1 Tɛs 4:4 - BAEBOLO ANZƐƐ BULUKU NWUANZANWUANZA

⁴ Bɛdabɛ mrenya mɔɔ bɛwɔ nu la ɔwɔ kɛ nwu raalɛ gya wɔ anwondelɛ nee enililɛ nu,

1 Tɛs 4:4 ပူးပေါင်းရင်းမြစ်များ

Ɛzoanvolɛma Gyima ne 9:15

Awulae zele ye kɛ, “Wɔmɔ kɔ, na meye ye kɛ ɔrayɛ me sonvolɛ, ɔva me duma ɔhɔ bɛdabɛ mɔɔ bɛnle Dwuuma la anu nee arelemgbunli nee Yizilayɛma kɔsɔɔti anwo zo.

Wulo 1:24

Kɛmɔ menli ɛyɛ bɛ nwo ahɔnwɔne zɛhae la ati, Nyamenle ɛye bɛ ɛmaa bɛdabɛ bɛ atiakunluwɔzo mgbane mgbane ne mɔ, na ɔlua zolɛ mraalɛ fa mraalɛ na mrenya fa mrenya.

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

Wulo 6:19

Bɛmaa menga edwɛkɛ ne sikalɛ mɔɔ bɛ adwenle so nu la. Kɛmɔ mekɛ bie bɛyɛle bɛ nwo ahanra bɛmanle ɛtane nee amumuyɛ na bɛyɛle ninyɛndane la, zɔhane ala yɛɛ kɛkala ɔwɔ kɛ bɛyɛ bɛ nwo ahanra bɔkɔɔ bɛmaa tenleneyɛlɛ a, amaa bɛ nwo ade nwuanzaanwu.

1 Kɔl 6:15

Bɛnze kɛ bɛ sonlabaka ne mɔ le Kelaese ɛdeɛ ne nvɛyeba nvɛyeba mɔɔ bɔ nu yɛ Awulae sonlabaka ne la ɔ? Asoo menva Kelaese sonlabaka ne nvɛyeba membɔ tuutuu ɛbɛla? Nyamenle ɛkpa ɛgua!

1 Kɔl 7:2

Na sɔnea mɔɔ maa sonla bɔ adwɔmane ɛbɛla la zonle la ati, ɔhyia kɛ nrenya biala nyia ɔ ti anwo ɔ ye, na raalɛ biala nyia ɔ ti anwo ɔ hu.

1 Kɔl 7:9

Na saa bɛnea na bɛnrɛhola bɛ nwo sɔ a, ɛnee bɛgya bie; ɔle kpalɛ kɛ bɛkɛgya bie tɛla kɛ bɛ nwo kɛhyele bɛ na bɛnrɛhola bɛ nwo sɔ a.

2 Kɔl 4:7

Noko yɛmɛ mɔɔ yɛlɛ Sunsum nu anwonyia ɛhye la yɛle kɛ mbuakɛ ala, amaa yeala ali kɛ tumi bedevinli ne le Nyamenle ɛdeɛ, na ɔnle yɛ ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

Kɛlata mɔɔ bɛhɛlɛle bɛhɔmanle Hibuluma la 13:4

Ɔwɔ kɛ bɛbu agyalɛ bie kpalɛ kpalɛ, na kunli nee yelɛ di nɔhalɛ maa bɛ nwo. Nyamenle badea bɛdabɛ mɔɔ bɛle adwɔmane nee bɛdabɛ mɔɔ bɛkɛdo awuvolɛvalɛ mɛla ne la.

1 Pit 3:7

Zɔhane ala yɛɛ bɛmɛ mrenya noko, saa bɛ nee bɛ ye mɔ de a ɔwɔ kɛ bɛnwu ye kɛ bɛle mraalɛ na bɛnlɛ anwosesebɛ a. Yemɔti bɛli bɛ eni, ɔboalekɛ bɛ nee bɛ bɛ muala a bɛbanyia Nyamenle ngoane ɛlolɛ ahyɛlɛdeɛ ne a. Bɛyɛ ɛhye, amaa debie biala andenda bɛ gyakɛ anu wɔ bɛ nzɛlɛlɛ nu.

1 Sam 21:5

Devidi buale kɛ, “Nɔhalɛ, bɛtɛfale bɛ nwo bɛtɛkanle mraalɛ. Saa yɛtu adenle gyɛne bɔbɔ a, yɛ nee mraalɛ ɛnli ngitanwo biala, na akee mɔɔ yɛlɛtu adenle mɔɔ hyia kpole zɛhae la.”