1 Tɛs 3:8 - BAEBOLO ANZƐƐ BULUKU NWUANZANWUANZA

⁸ ɔboalekɛ saa bɛgyinla kpundii wɔ Awulae anu a, ɛnee yɛlɛ ngoane.

1 Tɛs 3:8 ပူးပေါင်းရင်းမြစ်များ

Edwɛndolɛ Buluku ne 30:5

Ɔluakɛ ye ɛyavalɛ ɛngyɛ, yɛɛ ye nyeleyɛlɛ ɛnlɛ awieleɛ. Ɛzunlɛ bahɔ zo aledwolɛ ne, na alehyenlɛ ne fa anyelielɛ ba.

Dw 15:4

Bɛhɔ zolɛ bɛdɛnla me nu, na medame mendɛnla bɛ nu. Baka ɛhane ngome ɛngola ɛnzo ma; saa ɔwɔ vanye baka ne anwo a yɛɛ ɔso ma a. Zɔhane ala yɛɛ bɛdabɛ noko bɛnrɛhola bɛnrɛyɛ Nyamenle ɛhulolɛdeɛ ne a, kyesɛ bɛmeta me nwo kɛ baka ngane la.

Dw 15:7

Saa bɛde me nu na me edwɛkɛ ne de bɛ nu a, ɛnee bɛbiza debie biala mɔɔ bɛkulo la, na bɛ sa kɛha ye.

Dw 8:31

Yemɔti Gyisɛse zele Dwuuma mɔɔ liele ye lile la kɛ, “Saa bɛkɔ zolɛ bɛdi me ngilehilelɛ zo a, ɛnee bɛle me ɛdoavolɛma amgba;

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

1 Kɔl 16:13

Bɛyɛ bɛ nye gyɛlɛmgbɛɛnye, bɛgyinla kpundii wɔ diedi ne anu, bɛnyia akɛnrasesebɛ, bɛmaa bɛ nwo ɛyɛ se.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:1

Yɛlɛ fanwodi; Kelaese ɛraye yɛ kɔme kpomgbolo. Yemɔti, bɛgyinla kpundii kɛ bɛdi bɛ ti anwo, na bɛmmamaa adenle bɛmaa bɛyɛ bɛ ngɛkɛlɛ bieko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:17

na ɔlua bɛ diedi zo ɔmaa Kelaese ɛdɛnla bɛ ahonle nu. Mesɛlɛ kɛ bɛkɛgyinla kpundii wɔ ɛhulolɛ nu,

Pɔɔlo Kɛlata mɔɔ ɔhɛlɛle ɔhɔmanle Felepaema la 1:21

Na mame, mese ngoane a le Kelaese, yɛɛ ewule le nvasoɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:27

Bɛmaa bɛ ɛbɛlabɔlɛ wɔ menli nu ɛfɛta mɔɔ Kelaese anwo Edwɛkpa ne kilehile la, amaa saa meba bɛ nwo lɔ o, menle lɔ o, meade kɛ bɛlɛ koyɛlɛ nee adwenle ko bɛgyi kpundii kɛ menli mɔɔ wɔ afoa na bɛlɛko kɛ menli kɛzɔ diedi ne anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:1

Zɔhane ati, me mediema kulovolɛma, mɔɔ me nwo dɔ bɛ a, me ahyɛlɛdeɛ mɔɔ me nye die bɛ nwo, na mefa bɛ metu me nwo a! Mediema kpalɛ, bɛgyinla kpundii kɛ bɛle Kelaese ɛdeɛ.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

1 Tɛs 3:7

Yemɔti, mediema, wɔ yɛ anwongyelelɛ nee amaneɛnwunlɛ ne mɔ anu, bɛmɛ a bɛzi yɛ ahonle a. Bɛ diedi yɛɛ ɛmaa yɛ anwosesebɛ a,

Kɛlata mɔɔ bɛhɛlɛle bɛhɔmanle Hibuluma la 10:23

Bɛmaa yɛzɔ anyelazo ne mɔɔ yɛlɛ ye la anu kpalɛ, ɔboalekɛ Nyamenle ne mɔɔ bɔle yɛ ɛwɔkɛ ne la le nɔhalɛ.

Kɛlata mɔɔ bɛhɛlɛle bɛhɔmanle Hibuluma la 3:14

Ɔluakɛ alumua diedi ne mɔɔ yɛnyianle la, saa yɛsɔ nu ɛsesebɛ yɛkɔ awieleɛ a yɛɛ yɛ nee Kelaese kɛli agya a.

Kɛlata mɔɔ bɛhɛlɛle bɛhɔmanle Hibuluma la 4:14

Yemɔti, bɛmaa yɛzɔ diedi ne mɔɔ yɛnyia ye la anu ɛsesebɛ. Ɔluakɛ yɛlɛ Sɛlɛvolɛ Kpanyinli Kpole Kpalɛ mɔɔ ɛhɔ toonwo ɛhɔdwu Nyamenle anyunlu a; yemɔ a le Gyisɛse, mɔɔ le Nyamenle Ara ne.

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

2 Pit 3:17

Na ayi mɔ, bɛmɛ bɛhakye bɛ ɛhye mɔ anwo bie dɛba. Yemɔti bɛnlea boɛ na kpamgbanvolɛma anva bɛ amumuyɛ andwe bɛ angɔ nvonleɛ nu, na bɛavi ɛleka kɛnlɛma ɛhye mɔɔ bɛgyi la bɛagua aze.

Yekile 3:11

Ɔnrɛhyɛ na meara. Mɔɔ ɛlɛ la sɔ nu boɛ, amaa awie amkpodi wɔ konim ahyɛlɛdeɛ ne anvi ɛ sa nu.

Yekile 3:3

Zɔhane ati, kakye mɔɔ bɛhilehile wɔ nee mɔɔ ɛdele la, di zolɛ, na nu ɛ nwo. Saa wɔanyɛ ɛ nye gyɛlɛmgbɛɛnye a, mebara ɛ nwo zo kɛ awule, na ɛnrɛnwu mekɛ ko ne mɔɔ mebava meara la.

1 Sam 25:6

Bɛkɔ a bɛze ye kɛ Devidi se, ‘Anzonudwolɛ ɛha wɔ, anzonudwolɛ ɛha wɔ awuke nu amra na anzonudwolɛ ɛha debie biala mɔɔ ɛlɛ la.