛmmasisi bɛ gɔnwo mɔ yɛɛ bɛmmawua bɛ. Bɛbɔ awie ɛkpa a ɔnle kɛ ye ɛkpabɔdeɛ ne anzɛɛ ye ahatualɛ ne ka bɛ nwo ɛkɛ ne toonwo aleɛ kye zolɛ.

Sɛlɛ 25:14

Yemɔti saa ɛtɔ debie wɔ ɛ gɔnwo ɛkɛ anzɛɛ ɛtɔne debie wɔamaa ɛ gɔnwo a, mmamaa nzisi ba nu.

Sɛlɛ 25:17

Ɔnle kɛ bɛsisi bɛ nwo; ɔwɔ kɛ bɛsulo Nyamenle, ɔluakɛ medame a mele Ɛdɛnkɛma bɛ Nyamenle ne a.

Maeka Buluku ne 2:2

Bɛ nye bolo awie mɔ ɛya avule na bɛsa bɛ bɛdie; bɛ nye bolo awie mɔ azua na bɛdie bɛfi bɛ sa nu; bɛsisi awie mɔ bɛdie bɛ agyadeɛ nee bɛ sua nu amra.

Zɛfanaya Buluku ne 3:1

Munzule ɛha sua ne mɔɔ nzisima nee atuadelɛma mɔɔ anwo ɛnde la a wɔ zolɛ la.

Zɛfanaya Buluku ne 3:5

Noko Ɛdɛnkɛma mɔɔ de bɛ avinli la di pɛlepɛle, ɔnli ɛtane. Nwonlomɔ biala ɔkile ye pɛlepɛlelilɛ ne, yɛɛ ɔmaa alehyenlɛ kpalɛ to bɛ dahuu; noko akee menli agbamgbanvolɛ ne ɛnze nyiane deɛ holɛ.

Malakae Buluku ne 3:5

Tumivolɛ Ɛdɛnkɛma se, “Mebahwe meabikye bɛ na meabua bɛ ndɛne. Mebadea ngonyiama, awuvolɛvalɛma nee bɛdabɛ mɔɔ bɛka ndane mgbane mgbane la ndɛndɛ zo. Mebadea bɛdabɛ mɔɔ bɛsisi gyimayɛvoma wɔ bɛ kakɛdualɛ nu, bɛdabɛ mɔɔ bɛsisi ahunlanvolɛ nee nrisa, bɛdabɛ mɔɔ bɛmbu nyɛvolɛ yɛɛ bɛdabɛ mɔɔ bɛnzulo me la.”

Edwɛkpa ne kɛmɔ Maake hɛlɛle la 10:19

Ɛze mɛla ne mɔ: ‘Mmayɛ kɔdiawu, mmafa awuvolɛ, mmawua, mmadi daselɛ adalɛ, mmadi nzisi, di ɛ ze nee ɛ nli eni.’ ”

Edwɛkpa ne kɛmɔ Luku hɛlɛle la 12:5

Mekile bɛ mɔɔ ɔwɔ kɛ bɛsulo ye la; bɛzulo Nyamenle, yemɔ yɛɛ ɔku sonla a ɔlɛ tumi ɔfuandi ye ɛkɛla ɔto senle ne mɔɔ ɛnnu ɛlɛ la anu a. Nɔhalɛ, meka meahile bɛ kɛ bɛzulo yemɔ.

Edwɛkpa ne kɛmɔ Luku hɛlɛle la 16:28

Melɛ mediema nnu wɔ ɛkɛ ne, maa ɔhɔbɔ bɛ kɔkɔ, amaa bɛdabɛ noko bɛamba abodelɛ ɛleka ɛhye.’

Wulo 1:18

Bɛhile bɛmaa yɛnwu kɛ Nyamenle ɛya ne vi anwuma bara bɛdabɛ mɔɔ bɛmbu Nyamenle na bɛfa bɛ ngunziyɛlɛ bɛkeda nɔhalɛ ne azo la anwo zo.

Wulo 12:19

Ayi mɔ, bɛmmafa ɛtane bɛtua ɛtane kakɛ ɛlɛ, bɛgyakyi debie biala anu bɛmaa Nyamenle ɛya ne. Ɔluakɛ Nyamenle Edwɛkɛ ne se, “Nzenralɛ le me ɛdeɛ, mebadua ɛtane kakɛ, Awulae a se a.”

Wulo 13:4

Ɔluakɛ ɔle Nyamenle sonvolɛ mɔɔ ɛlɛyɛ ye gyima wɔ bɛ kpalɛ ti a. Noko saa ɛdi ɛtane ɛdeɛ a, ɛnee sulo ye, ɔluakɛ ɔlɛ tumi, yɛɛ kɛmɔ ɔle sonvolɛ mɔɔ ɛlɛyɛ ye Nyamenle gyima la, ɔkola ɔtea menli mɔɔ di ɛtane la.

