1 Tɛs 4:17 - BAEBOLO ANZƐƐ BULUKU NWUANZANWUANZA

¹⁷ na akee yɛdayɛ mɔɔ mekɛ ne anu yɛtɛte aze anzɛɛ yɛtɛwule la bɛakpogya yɛ zo anwuma na yɛ nee bɛ yɛ muala yɛahuohua yɛ nloa wɔ amungu ne anu, na yɛahɔyia Awulae wɔ anwomanyunlu. Na akee yɛ nee Awulae adɛnla dahuu.

1 Tɛs 4:17 ပူးပေါင်းရင်းမြစ်များ

1 Arl 18:12

Kɛ metu me bo la ɛnee Nyamenle Sunsum ne ɛye wɔ ɛvi ɛke ɛhɔ ɛleka mɔɔ menze a. Ehabe ba badwu ɛke na ɛnle ɛke a, ɔbahu me. Kakye kɛ ɔvi me ngakula nu, mezonle Ɛdɛnkɛma dedee a yeradwu ɛnɛ a.

2 Arl 2:11

Mɔɔ bɛtendɛ la ɛnee bɛ gyakɛ wɔ zolɛ, na arɛlevilɛ nu ala senle ehwili mɔɔ senle mgbɔnwɔ ɛlɛtwe ye la rakpakyele bɛ avinli, na anwoma kpole ne manle Yilaegya zo ɔ nee ye hɔle anwuma.

2 Arl 2:16

Bɛzele ye kɛ, “Nea, yɛdayɛ mɔɔ yɛwɔ ɛke la yɛle menli kpukputili abulanlu. Maa yɛhɔkpondɛ ɛ menle ne. Ɔkɛyɛ kɛ Nyamenle Sunsum ne vale ye hɔle anwuma la, yehɔgyakyi ye yedo boka bie azo anzɛɛ bɔnza bie anu.” Yilaehya buale bɛ kɛ, “Kyɛkyɛ, bɛmmakɔ.”

Edwɛndolɛ Buluku ne 16:11

Ɛkile me ngoane adenle; anyelielɛ dɔɔnwo wɔ ɛ nwo ɛkɛ, fɛlɛkolilɛ wɔ ɛ sa fema zo dahuu.

Edwɛndolɛ Buluku ne 17:15

Mame ɛdeɛ, mebalua tenleneyɛlɛ zo meanwu ɛ nyunlu. Saa aleɛ kye na medwazo menea ɛ nyunlu a, wɔ ɛnwunlɛ ne angome bɔbɔ yi me ko.

Edwɛndolɛ Buluku ne 49:15

Na Nyamenle bakpɔne me ɛkɛla avi ewule tumi bo, ɔluakɛ ɔbalie me ngoane.

Edwɛndolɛ Buluku ne 73:24

Ɛfa wɔ ngilehilelɛ ne ɛsinza me, na nzinlii ɛbalie me anyunlunyia nu.

Ayezaya Buluku ne 35:10

Bɛdabɛ mɔɔ Ɛdɛnkɛma ɛkpɔne bɛ la bava edwɛndolɛ azia ara Gyɛlusalɛm. Bɛbali fɛlɛko mɔɔ ɛnlɛ awieleɛ; bɛ nye balie, bɛali fɛlɛko, na nyane nee alɔbɔlɛ baminliminli.

Daneɛle Buluku ne 7:13

“Wɔ nɔe ne ɛnyelɛzodeɛnwunlɛ ne anu, menwunle debie bie mɔɔ zɔho sonla ra la kɛ ɔlua amungu nu ɔlɛba, na ɔrale Tetenli ne anyunlu na bɛvale ye bɛhilele ye.

Edwɛkpa ne kɛmɔ Mateyu hɛlɛle la 26:64

Gyisɛse buale kɛ, “Yemɔ ala a wɔha la. Na meka meahile bɛ muala kɛ, ɔvi mekɛ ɛhye mɔɔ kɔ la bɛbanwu medame Sonla Ra, kɛ mede Tumivolɛ Nyamenle ne asa fema zo, na melua amungu nu melɛba bieko.”

