1 Tɛs 4:16 - BAEBOLO ANZƐƐ BULUKU NWUANZANWUANZA

¹⁶ Yɛbade kɛ bɛha tumi edwɛkɛ ne wɔ anwuma lɔ, yɛbade Nyamenle soanvolɛ kpanyinli ne ane, bɛbabɔ Nyamenle aweɛne tendenle ne anu, na Awulae ɔdaye mumua ne ɔvi anwuma lɔ ɔbadwu aze. Bɛdabɛ mɔɔ bɛdie Kelaese bɛdi na bɛwu la balumua adwazo avi ewule nu;

1 Tɛs 4:16 ပူးပေါင်းရင်းမြစ်များ

Edwɛndolɛ Buluku ne 47:1

Maanle maanle kɔsɔɔti ɛbɔ bɛ sa nu! Bɛva anyelielɛ bɛdea bɛdo edwɛne bɛmaa Nyamenle!

Edwɛndolɛ Buluku ne 47:5

Nyamenle ɛvo ɛdɛnla ye ebia nu, bɛlɛbɔ aweɛne ndendenle, bɛtea nu anyelielɛ nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:16

Kenle nsa ne azo nwonlomɔ ne, ezule hulule na maanle nu vedevedele. Amungu kumɔɔnwo hedale boka ne azo, bɛwule aweɛne tendenle ne anu tendenle bie, na menli ne mɔɔ wɔ azokoɛleɛ ɛkɛ ne la amuala anwo wozole bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:18

Mɔɔ menli ne kɔsɔɔti dele ɛhululɛ nee ye ɛvedevedelɛ ne nee aweɛne tendenle ne ane, na bɛnwunle boka ne azo esike ne la, ɛzulolɛ hanle bɛ na bɛ nwo wozole bɛ.

Ayezaya Buluku ne 27:13

Mekɛ ne anu bɛbabɔ aweɛne tendenle kpole ne anu, na bɛdabɛ mɔɔ bɛminlinle bɛhɔle Aselea azɛlɛ zo, nee bɛdabɛ mɔɔ bɛvoanle bɛ bɛmanle bɛhɔle Yigyibiti azɛlɛ zo la bara na bɛarazonle Ɛdɛnkɛma wɔ Boka Nwuanzanwuanza ne azo wɔ Gyɛlusalɛm.

Dwowɛle Buluku ne 2:11

Ɛdɛnkɛma tendɛ ɛsesebɛ zo kile ye ɛlɔne ne. Ɔluakɛ ye ɛlɔne ne le kpole; mɔɔ di ye mɛla zo la anwo yɛ ɛzulolɛ. Ɔluakɛ Ɛdɛnkɛma kenle ne le kpole, ɔyɛ ɛzulolɛ. Nwane a kɛhola gyinla a?

Zɛkalaya Buluku ne 4:7

O awoka mgbole, bɛle duzu? Zɛlubabɛle badwulu bɛ yeamaa bɛayɛ kɛ azɛlɛ sɛsɛ; akee mɔɔ ɔkɛze kɛ ɔfa bolɛ ne mɔɔ la zolɛ anwuma la yeara la ɛnee bɛlɛtea nu kɛ, ‘Kɛnlɛmaleɛ! Ɔle kɛnlɛma somaa!’ ”

Zɛkalaya Buluku ne 9:14

Akee Ɛdɛnkɛma bavinde bɛ ti zo anwuma; ɔbatoto ye ɛda ne kɛ ɛsɛlɛmanye; Awulae Nyamenle ne babɔ aweɛne tendenle ne anu, na yealua nyiakɛ ahumuakyima ne anu yeara.

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:21

Menwu mesie kɛ kenle bie, ngyegyelɛ Anzɛɛ anwubɛnyunlu ɛnrɛdo Yizilayɛ. Ɛdɛnkɛma bɛ Nyamenle ne nee bɛ lua, Bɛbɔ ye nolo kɛ ɔle bɛ belemgbunli.

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Mateyu hɛlɛle la 16:28

Bɛhakye ɛhye, menli bie gyigyi bɛ avinli ɛke mɔɔ bɛnrɛwu na bɛanwu Sonla Ra ne kɛ yera kɛ Belemgbunli la.”

Edwɛkpa ne kɛmɔ Mateyu hɛlɛle la 25:31

“Mekɛ mɔɔ medame Sonla Ra, menwɔra kɛ Belemgbunli, mɔɔ ɛnee me soanvolɛma ne amuala wɔ me nwo ɛkɛ ne la, mebadɛnla me anyunlunyia belemgbunli ebia ne anu,

Edwɛkpa ne kɛmɔ Mateyu hɛlɛle la 26:64

Gyisɛse buale kɛ, “Yemɔ ala a wɔha la. Na meka meahile bɛ muala kɛ, ɔvi mekɛ ɛhye mɔɔ kɔ la bɛbanwu medame Sonla Ra, kɛ mede Tumivolɛ Nyamenle ne asa fema zo, na melua amungu nu melɛba bieko.”