2 Kɔl 7:11

Bɛnlea gyima mɔɔ Nyamenle vale bɛ rɛle ne mɔɔ bɔle la lile a: bɛ nye bolole edwɛkɛ ne anwo manle bɛhilele kɛ bɛ nwo ɛnle nu! Nea bɛ ɛya mɔɔ bɛvale, ɛzulolɛ mɔɔ bɛnyianle ye bɛ nu, bɛ nwo mɔɔ dɔ me kɛ bɛ kunlu a anrɛɛ mewɔ lɔ, bɛ nwo mɔɔ bɛyelele kɛ bɛkɛbɔ ɛbɛla kpalɛ, nee kɛ bɛzile bɛdeanle bɛdabɛ mɔɔ bɛlile ɛtane la. Adenle biala anu bɛyɛle bɛhilele kɛ bɛnli fɔlɛ fee wɔ edwɛkɛ ne anwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:21

anyebolo, kɔdiawuyɛlɛ, nza ɛbolɛ, anyelielɛ mgbane mgbane nee ninyɛne mɔɔ le zɛhae mɔ la. Meha mehile bɛ dɛba, na eza mekakye bɛ bieko kɛ bɛdabɛ mɔɔ bɛyɛ ninyɛne ɛhye mɔ la ɛnrɛnwu Nyamenle Belemgbunlililɛ ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:17

Mekakye bɛ wɔ Awulae duma nu; bɛmmabɔ bɛ ɛbɛla kɛ awozonle ɛzonlenlɛma la bieko mɔɔ bɛndwenle adwenle kpalɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:28

Mɔɔ le awule la ɛgyakyi ye awule ne na ɔyɛ gyima, amaa yeanyia bie yeanlea ɔ nwo na eza yeanyia bie yeaboa bɛdabɛ mɔɔ bɛhyia la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:6

Bɛmmamaa awie fa adubɛnloanu bɛlɛbɛla bɛ; ɔboalekɛ ɔlua ninyɛne zɛhae mɔ ati yɛɛ Nyamenle ɛya ne ba menli mɔɔ ɛndie ye edwɛkɛ la anwo zo a.

Mɛla 24:7

“Saa awie kye ɔ diema Yizilayɛnli bie nuokɛ tɔne ye anzɛɛ maa ɔyɛ gyima ɛsesebɛ ɔmaa ye kɛ kanranli la a, ɔwɔ kɛ bɛku sonla zɔhane ne, amaa bɛakpa munzule debie zɔhane bɛavi bɛ avinli.

Mɛla 32:35

Mekɛ mɔɔ bɛ gyakɛ kɛhoati la, medame a mebali nzenralɛ na meadua kakɛ a. Bɛ anwubɛnyunlu mekɛ ɛdwu, na bɛ awieleɛ ɛbikye.

1 Tɛs 2:11

Bɛdabɛ bɛnwunle kɛ yɛyɛle bɛ nuhua ko biala kɛ selɛ kɛyɛ ɔ ra la.

2 Tɛs 1:8

kɛ ɔbadua bɛdabɛ mɔɔ bɛnze Nyamenle, nee bɛdabɛ mɔɔ bɛnli Edwɛkpa ne mɔɔ fane yɛ Awulae Gyisɛse anwo la azo la kakɛ la.

Kɛlata mɔɔ bɛhɛlɛle bɛhɔmanle Hibuluma la 13:4

Ɔwɔ kɛ bɛbu agyalɛ bie kpalɛ kpalɛ, na kunli nee yelɛ di nɔhalɛ maa bɛ nwo. Nyamenle badea bɛdabɛ mɔɔ bɛle adwɔmane nee bɛdabɛ mɔɔ bɛkɛdo awuvolɛvalɛ mɛla ne la.

Kɛlata mɔɔ bɛhɛlɛle bɛhɔmanle Hibuluma la 2:6

Bɛha ye wɔ Nyamenle Edwɛkɛ ne anu ɛleka bie kɛ, “Sonla le duzu, mɔɔ ɛdwenle ɔ nwo zɛhae a? Anzɛɛ sonla ra mɔɔ ɛ nye wɔ ɔ nwo zo zɛhae a?

Gyemise Kɛlata ne 2:6

Na bɛmɛ bɛmbu ehyianvolɛma bie. Asoo tɛ sukoavolɛma a sisi bɛ na bɛtwili bɛ bɛkɔ ndɛnebuavolɛma anyunlu la?

Gyemise Kɛlata ne 5:4

Bɛtɛtuale bɛ gyimayɛvoma ne mɔ mɔɔ yɛ gyima wɔ bɛ ɛya ne mɔ anu la kakɛ. Bɛdie, bɛ ahatualɛ ne mɔɔ bɛ nye fuu bɛanva bɛammaa bɛ la ati, bɛlɛsu, yɛɛ menli mɔɔ boɔboale aleɛ nloa manle bɛ la ɛzunlɛ ne ɛdwu Tumivolɛ Awulae ne anzo nu.