1 Tɛs 4:13 - BAEBOLO ANZƐƐ BULUKU NWUANZANWUANZA

¹³ Mediema, yɛkulo kɛ bɛnwu nɔhalɛ ne mɔɔ fane bɛdabɛ mɔɔ bɛwu la anwo la, amaa bɛdabɛ noko bɛanli nyane kɛ menli mɔɔ ɛnlɛ anyelazo la.

1 Tɛs 4:13 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:35

Ɔ mra mrenya ne mɔ nee ɔ mra mraalɛ ne mɔ amuala rakyekyele ɔ rɛle, noko yeamkponle na ɔhanle kɛ, “Kyɛkyɛ, mebava nyane meawu meahɔ ɛbolɔ lɔ meahɔdo me ra ne.” Na ɔ ze hɔle zolɛ zunle ye.

2 Sam 18:33

Nyane hanle belemgbunli ne kpole kpalɛ. Ɔhɔle ekpumgbunli ne mɔɔ wɔ anuhɔlɛ kpole ne ati zo la anu na ɔhɔzunle. Mɔɔ ɔkɔ kɔsɔɔti la ɛnee ɔlɛsu kɛ, “O me ra Abesalɛm, me ra, me ra Abesalɛm! Ɛnee ɛmmaa mame menwu, o me ra, me ra Abesalɛm.”

1 Arl 1:21

Nana, saa wɔannea wɔanga edwɛkɛ ɛhye wɔando ɛkɛ ne na kenle bie ɛkɔ wɔ ɛkɛla nzi a, bɛbaze me nee me ra Sɔlɔmɔn kɛ yɛyɛ mɔɔ bɛnyɛ a.”

1 Arl 2:10

Akee Belemgbunli Devidi hɔle ayile nu na bɛwulale ye mrɛlatɛlɛ nu wɔ Devidi suakpole zo.

Dwobu Buluku ne 1:21

Ɔse, “Meanva bie meamba na mekɔ a meava bie meahɔ. Ɛdɛnkɛma a vale manle me a, yɛɛ Ɛdɛnkɛma a ɛlie ye debie a. Ayɛlɛyelɛ ɛha Ɛdɛnkɛma duma ne.”

Mrɛlɛbulɛ Buluku ne 14:32

Amumuyɛnli ninyɛndane ɛyɛlɛ maa ɔkpo aze, na tenlenenli nyia ɛvealeka wɔ ye nɔhalɛlilɛ nwo.

Yizikeɛle Buluku ne 37:11

Akee Nyamenle zele me kɛ, “Sonla ra, mbowule ɛhye mɔ a le Yizilayɛma amuala. Nea, bɛ edwɛkɛ a le kɛ, ‘Yɛ mbowule ɛwe, yɛnlɛ anyelazo biala; bɛpɛ yɛ bɛgua bɔkɔɔ ala ɛne.’

Daneɛle Buluku ne 12:2

Menli mɔɔ ɛwu la anu dɔɔnwo badwazo ara ngoane nu; bie mɔ banyia ngoane mɔɔ ɛnlɛ awieleɛ, bie mɔ dɔɔnwo noko babɔ anyiemgba mɔɔ ɛnlɛ awieleɛ.

Sɛlɛ 19:28

Ɔnle kɛ bɛbodɛboda bɛ nwo bɛkile bɛ nyanelilɛ wɔ awie mɔɔ ɛwu la ati anzɛɛ bɛbobɔ ngonlɛ biala; medame a mele Ɛdɛnkɛma a.

Sɛlɛ 21:2

kyesɛ sonla ne mɔɔ ɛwu la bikye ye kpalɛ kpalɛ: ɔ nli, ɔ ze, ɔ ra nrenya anzɛɛ raalɛ, ɔ diema nrenya

Edwɛkpa ne kɛmɔ Mateyu hɛlɛle la 27:52

sɛka zo bukebukele, na bɛdwazole Nyamenle menli ne mɔɔ ɛwu la anu dɔɔnwo bɛrale ngoane nu.

Dw 11:24

Maata buale kɛ, “Meze kɛ ɔbadwazo yeara ngoane nu wɔ mekɛ ne mɔɔ li awieleɛ la anu.”

Ɛzoanvolɛma Gyima ne 13:36

Devidi zonlenle ye Nyamenle wɔ ye mekɛ zo na ɔwule, bɛziele ye wɔ ɔ nlenya mɔ avinli, na ɔkpɔlɔle.

Ɛzoanvolɛma Gyima ne 7:60

Akee ɔhotole na ɔdeanle nu kpole kɛ, “Awulae, fa ɛtane ɛhye kyɛ bɛ!” Ɔhanle ɛhye la, ɔwule.

