1 Tɛs 4:15 - BAEBOLO ANZƐƐ BULUKU NWUANZANWUANZA

¹⁵ Wɔ ɛhye anwo, yɛka mɔɔ Awulae ɔdaye ye ngilehilelɛ ne se la: yɛdayɛ mɔɔ saa ɔdwu Awulae ɛralɛ ne a ɛnee yɛtɛte ngoane nu la ɛnrɛlumua bɛdabɛ mɔɔ bɛwu la anyunlu.

1 Tɛs 4:15 ပူးပေါင်းရင်းမြစ်များ

1 Arl 13:1

Mekɛ ne anu ɛnee Ɛdɛnkɛma ɛva ɔ nloa edwɛkɛ ɛzoa Dwuda Nyamenle kpɔmanvolɛ ko wɔ Bɛtɛle. Ɔhɔdwule ɛkɛ ne wɔ mekɛ mɔɔ ɛnee Gyɛlɔbowam gyi azukponle ne anwo ɛlɛkpu ɛyɛlɛ la.

1 Arl 13:22

Wɔzia wɔrali aleɛ, wɔnlo nzule wɔ ɛleka mɔɔ ɔduale wɔ kɛ ɛmmadi aleɛ ɛkɛ ne la. Ɛhye ati Ɛdɛnkɛma wɔ Nyamenle ne se, ‘Ɛnrɛwu bɛnrɛzie wɔ wɔ ɛleka mɔɔ bɛziele ɛ ze mɔ la.’ ”

1 Arl 13:9

Ɔluakɛ, Ɛdɛnkɛma ɛdua me kɛ memmadi debie yɛɛ memmano nzule biala, eza memmasia medua adenle ne mɔɔ menluale nu membale la anu mekɔ sua nu.”

1 Arl 20:35

Ɛdɛnkɛma manle Nyamenle kpɔmanvolɛ ekpunli ne anu sonla ko hɔzele ɔ gɔnwo kpɔmanvolɛ ko kɛ, “Mebodo wɔ, bɔ me!” Na ɔ gɔnwo ne ambɔ ye.

1 Arl 22:14

Maekaya buale kɛ, “Meka tease Ɛdɛnkɛma kɛ, nrɛlaleɛ mɔɔ Ɛdɛnkɛma kɛva kɛmaa me la ala a mebaha a.”

Dwobu Buluku ne 41:11

Nwane a ɛva debie ɛvɛne me mɔɔ ɔwɔ kɛ metua a? Debie biala mɔɔ wɔ aleɛabo la le me ɛdeɛ.

Edwɛndolɛ Buluku ne 88:13

Na mame, O Ɛdɛnkɛma, mesu mefɛlɛ wɔ; me nzɛlɛlɛ dwu ɛ nyunlu nwonlomɔ biala.

Edwɛkpa ne kɛmɔ Mateyu hɛlɛle la 17:25

Pita buale kɛ, “Kɛmɔti ɛ, ɔtua!” Na mɔɔ Pita dwule sua nu la Gyisɛse a lumuale dendɛle a, na ɔbizale ye kɛ, “Saemɔn, kɛ wɔ adwenle se wɔ ɛ? Nwane mɔ a tua adwule anzɛɛ tua ninyɛne nwo adwule maa aleɛabo arelemgbunli a, ezuavolɛ anzɛɛ nyɛvolɛ?”

1 Kɔl 15:18

yɛɛ bɛdabɛ mɔɔ bɛdie Kelaese bɛdi na bɛwu la ɛminli.

2 Kɔl 12:1

Ɔwɔ kɛ metu me nwo, saa nvasoɛ ɛnle zolɛ bɔbɔ a, ɔwɔ kɛ metu me nwo. Noko meka ninyɛne mɔɔ Awulae ɛlolɛ zo yemaa menwu bɛ nee mɔɔ yeye yehile me la.

2 Kɔl 4:14

Yɛze kɛ Nyamenle mɔɔ dwazole Awulae Gyisɛse rale ngoane nu la badwazo yɛ aboka Gyisɛse anwo, na yeava yɛ nee bɛ yeahɔ ɔ nyunlu ɛkɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:12

Meanlie meanvi awie lɔ, yɛɛ tɛ awie a hilehilele me a. Gyisɛse Kelaese ɔdaye mumua ne a yele hilele me a.

1 Tɛs 2:19

Na ɛnee yɛ anyelazo, yɛ anyelielɛ anzɛɛ abɔtile mɔɔ yɛfa yɛtu yɛ nloa anu wɔ mekɛ mɔɔ yɛ Awulae kɛra la a le boni? Tɛ yemɔ a le bɛdabɛ ɔ?

1 Tɛs 4:13

Mediema, yɛkulo kɛ bɛnwu nɔhalɛ ne mɔɔ fane bɛdabɛ mɔɔ bɛwu la anwo la, amaa bɛdabɛ noko bɛanli nyane kɛ menli mɔɔ ɛnlɛ anyelazo la.

1 Tɛs 5:10

Gyisɛse wule manle yɛ amaa ɔba a, saa yɛwu o, yɛde ngoane nu o, yɛ nee ye adɛnla.

2 Tɛs 2:1

Mediema, mɔɔ fane yɛ Awulae Gyisɛse Kelaese ɛralɛ ne nee yɛ nloa mɔɔ bɛbahuohua na yɛ nee ye ahɔyia la anwo, mesɛlɛ bɛ,