Edwɛkpa ne kɛmɔ Maake hɛlɛle la 14:62

Gyisɛse buale ye kɛ, “Medame ɛne! Akee bɛ muala bɛbanwu medame, Sonla Ra, kɛ mede Tumivolɛ Nyamenle ne asa fema zo na melua amungu ne mɔ anu melɛba!”

Dw 12:26

Awie mɔɔ kpondɛ kɛ ɔsonle me la ɔwɔ kɛ toa me bo zo, amaa ɛleka mɔɔ mewɔ la, me sonvolɛ ne ɔdaye yeara ɛkɛ ne, yɛɛ Egya bawula mɔɔ sonle me la anyunlunyia.

Dw 14:3

Saa mekɔ na mesiezie ɛleka memaa bɛ a, mebara bieko na mearava bɛ meahɔ me nwo lɔ, amaa bɛadɛnla ɛleka mɔɔ mewɔ la.

Dw 17:24

“Egya! Wɔva bɛ wɔmaa me, na mekpondɛ kɛ bɛ nee me tɛnla ɛleka mɔɔ mewɔ la, amaa bɛanwu me anyunlunyia ne mɔɔ ɛvale ɛmanle me la, ɔluakɛ ɛhulole me kolaa na bɛabɔ ewiade ye.

Ɛzoanvolɛma Gyima ne 1:9

Mɔɔ ɔhanle ɛhye la, bɛmanle ye zo anwuma, na mɔɔ bɛ nye gyi ɔ nwo ala la amungu liele ye vile bɛ nye zo.

Ɛzoanvolɛma Gyima ne 8:39

Mɔɔ bɛvi azule ne anu bɛvole file zo la, Sunsum ne vale Felepe minliminlinle. Nrenya ne annwu ye bieko, na ɔvale fɛlɛko ɔhɔle.

2 Kɔl 5:8

Yɛlɛ akɛnrasesebɛ na yɛkɛhulo ye kpalɛ kɛ yɛkɛvi nwonane sua ɛhye anu na yɛ nee Awulae kɛhɔdɛnla.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:23

Megyi ninyɛne nwiɔ avinli. Me kunlu a anrɛɛ mevi ewiade ɛhye anu na me nee Kelaese ɛhɔdɛnla, ɛhye le debie kpalɛ totohyia.

1 Tɛs 3:13

Zɛhae adenle zo yɛɛ ɔbamaa bɛ nwo ayɛ se, na bɛali munli, bɛ nwo ade wɔ yɛ Nyamenle Selɛ ne anyunlu, wɔ mekɛ mɔɔ yɛ Awulae Gyisɛse nee bɛdabɛ mɔɔ bɛle ye ɛdeɛ la kɛra la a. ɛra la a.

1 Tɛs 4:15

Wɔ ɛhye anwo, yɛka mɔɔ Awulae ɔdaye ye ngilehilelɛ ne se la: yɛdayɛ mɔɔ saa ɔdwu Awulae ɛralɛ ne a ɛnee yɛtɛte ngoane nu la ɛnrɛlumua bɛdabɛ mɔɔ bɛwu la anyunlu.

1 Tɛs 4:18

Yemɔti, bɛva ɛhye mɔ bɛkyekye bɛ rɛle ng bɛkyekye bɛ rɛle ng

1 Tɛs 5:10

Gyisɛse wule manle yɛ amaa ɔba a, saa yɛwu o, yɛde ngoane nu o, yɛ nee ye adɛnla.

2 Pit 3:13

Na yɛmɛ, kɛmɔ Nyamenle ɛwɔkɛ ne kile la, yɛkendɛ anwuma fofolɛ ne nee ewiade fofolɛ ne mɔɔ pɛlepɛlelilɛ wɔ nu la.

Yekile 1:7

Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.

Yekile 11:12

Nyamenle kpɔmanvolɛma nwiɔ ne dele kɛ ɛnelɛ kpole bie vi anwuma, ɔse, “Bɛrɛla anwuma ɛke!” Na mɔɔ bɛ kpɔvolɛma ne mɔ anye gyi bɛ nwo ala la, amungu ravale bɛ hɔle anwuma.

Yekile 12:5

Raalɛ ne wole ralɛ nrenya, mɔɔ bava tumi kpole azie maanle maanle kɔsɔɔti a. Na bɛvale kakula ne bɛhɔmanle Nyamenle wɔ ye belemgbunli ebia kpole ne azo lɔ.