1 Tɛs 4:5 - BAEBOLO ANZƐƐ BULUKU NWUANZANWUANZA

⁵ tɛ wɔ atiakunluwɔzo ɛtane nu, kɛmɔ menli mɔɔ ɛnze Nyamenle la yɛ ye la.

1 Tɛs 4:5 ပူးပေါင်းရင်းမြစ်များ

Edwɛndolɛ Buluku ne 79:6

Wola wɔ ɛya ne gua maanle maanle mɔɔ ɛnze wɔ, nee arelemgbunli maanle mɔɔ ɛnzonle wɔ la anwo zo.

Gyɛlɛmaya Buluku ne 10:25

Wola wɔ ɛya ne gua maanle maanle mɔɔ ɛnze wɔ, nee menli mɔɔ ɛnzonle wɔ la anwo zo; bɛhu wɔ menli ne; bɛbɔ Gyekɔbo abo zo amra abo zo tɔɔ; bɛmaa bɛ maanle ne ɛdɔ mgbane.

Edwɛkpa ne kɛmɔ Mateyu hɛlɛle la 6:32

(Ɛhye mɔ le ninyɛne mɔɔ bɛdabɛ mɔɔ bɛnze Nyamenle la a dwenle nwolɛ a.) Bɛ Ze mɔɔ wɔ anwuma la ze kɛ bɛhyia ninyɛne ɛhye mɔ amuala anwo.

Edwɛkpa ne kɛmɔ Luku hɛlɛle la 12:30

(Ɔluakɛ bɛdabɛ mɔɔ bɛnze Nyamenle la a dwenledwenle ɛhye mɔ anwo a.) Bɛ Ze mɔɔ wɔ anwuma la ze kɛ bɛhyia ɛhye mɔ anwo.

Ɛzoanvolɛma Gyima ne 17:23

Mekpɔsa suakpole ye azo dɔɔnwo, na mɔɔ menwu ye la a le kɛ ɛleka biala mɔɔ bɛsonle la ɛdɛneyelɛ ninyɛne wɔ ɛkɛ ne, yɛɛ eza bɛlɛ azubɔlɛ mokyea ko mɔɔ bɛhɛlɛ nwolɛ ‘Ɛhye le Nyamenle ne mɔɔ yɛnze ye la ɛdeɛ’ la wɔ ɛkɛ. Na mɔɔ bɛsonle ye, noko bɛnze ye la, yemɔ yɛɛ mebaha ɔ nwo edwɛkɛ meahile bɛ kɛkala la.

Wulo 1:24

Kɛmɔ menli ɛyɛ bɛ nwo ahɔnwɔne zɛhae la ati, Nyamenle ɛye bɛ ɛmaa bɛdabɛ bɛ atiakunluwɔzo mgbane mgbane ne mɔ, na ɔlua zolɛ mraalɛ fa mraalɛ na mrenya fa mrenya.

Wulo 1:26

Kɛmɔ menli yɛ nyɛleɛ ɛhye mɔ la ati, Nyamenle ɛgyakyi bɛ ɛmaa bɛ anyiemgba ɛbɛla ne. Bɔbɔ mraalɛ fa bɛ nwo gyakyi mrenya.

Wulo 1:28

Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.

1 Kɔl 1:21

Ɔluakɛ Nyamenle luale ye nrɛlɛbɛ zo zile menli adenle, yeammaa bɛanlua bɛdabɛ bɛ nrɛlɛbɛ zo bɛannwu ye. Mɔɔ ɔyɛle la a le kɛ, Nyamenle luale mɔɔ bɛmɛ bɛse ɔle “koasea” edwɛkɛ yɛɛ yɛlɛbɔ ye nolo la azo bɔle kpɔkɛ kɛ ɔdie bɛdabɛ mɔɔ bɛdie bɛdi la ngoane.

1 Kɔl 15:34

Bɛzia bɛ nzi bɛva adwenle kpalɛ na bɛgyakyi ɛtaneyɛlɛ. Ɔyɛ anyiemgba bɔbɔ kɛ menwɔha kɛ bɛ bie mɔ ɛnze Nyamenle a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:8

Dɛba ne mɔɔ bɛnze Nyamenle la, ɛnee bɛle ngɛkɛlɛ bɛmaa ninyɛne mgbane mgbane mɔɔ ɔnle kɛ bɛsonle bɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:12

Bɛhakye kɛ mekɛ ne anu ɛnee bɛ nee Kelaese avinli twe, ɛnee bɛle nyɛvolɛ mɔɔ bɛmboka Yizilayɛ maanlema ne anwo a, ɛnee bɛnze ngyekyeleɛ ne mɔ mɔɔ ɔlua zo a Nyamenle bɔle ye menli ne ɛwɔkɛ la anwo bie. Bɛdɛnlanle ewiade ye anu kɛ menli mɔɔ ɛnlɛ anyelazo na bɛnze Nyamenle la.

Kɔlɔ 3:5

Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane, yɛɛ anyebolo, ɔluakɛ ɛhye mɔ ɛyɛlɛ le awozonle ɛzonlenlɛ.

2 Tɛs 1:8

kɛ ɔbadua bɛdabɛ mɔɔ bɛnze Nyamenle, nee bɛdabɛ mɔɔ bɛnli Edwɛkpa ne mɔɔ fane yɛ Awulae Gyisɛse anwo la azo la kakɛ la.

1 Pit 4:3

Bɛzɛkye bɛ mekɛ dɔɔnwo bɛyɛ mɔɔ menli mɔɔ ɛnzonle Nyamenle la yɛ la bie. Bɛbɔ adwɔmane ɛbɛla, bɛli bɛ atiakunluwɔzo mgbane mgbane nzi, nza ɛgya bɛ, bɛmaa bɛ nye die mgbane mgbane, bɛbɔ anyiemgba ɛbɛla, na bɛsonle awozonle.