1 Tɛs 4:14 - BAEBOLO ANZƐƐ BULUKU NWUANZANWUANZA

¹⁴ Yɛdie yɛdi kɛ Gyisɛse wule na eza ɔdwazole ɔrale ngoane nu, zɔhane ala yɛɛ Nyamenle balua Gyisɛse anwo zo ava bɛdabɛ mɔɔ bɛdie ye bɛdi na bɛwu la azia ara ngoane nu a.

1 Tɛs 4:14 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:19

“Nwule bawua Gaade, Na ɔbavoa bɛ ndinlizo.

Ayezaya Buluku ne 26:19

Mɔwuamra bara ngoane nu, bɛbava bɛ nwonane ne bɛadwazo. O bɛmɛ mɔwuamra, bɛdunwue na bɛva anyelielɛ bɛdo edwɛne! Ɔluakɛ Ɛdɛnkɛma ɛbɔlɛ mɔɔ tɔ bɛ nwo zo la le wienyi, na ɔbada mɔwuamra anwo zo.

Zɛkalaya Buluku ne 14:15

Ewulenzane badɔ mgbɔnwɔ, mgbɔnwɔndua, afunlumu, asoaso, yɛɛ nane biala mɔɔ wɔ kpɔvolɛ ne azokoɛleɛ la avinli.

Edwɛkpa ne kɛmɔ Mateyu hɛlɛle la 24:31

Bɛbabɔ aweɛne kpole ne anu, na mebamaa me soanvolɛma ahɔ ewiade muleɛ ne amuala azo, bɛahɔhuohua Nyamenle menli ne mɔɔ yekpa nu yeye bɛ la anloa, ɔvi ewiade ye ati yeahɔdwu ɔ bo.

Wulo 14:9

Ɔluakɛ ɛhye ati a Kelaese wule na bɛdwazole ye bɛrale ngoane nu a, amaa yeayɛ anyewɔzo amra nee mɔwuamra Awulae.

Wulo 8:11

Na saa Nyamenle Sunsum ne, mɔɔ dwazole Gyisɛse vile ewule nu la de bɛ nu a, ɛnee noko mɔɔ dwazole Gyisɛse vile ewule nu la bamaa bɛdabɛ noko bɛ sonlabaka ye mɔɔ wu la ngoane wɔ ye Sunsum ne mɔɔ wɔ bɛ nu la ati.

1 Tɛs 3:13

Zɛhae adenle zo yɛɛ ɔbamaa bɛ nwo ayɛ se, na bɛali munli, bɛ nwo ade wɔ yɛ Nyamenle Selɛ ne anyunlu, wɔ mekɛ mɔɔ yɛ Awulae Gyisɛse nee bɛdabɛ mɔɔ bɛle ye ɛdeɛ la kɛra la a. ɛra la a.

1 Tɛs 4:13

Mediema, yɛkulo kɛ bɛnwu nɔhalɛ ne mɔɔ fane bɛdabɛ mɔɔ bɛwu la anwo la, amaa bɛdabɛ noko bɛanli nyane kɛ menli mɔɔ ɛnlɛ anyelazo la.

1 Tɛs 4:17

na akee yɛdayɛ mɔɔ mekɛ ne anu yɛtɛte aze anzɛɛ yɛtɛwule la bɛakpogya yɛ zo anwuma na yɛ nee bɛ yɛ muala yɛahuohua yɛ nloa wɔ amungu ne anu, na yɛahɔyia Awulae wɔ anwomanyunlu. Na akee yɛ nee Awulae adɛnla dahuu.

2 Tɛs 2:1

Mediema, mɔɔ fane yɛ Awulae Gyisɛse Kelaese ɛralɛ ne nee yɛ nloa mɔɔ bɛbahuohua na yɛ nee ye ahɔyia la anwo, mesɛlɛ bɛ,

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.

Yekile 14:13

Akee mendele ɛnelɛ vi anwuma, ɔse, “Kɛlɛ ɛhye: Nyilalɛ ɛha bɛdabɛ mɔɔ ɔvi ɛnɛ mɔɔ kɔ la Awulae ɛzonlenlɛ ti bɛkɛwu la!” Na Sunsum ne liele zolɛ kɛ, “Nyilalɛ ɛha bɛ amgba! Bɛbalie bɛ ɛnwomenle wɔ bɛ gyima ɛsesebɛ ne mɔ mɔɔ bɛyɛ la anwo, ɔluakɛ bɛ gyima kpalɛ mɔɔ bɛdi la li bɛ nzi.”