1 Tɛs 3:13 - BAEBOLO ANZƐƐ BULUKU NWUANZANWUANZA

¹³ Zɛhae adenle zo yɛɛ ɔbamaa bɛ nwo ayɛ se, na bɛali munli, bɛ nwo ade wɔ yɛ Nyamenle Selɛ ne anyunlu, wɔ mekɛ mɔɔ yɛ Awulae Gyisɛse nee bɛdabɛ mɔɔ bɛle ye ɛdeɛ la kɛra la a. ɛra la a.

1 Tɛs 3:13 ပူးပေါင်းရင်းမြစ်များ

Zɛkalaya Buluku ne 14:5

Bɛbanriandi bɛahɔ me awoka ne mɔ bɔnza ne anu, ɔluakɛ bɔnza ne anu badɛlɛ toonwo adwu Ezɛle. Bɛbanriandi, kɛmɔ bɛ nlenya mɔ nriandile azɛlɛkpusulɛ mekɛ ne anu wɔ Dwuda Belemgbunli Ɛzaya mekɛ zo la. Akee Ɛdɛnkɛma bɛ Nyamenle ne bara, na ɔ nee Nyamenle menli ne mɔ amuala ara.

Edwɛkpa ne kɛmɔ Mateyu hɛlɛle la 25:31

“Mekɛ mɔɔ medame Sonla Ra, menwɔra kɛ Belemgbunli, mɔɔ ɛnee me soanvolɛma ne amuala wɔ me nwo ɛkɛ ne la, mebadɛnla me anyunlunyia belemgbunli ebia ne anu,

Edwɛkpa ne kɛmɔ Maake hɛlɛle la 8:38

Yemɔti saa awie annea boɛ na ɔmaa me nwo nee me ngilehilelɛ ne yɛ ye nyiane wɔ ɛtane nee amumuyɛ mekɛ ye anu a, ɛnee noko ahenle ɛnwu ye kɛ, ɔdaye noko ɔ nwo bayɛ Medame Sonla Ra nyiane wɔ mekɛ mɔɔ me nee me anwuma soanvolɛma nwuanzanwuanza ne yɛkɛra Egya anyunlunyia ne anu la.”

Edwɛkpa ne kɛmɔ Luku hɛlɛle la 1:6

Bɛ mu nwiɔ bɛbɔle ɛbɛla kpalɛ mɔɔ nwolɛ te la wɔ Nyamenle anyunlu, na bɛlile Nyamenle mɛla ne mɔ azo bɔkɔɔ.

Wulo 14:4

Na ɛdawɔ a le nwane mɔɔ ɛbua awie akɛlɛ ndɛne a? Saa ɔyɛ ye boɛ o, ɔnyɛ ye boɛ o, ɔ menle ala a kola ka a, yɛɛ ɔbayɛ boɛ yeamaa ye noko, ɔboalekɛ Awulae kola maa ɔyɛ boɛ ɔmaa ye.

Wulo 16:25

Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la. Anyunlunyia ɛha Nyamenle dahuu! Amen.

1 Kɔl 15:23

Bɛdwazo awie biala wɔ ye mekɛ nloa: Kelaese a lumua a, na akee saa ɔdwu ye ɛralɛ bieko a bɛadwazo bɛdabɛ mɔɔ bɛle Kelaese ɛdeɛ la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:4

Gyisɛse Kelaese wule manle yɛ, ɔliele yɛ ɔvile yɛ ɛtane nu, amaa yeaye yɛ yeavi munzule mekɛ ɛhye anu; ɔyɛle ɛhye, ɔluakɛ mɔɔ yɛ Ze Nyamenle ne kpondɛ kɛ ɔyɛ la ɛne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:27

amaa yeava asɔne ne kɛnlɛma gyɛlɛɛnye yeamaa ɔ nwo, mɔɔ nwolɛ ɛtɛkpɔdele, evinli biala ɛnle nwolɛ, yɛɛ nvonleɛ biala ɛnle nwolɛ na nwolɛ te nwuanzaanwu a.

Mɛla 33:2

Ɛdɛnkɛma vi Saenae Boka rale, ɔdudule yