1 Tɛs 4:11 - BAEBOLO ANZƐƐ BULUKU NWUANZANWUANZA

¹¹ Bɛva bɛzie bɛ nyunlu kɛ bɛkɛbɔ ɛbɛla mɔɔ le bɛtɛɛ a, bɛdwenle bɛ nwo na bɛbɔ ɛbɛla mɔɔ kɛmaa bɛkɛhola bɛ nwo nea a, kɛmɔ yɛhanle yɛhilele bɛ la.

1 Tɛs 4:11 ပူးပေါင်းရင်းမြစ်များ

Mrɛlɛbulɛ Buluku ne 17:1

Ɔle kpalɛ kɛ sonla kɛli mgbosawe na ɔ nzo nu kɛdwo ye tɛla kɛ ɔkɛli ye sosɔɔ wɔ awuke mɔɔ nuhua le konle ngome la anu.

Mrɛlɛbulɛ Buluku ne 17:14

Mgbonde bo ɛbɔlɛ le kɛ azuledukuelɛ, yemɔti twe ɛ nwo kolaa na butule ne abɔ ɔ bo.

Nolo 4:6

Ɔle kpalɛ kɛ ɛkɛnyia ekyi na ɛkɛnyia anzonudwolɛ tɛla kɛ ɛkɛva ɛ sa nwiɔ ɛkɛhu ɛ nwo ɛvɛlɛ na ɛkɛpele kɛ ɛkye anwoma.

Gyɛlɛmaya Awolɛyelɛ 3:26

Ɔle kpalɛ kɛ sonla kɛzie ɔ ti koonwu kɛkpondɛ Ɛdɛnkɛma ngoanelielɛ ne abo zo;

Edwɛkpa ne kɛmɔ Maake hɛlɛle la 13:34

Ɛhye le kɛ nrenya bie mɔɔ ɛlɛtu adenle na yeva ye awuke yewula ye sonvolɛma asa nu la. Biala nee ye gyima, na ɔse mɔɔ nea anlenkɛ kpole ne la kɛ ɔzinza.

Ɛzoanvolɛma Gyima ne 18:3

na kɛmɔ bɛ muala bɛ gyima mɔɔ bɛyɛ bɛdi aleɛ la a le ɛdanlɛ sua ɛyɛlɛ la ati, ɔ nee ye dɛnlanle na ɔ nee bɛ yɛle gyima.

Ɛzoanvolɛma Gyima ne 20:35

Mehilehile bɛ wɔ debie biala anu kɛ ɔlua gyima ɛsesebɛ ɛyɛlɛ zo yɛɛ bɛkɛhola bɛkɛboa menli mɔɔ ɛnlɛ anwosesebɛ la a. Bɛhakye Awulae Gyisɛse edwɛkɛ ne mɔɔ ɔhanle la. Ɔse, ‘Nyilalɛ dɔɔnwo wɔ ɛmanlɛ nu tɛla ɛlielɛ.’ ”

Wulo 12:11

Bɛyɛ gyima ɛsesebɛ, bɛmmayɛ mgbovonle, na bɛva bɛ ahonle muala bɛzonle Nyamenle.

Wulo 15:20

Ɛhye ati mɔɔ mekpondɛ la a le kɛ menwɔva Edwɛkpa ne menwɔdo gua wɔ ɛleka mɔɔ bɛtɛtele Kelaese nganeɛ ɛlɛ la, amaa meangɔnzɔ mɔɔ awie gyɛne ɛbɔ ɔ bo la azo.

1 Kɔl 4:12

yɛyɛ gyima ɛsesebɛ, yɛɛ yɛpe na yɛali. Bɛwa yɛ amonle a, yɛyila bɛ; bɛyɛ yɛ kpɔdekpɔde a, yɛkponle zolɛ.

2 Kɔl 5:9

Debie mɔɔ hyia kpalɛ la a le kɛ, saa yɛwɔ yɛ sua nu ɛke o, anzɛɛ nehane o, yɛkɛzɔ ɔ nye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:28

Mɔɔ le awule la ɛgyakyi ye awule ne na ɔyɛ gyima, amaa yeanyia bie yeanlea ɔ nwo na eza yeanyia bie yeaboa bɛdabɛ mɔɔ bɛhyia la.

1 Tem 2:2

Yɛ nzɛlɛlɛ ne bie maa arelemgbunli nee menli mɔɔ tumi wɔ bɛ sa nu la amuala, amaa yɛ nwo adɔ yɛ na yɛanyia anzonudwolɛ yɛabɔ yɛ ɛbɛla, na yɛanyia adenle yɛazonle yɛ Nyamenle ne, yɛali ye eni, kɛmɔ ɔfɛta la.

1 Tem 5:13

Eza bɛsɛkye mekɛ bɛduolua ye mgbovonle nu bɛwolowolo azua nu, yɛɛ tɛ ɛhye angome, bɛbɔ nzekue, bɛfa bɛ nloa bɛwulowula awie mɔ edwɛkɛ nu, na bɛkeha edwɛkɛ mɔɔ ɔnle kɛ bɛka la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:14

Maa yɛ menli ne mɔ ɛzukoa ɛyɛ gyima kpalɛ, amaa saa edwɛkɛ bie mɔɔ hyia la si a bɛahola bɛaboa. Ɔnle kɛ bɛbɔ ɛbɛla mɔɔ nvasoɛ biala ɛnle zolɛ la.

1 Pit 3:4

Bɛmaa bɛ nyamenlezo anwofɛlɛko ne mɔɔ wɔ bɛ nu la ɛvinde. Nyamenlezo anwofɛlɛko ɛhye vea bɛ ahonle ne mɔ anu, na yemɔ a le bɛ bɛtɛɛyɛlɛ nee bɛ koonwuyɛlɛ subane ne. Ɛhye a le kɛnlɛma na ɔsɔ Nyamenle anye a.

1 Pit 4:15

Noko akee bɛmmamaa bɛ biala nwu amaneɛ kɛ ɔle kɔdiawu, awule anzɛɛ yedo mɛla anzɛɛ yeva ɔ nloa yedo awie edwɛkɛ nu.