1 Tɛs 3:5 - BAEBOLO ANZƐƐ BULUKU NWUANZANWUANZA

⁵ Ɛnee akee mengola ye me kunlu di bieko, ɛhye ati menzoanle Temɔte kɛ ɔranlea kɛ bɛ diedi ne si gyi la. Ɔnrɛyɛ nɔhalɛ kɛ Abɔnsam kɛhola kɛzɔ bɛ muala kɛnlea dedee kɛmaa yɛ gyima mɔɔ yɛyɛle la amuala kɛyɛ mgbane!

1 Tɛs 3:5 ပူးပေါင်းရင်းမြစ်များ

Ayezaya Buluku ne 49:4

Na menganle kɛ, “Medame, mevɛ mgbane, mezɛkye me anwosesebɛ mgbane, mɔɔ nvasoɛ biala ɛnle zolɛ a.” Noko me anwosesebɛ wɔ Ɛdɛnkɛma ɛkɛ, yɛɛ me ahatualɛ wɔ me Nyamenle ne ɛkɛ.

Daneɛle Buluku ne 6:19

Aleɛbahye ne, belemgbunli ne dwazole na ɔhanle ɔ nwo ɔhɔle awenade tunli ne anwo.

Edwɛkpa ne kɛmɔ Mateyu hɛlɛle la 4:3

Abɔnsam bikyele ye na ɔzele ye kɛ, “Saa wɔmɔ a ɛle Nyamenle Ara ne a, ɛnee maa awolɛ ɛhye mɔ ɛhakyi kpanwo.”

Ɛzoanvolɛma Gyima ne 15:36

Mekɛ guale nu la Pɔɔlo zele Baanabase kɛ, “Maa yɛzia yɛhɔkpɔla azua mɔɔ yɛha Awulae edwɛkɛ ne wɔ zo la, na yɛhɔnlea kɛ mediema ne mɔ si kɔ la.”

1 Kɔl 7:5

Bɛmmabɔ bɛ nwo abolɛ, kyesɛ bɛ mu nwiɔ bɛdumua bɛkponle zolɛ kɛ bɛyɛ ye zɔhane na bɛanyia alagye bɛazɛlɛ; nzinlii bɛzia bɛyia nu bieko, amaa yeamba ye kɛ bɛangola bɛ nwo sɔ la ati Seetan azɔ bɛ anlea.

2 Kɔl 2:11

amaa Seetan anli yɛ nwo zo konim, ɔluakɛ yɛze ye ndenle ne mɔ amuala.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:2

Mengɔle, ɔluakɛ ɛnee Nyamenle ɛye ɛhile me kɛ ɔwɔ kɛ mekɔ. Mengɔndwule la me nee mgbanyima ne mɔ yiale nu ahane na mengilehilele Edwɛkpa ne mɔɔ mebɔ ye nolo mekile bɛdabɛ mɔɔ bɛnle Dwuuma la anu mengilele bɛ, amaa gyima ɛhye mɔɔ melɛyɛ nee mɔɔ meyɛ ye dɛba la anyɛ gyɛne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:11

Ɔyɛ me kɛ bɛmaa mevɛ mgbane!

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14

Ɛnee akee yɛnle ngakula bieko mɔɔ adalɛma fa bɛ ngilehilelɛ nee agyiba ne mɔ mɔɔ bɛfa bɛtwe menli bɛkɔ ɛtane nu la bɔ yɛ kɔ ba kɛ selɛkye nee anwoma la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:16

na bɛzɔ ngoane edwɛkɛ ne anu boɛ, amaa Kenle mɔɔ Kelaese kɛra la meanyia bie meadu me nwo kɛ meanzu ɛnriandilɛ ne mgbane anzɛɛ meanyɛ me gyima ne mgbane.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:19

Me nye la kɛ saa ɔyɛ Awulae Gyisɛse ɛhulolɛ a ɔnrɛhyɛ biala na meazoa Temɔte wɔ bɛ nwo lɔ, amaa meade bɛ nganeɛ na me nye alie.

1 Tɛs 2:1

Mediema, bɛdabɛ bɛnwu kɛ yɛ ɛralɛ mɔɔ yɛrale bɛ nwo lɔ la anyɛ mgbane.

1 Tɛs 3:6

Kɛkala, Temɔte vi bɛ nwo lɔ ɛzia ɛra yɛ nwo ɛke, na yeva amaneɛ fɛlɛko mɔɔ fane bɛ diedi nee ɛhulolɛ nwo la yerabɔ yɛ. Yeha yehile yɛ kɛ dahuu bɛdwenle yɛ nwo adwenle kpalɛ, yɛɛ bɛ nwo dɔ yɛ, kɛmɔ yɛdayɛ yɛ nwo dɔ bɛ la.