1 Tɛs 3:6 - BAEBOLO ANZƐƐ BULUKU NWUANZANWUANZA

⁶ Kɛkala, Temɔte vi bɛ nwo lɔ ɛzia ɛra yɛ nwo ɛke, na yeva amaneɛ fɛlɛko mɔɔ fane bɛ diedi nee ɛhulolɛ nwo la yerabɔ yɛ. Yeha yehile yɛ kɛ dahuu bɛdwenle yɛ nwo adwenle kpalɛ, yɛɛ bɛ nwo dɔ yɛ, kɛmɔ yɛdayɛ yɛ nwo dɔ bɛ la.

1 Tɛs 3:6 ပူးပေါင်းရင်းမြစ်များ

Mrɛlɛbulɛ Buluku ne 25:25

Amaneɛ fɛlɛko mɔɔ vi amaanvoa la le kɛ nzule yɔlɔkɔkɔ mɔɔ nua ahonle la.

Ayezaya Buluku ne 52:7

Ahenle ne mɔɔ lua awoka ne mɔ azo lɔ, mɔɔ lɛ nrɛlaleɛ kpalɛ ɛlɛba la ɛralɛ nu le kɛnlɛma, ɔbɔ anzonudwolɛ nolo, na ɔlɛ nrɛlaleɛ kɛnlɛma kpalɛ, ɔbɔ ngoanelielɛ nolo, na ɔka ɔkile Zayɔn kɛ, “Wɔ Nyamenle ne di belemgbunli.”

Ɛzoanvolɛma Gyima ne 16:1

Pɔɔlo eza rale Dɛbi nee Lesetela noko. Ɛdoavolɛ bie wɔ ɛkɛ, bɛfɛlɛ ye Temɔte. Ɔ nli le Dwuunli mɔɔ ɛlie Edwɛkpa ne ɛli a, yɛɛ ɔ ze le Gilikinli.

Ɛzoanvolɛma Gyima ne 18:1

Ɛhye anzi, Pɔɔlo vile Atɛnse hɔle Kɔlente.

Ɛzoanvolɛma Gyima ne 18:5

Mɔɔ Saelase nee Temɔte vi Masidonea rale la ɛnee Pɔɔlo ɛva ye mekɛ muala ɛlɛka Edwɛkpa ne ali daselɛ ahile Dwuuma ne kɛ, Mɛzaya ne a le Gyisɛse.

1 Kɔl 11:2

Mekanvo bɛ, ɔluakɛ dahuu bɛkakye me na bɛdi me ngilehilelɛ zo.

1 Kɔl 13:13

Yemɔti, ninyɛne nsa ɛhye mɔ a wɔ ɛkɛ ne mɔɔ ɛmpɛ nu ɛnze yɛɛ ɛmkpa ɛlɛ a, bɛmɛ a le: diedi, anyelazo, yɛɛ ɛhulolɛ, na bɛ nuhua kpole kpalɛ mɔɔ sonle bolɛ la a le ɛhulolɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:8

Nyamenle di me daselɛ kɛ me nwo mɔɔ dɔ bɛ la amuala vi Gyisɛse Kelaese ɔdaye mumua ne ahonle nu.

Kɔlɔ 1:4

Ɔluakɛ yɛde kɛ bɛliele Kelaese Gyisɛse bɛlile la, bɛnyia ɛhulolɛ wɔ Nyamenle menli ne anwo,

Kɔlɔ 4:18

Medame Pɔɔlo, me sa anloa ɛne: Mebiza bɛ ahye. Bɛmmamaa bɛ rɛle fi kɛ mela kpanwu nu! Nyamenle ɛlo bɛ na ɔ nee bɛ ɛdɛnla.

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

1 Tɛs 2:17

Mediema, yɛmɛ, yɛvile bɛ nwo ɛkɛ ne mekɛ ekyi bie wɔ nwonane nu na tɛ sunsum nu ɔ, yemɔti yɛ nwo dɔ bɛ kpole, na yɛ kunlu a anrɛɛ yɛnwu bɛ nyunlu bieko.

1 Tɛs 2:9

Nɔhalɛ, mediema, bɛkakye kɛ yɛzile yɛyɛle gyima yɛvɛle la. Yɛyɛle gyima nɔɔzo nee ewiazo, amaa yɛanyɛ kpomgbolo yɛamkpolo bɛ kɔme wɔ mekɛ mɔɔ yɛka Edwɛkpa ne mɔɔ vi Nyamenle ɛkɛ ne la yɛahile bɛ la.

1 Tɛs 3:7

Yemɔti, mediema, wɔ yɛ anwongyelelɛ nee amaneɛnwunlɛ ne mɔ anu, bɛmɛ a bɛzi yɛ ahonle a. Bɛ diedi yɛɛ ɛmaa yɛ anwosesebɛ a,

2 Tɛs 1:3

Mediema, ɔwɔ kɛ yɛyɛ Nyamenle mo dahuu wɔ bɛ ti. Ɔle kpalɛ ɔmaa yɛ kɛ yɛkɛyɛ ye zɔhane, ɔboalekɛ bɛ diedi ɛlɛnyi, yɛɛ bɛ ɛhulolɛ mɔɔ bɛ nuhua ko biala lɛ ye wɔ ɔ gɔnwo mɔ diedima anwo la ɛlɛyɛ kpole.

1 Tem 1:5

Bodane mɔɔ yɛ ngilehilelɛ ɛdeɛ ne gyi zolɛ la a le ɛhulolɛ mɔɔ vi ahonle mɔɔ ɛtane ɛnle nu, adwenle mɔɔ nuhua te wienyi, nee diedi mɔɔ di munli la.

2 Tem 1:3

Meyɛ Nyamenle ne mɔɔ mesonle ye nɔhalɛ nu, kɛmɔ me nlenya mɔ yɛle la mo kɛ mekakye wɔ wɔ me nzɛlɛlɛ nu alehyenlɛ nee aledwolɛ biala a.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:5

Ɔluakɛ mete wɔ ɛhulolɛ mɔɔ ɛlɛ ye wɔ Nyamenle menli ne anwo nee diedi mɔɔ ɛlɛ ye wɔ Awulae Gyisɛse anu la nganeɛ.

Kɛlata mɔɔ bɛhɛlɛle bɛhɔmanle Hibuluma la 13:3

Bɛhakye bɛdabɛ mɔɔ bɛgua bɛ efiade la, na bɛdwenle bɛ nwo kɛ asɛɛ bɛ nee bɛ a gua efiade ne a. Bɛhakye menli mɔɔ ɛlɛnwu amaneɛ la, na bɛdwenle bɛ nwo kɛ bɛdabɛ noko bɛlɛnwu nyane ne bie.

Kɛlata mɔɔ bɛhɛlɛle bɛhɔmanle Hibuluma la 13:7

Bɛhakye bɛ mgbanyima ne mɔ, mɔɔ hanle Nyamenle edwɛkɛ ne hilele bɛ la. Bɛdwenle bɛnwu kɛ bɛzile bɛbɔle bɛ ɛbɛla ne la, nee bɛ ewule nu, na bɛzukoa bɛ diedi ne mɔɔ ɛnee bɛlɛ la.

1 Dw 3:23

Ye mɛla ne a le kɛ yɛlie ɔ Ra Gyisɛse Kelaese yɛli na yɛhulo yɛ nwo ngoko ngoko, kɛmɔ Kelaese ɔdaye ɔzele yɛ la.