1 Tɛs 3:3 - BAEBOLO ANZƐƐ BULUKU NWUANZANWUANZA

³ amaa bɛ biala andoa nyane mɔɔ bɛlɛkile bɛ la ati yeamkpo aze. Bɛdabɛ bɛze ye wienyi kɛ ɔyɛ Nyamenle ɛhulolɛ kɛ bɛkɛhile yɛ abodelɛ ɛhye mɔ amuala.

1 Tɛs 3:3 ပူးပေါင်းရင်းမြစ်များ

Dwobu Buluku ne 23:14

Ɔluakɛ mɔɔ ɔhyehyɛle ɔmanle me la, ɔbayɛ, yɛɛ ngyehyɛlɛ ɛhye mɔ dɔɔnwo wɔ ɔ ti anu.

Edwɛndolɛ Buluku ne 112:6

Ɔluakɛ pɛlepɛlenli ne abo zo ɛnrɛminli ɛlɛ; bɛbahakye ye dahuu.

Edwɛkpa ne kɛmɔ Luku hɛlɛle la 21:12

Bɛbahyehye bɛ, bɛayɛ bɛ kpɔdekpɔde, bɛbaye bɛ bɛamaa bɛali bɛ edwɛkɛ wɔ bɛ nyianu azua ne mɔ anu na bɛagua bɛ efiade; bɛbava bɛ bɛahɔgyinla arelemgbunli nee maanle mgbanyima nyunlu wɔ me ti kolaa na ɛhye mɔ asisi.

Dw 16:2

Bɛbaye bɛ ali bɛavi bɛ nyianu azua ne mɔ anu. Mekɛ bara mɔɔ awie biala mɔɔ kɛhu bɛ nuhua bie la badwenle kɛ ɔlɛyɛ ye Nyamenle gyima.

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Ɛzoanvolɛma Gyima ne 2:25

Devidi ɛha ɔ nwo edwɛkɛ kɛ, ‘Menwu Awulae dahuu kɛ ɔgyi me sa fema zo, yemɔti menzulo.

Ɛzoanvolɛma Gyima ne 21:11

Ɔrale yɛ nwo ɛkɛ ne na ɔvale Pɔɔlo akyeso ne ɔkyekyele ɔdaye ɔ ngome ɔ sa nee ɔ gyakɛ na ɔhanle kɛ, “Kɛ Sunsum Nwuanzanwuanza ne se la ɛne: Sonla ne mɔɔ lɛ akyeso ɛhye la, Dwuuma bakyekye ye zɛhae wɔ Gyɛlusalɛm, na bɛava ye bɛawula bɛdabɛ mɔɔ bɛnle Dwuuma la asa anu.”

Ɛzoanvolɛma Gyima ne 21:13

Na ɔbizale yɛ kɛ, “Na ɛzunlɛ ye abo ɛ? Duzu ati a bɛyɛ bɛabɔ me rɛle ɛ? Meziezie me nwo kɛ tɛ ɛkyekyelɛ mɔɔ bɛkyekye me la angome, na kɛ menwɔwu wɔ Gyɛlusalɛm wɔ Awulae Gyisɛse duma ne ati.”

Ɛzoanvolɛma Gyima ne 9:16

Na medame mebahile ye amaneɛ mɔɔ ɔbanwu ye wɔ me duma nu la.”

Wulo 5:3

Bɔbɔ wɔ amaneɛnwunlɛ nu yɛbali fɛlɛko, ɔboalekɛ yɛze kɛ nyanelilɛ maa sonla nyia abotane,

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

1 Kɔl 4:9

Ɔluakɛ ɔyɛ me kɛ Nyamenle ɛva yɛmɛ ɛzoanvolɛma ɛzie ɛkɛ, kɛ menli mɔɔ bɛbu bɛ ewule fɔlɛ na nzinlii bɛbahu bɛ bagua nu bɛahile ɛtane ewiade ye, anwuma soanvolɛma nee menli muala la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:13

Yemɔti, mesɛlɛ bɛ kɛ bɛmmamaa amaneɛ mɔɔ melɛnwu ye wɔ bɛ ti la bɔ bɛ rɛle; ɔle kpalɛ ɔmaa bɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:28

Bɛmmasulo bɛ agbɔvolɛ ne mɔ; bɛnyia akɛnrasesebɛ, na ɛhye bahile amaa bɛanwu kɛ bɛmɛ bɛli konim na bɛ agbɔvolɛ ne mɔ ɛho ɛdɔ. Ɔluakɛ bɛ ngoane a le Nyamenle.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

1 Tɛs 5:9

Nyamenle angyehyɛ kɛ yɛranwu amaneɛ wɔ ye ɛya ne anu. Yevɛlɛ yɛ kɛ yɛralua yɛ Awulae Gyisɛse Kelaese anwo zo yɛnyia ngoane.

2 Tɛs 1:4

Zɔhane ati yɛfa bɛ yɛpɛ Nyamenle menli mɔɔ ɛha la anye zo. Yɛfa bɛ diedi nu kpundii mɔɔ bɛgyi wɔ nyanenwunlɛ nee abodelɛ mɔɔ bɛlɛnwu ye la anu la yɛtu yɛ nloa anu kpole.

2 Tem 1:8

Mmamaa Awulae anwo daselɛlilɛ yɛ wɔ nyiane; yɛɛ mmamaa medame noko mɔɔ Kelaese ati mela efiade la me nwo yɛ wɔ nyiane. Ɛdawɔ dua anwosesebɛ ne mɔɔ Nyamenle ɛva ɛmaa wɔ la azo nwu Edwɛkpa ne anwo amaneɛ ne bie.

1 Pit 2:21

Bɛdabɛ bɛ ti Kelaese mumua ne nwunle amaneɛ vale yɛle ndonwo manle bɛ. Na ɛhye noko ala ati yɛɛ Nyamenle ɛvɛlɛ bɛ a, amaa bɛava ɔ gyakɛ.

Yekile 2:10

Mmasulo debie biala mɔɔ bɛbayɛ wɔ la. Tie, Abɔnsam ne bamaa bɛagua bɛ bie mɔ efiade, bɛazɔ bɛ bɛanlea, na bɛanwu amaneɛ dedee kenle bulu. Noko di nɔhalɛ maa me, bɔbɔ kɔdwu ewule nu, na mebabɔ wɔ ngoane abɔtile.

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.