Ɛzoanvolɛma Gyima ne 8:2

Na Nyamenlezonlenlɛma bie mɔ hɔvale Sitivin hɔziele ye na bɛzunle ye kpole kpalɛ.

Wulo 1:13

Me mediema, mekpondɛ kɛ bɛnwu kɛ mekɛ dɔɔnwo anu mehyehyɛ kɛ anrɛɛ menwɔrakpɔla bɛ, amaa meahola meahakyi bɛ bie mɔ dɔɔnwo, kɛmɔ meyɛ ye wɔ maanle maanle dɔɔnwo zo la, noko ɔyɛ a ɛnee debie fofolɛ ɛzi me aze.

1 Kɔl 10:1

Mediema, mekpondɛ kɛ bɛkakye mɔɔ zile yɛ nlenya mɔ mɔɔ doale Mosisi la anwo zo la. Bɛ muala yɛɛ amungu ne wowale bɛ a, yɛɛ bɛ muala a bɛluale Nyevile Kɔkɔlɛ ne anu bɛpɛle a.

1 Kɔl 12:1

Me mediema, mekpondɛ kɛ bɛnwu nɔhalɛ ne mɔɔ fane Sunsum Nwuanzanwuanza ne ahyɛlɛdeɛ ne mɔ mɔɔ bɛhɛlɛle me nwolɛ la anwo.

1 Kɔl 15:6

Eza kenle ko bie ɔyele ɔ nwo ɔhilele ye ɛdoavolɛma mɔɔ bo ɛya nnu mɔɔ bɛ nuhua dɔɔnwo ne ala tɛte aze la, bie mɔ ɛwu bɔbɔ ɛdeɛ.

2 Kɔl 1:8

Mediema, yɛkpondɛ kɛ bɛnwu kɛ yɛ nwo zile hyelele yɛ wɔ Ehyea maanzinli ne anu la. Yɛ nwo hyelele yɛ kpole manle ɔbole yɛ nwo zo mɔɔ ɔhale yɛ nee ewule ala.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:12

Bɛhakye kɛ mekɛ ne anu ɛnee bɛ nee Kelaese avinli twe, ɛnee bɛle nyɛvolɛ mɔɔ bɛmboka Yizilayɛ maanlema ne anwo a, ɛnee bɛnze ngyekyeleɛ ne mɔ mɔɔ ɔlua zo a Nyamenle bɔle ye menli ne ɛwɔkɛ la anwo bie. Bɛdɛnlanle ewiade ye anu kɛ menli mɔɔ ɛnlɛ anyelazo na bɛnze Nyamenle la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:3

Nɔhalɛ, ɛnee yɛdayɛ noko yɛle kɛ bɛdabɛ ala la; yɛbɔle ɛbɛla mɔɔ yɛdayɛ yɛkulo la, yɛyɛle mɔɔ yɛ nwonane ne atiakunluwɔzo nee yɛ adwenle zele yɛ la, na ɔlua zo yɛhanle Nyamenle ɛya kɛ awie biala la.

1 Tɛs 4:14

Yɛdie yɛdi kɛ Gyisɛse wule na eza ɔdwazole ɔrale ngoane nu, zɔhane ala yɛɛ Nyamenle balua Gyisɛse anwo zo ava bɛdabɛ mɔɔ bɛdie ye bɛdi na bɛwu la azia ara ngoane nu a.

1 Tɛs 4:15

Wɔ ɛhye anwo, yɛka mɔɔ Awulae ɔdaye ye ngilehilelɛ ne se la: yɛdayɛ mɔɔ saa ɔdwu Awulae ɛralɛ ne a ɛnee yɛtɛte ngoane nu la ɛnrɛlumua bɛdabɛ mɔɔ bɛwu la anyunlu.

1 Tɛs 5:10

Gyisɛse wule manle yɛ amaa ɔba a, saa yɛwu o, yɛde ngoane nu o, yɛ nee ye adɛnla.

1 Tɛs 5:6

Yemɔti, bɛmmamaa yɛdafe kɛ ebia mɔ la; ɔwɔ kɛ yɛmaa yɛ nye gyinla zolɛ na yɛyɛ yɛ nye gyɛlɛmgbɛɛnye.

2 Pit 3:4

na bɛabiza kɛ, “Se ɔbɔle ɛwɔkɛ kɛ ɔbara, na ɔwɔ nienwu? Sumunli mɔmoane mɔɔ yɛ nlenya mɔ wule la, kɛ debie biala de, ɔvi aloamɔleɛ la yɛɛ ɔde a.”

2 Pit 3:8

Na ayi mɔ, bɛmmamaa bɛ rɛle fi nɔhalɛ ko ɛhye. Awulae ɛdeɛ, kenle ko le ɔ nye zo ɛvolɛ apenle, yɛɛ ɛvolɛ apenle le ɔ nye zo kenle ko.