Ɛzoanvolɛma Gyima ne 1:11

“Galelima, duzu ati a bɛgyi ɛke na bɛ nye ɛha anwuma ɛ? Gyisɛse ɛhye mɔɔ bɛrava ye wɔ bɛ avinli ɛke bɛhɔ anwuma la bazia alua adenle zɔhane ala azo ara bieko, kɛmɔ bɛnwu ye kɛ ɔlɛkɔ la.”

1 Kɔl 15:18

yɛɛ bɛdabɛ mɔɔ bɛdie Kelaese bɛdi na bɛwu la ɛminli.

1 Kɔl 15:20

Na nɔhalɛ ne a le kɛ Nyamenle ɛdwazo Kelaese ɛvi ewule nu, na ɛhye maa yɛsi pi kɛ Nyamenle badwazo bɛdabɛ mɔɔ bɛwu la amuala.

1 Kɔl 15:23

Bɛdwazo awie biala wɔ ye mekɛ nloa: Kelaese a lumua a, na akee saa ɔdwu ye ɛralɛ bieko a bɛadwazo bɛdabɛ mɔɔ bɛle Kelaese ɛdeɛ la.

1 Tɛs 1:10

Bɛkile kɛ kɛkala bɛlɛkendɛ ɔ Ra Gyisɛse kɛ ɔvi anwuma ɔbara. Yemɔ yɛɛ Nyamenle dwazole ye vile ewule nu, na ɔdie yɛ ɔfi Nyamenle ɛya kpole ne mɔɔ bara la anu a.

1 Tɛs 3:11

Yɛsɛlɛ yɛ Nyamenle Selɛ mumua ne nee yɛ Awulae Gyisɛse kɛ ɔbuke adenle ɔmaa yɛnyia mekɛ yɛrɛla bɛ nwo lɔ.

2 Tɛs 1:7

yeaye nyane mɔɔ bɛlɛnwu ye la bɛ kɔme zo, na nwolɛ nyilalɛ ne bie aha yɛdayɛ noko. Ɔbayɛ ɛhye wɔ mekɛ mɔɔ Awulae Gyisɛse vi anwuma, ɔ nee ye soanvolɛma mɔɔ lɛ tumi la lua sendɔlɔra nu kɛra

2 Tɛs 2:1

Mediema, mɔɔ fane yɛ Awulae Gyisɛse Kelaese ɛralɛ ne nee yɛ nloa mɔɔ bɛbahuohua na yɛ nee ye ahɔyia la anwo, mesɛlɛ bɛ,

2 Pit 3:10

Awulae Kenle ne bara kɛ awule la. Kenle ne, anwuma bava ɛnelɛ kpole bie aminliminli anwomanyunlu na anwumaneamra ayela aholo; na azɛlɛ ye nee debie biala mɔɔ wɔ zolɛ la bayela adɔ nzonle.

Dwuudu Kɛlata ne 1:9

Nyamenle soanvolɛ kpanyinli Maekeɛle bɔbɔ anyɛ ɛhye. Mekɛ mɔɔ kpolera dɔle ye nee Abɔnsam avinli wɔ Mosisi funli nwo la, Maekeɛle anga ɛtane angile Abɔnsam. Mɔɔ ɔzele ye la a le kɛ, “Awulae badua wɔ kakɛ.”

Yekile 1:10

Awulae kenle ne, Sunsum ne rale me nwo zo, na mendele ɛnelɛ kpole bie mɔɔ le kɛ aweɛne tendenle la kɛ ɔlɛtendɛ me nzi nehane.

Yekile 1:7

Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.

Yekile 14:13

Akee mendele ɛnelɛ vi anwuma, ɔse, “Kɛlɛ ɛhye: Nyilalɛ ɛha bɛdabɛ mɔɔ ɔvi ɛnɛ mɔɔ kɔ la Awulae ɛzonlenlɛ ti bɛkɛwu la!” Na Sunsum ne liele zolɛ kɛ, “Nyilalɛ ɛha bɛ amgba! Bɛbalie bɛ ɛnwomenle wɔ bɛ gyima ɛsesebɛ ne mɔ mɔɔ bɛyɛ la anwo, ɔluakɛ bɛ gyima kpalɛ mɔɔ bɛdi la li bɛ nzi.”

Yekile 8:13

Na memanle me ti zo la, mendele kɔleɛ kpole bie mɔɔ ɛdu faa la ane wɔ nyamenle ne ako abo nehane kɛ ɔlɛtea nu yeaha kɛ, “Bɛ gyakɔ! Bɛ gyakɔ! Bɛ gyakɔ! Saa Nyamenle soanvolɛma nsa ne mɔɔ ɛha la bɔ bɛ aweɛne ndendenle ne mɔ anu a, bɛdabɛ mɔɔ bɛde azɛlɛ ye azo la, bɛ gyakɔ!”

Yekile 8:2

Akee menwunle Nyamenle soanvolɛma nsuu ne mɔɔ gyigyi Nyamenle anyunlu ɛkɛ ne la, na bɛvale aweɛne ndendenle nsuu bɛmanle bɛ.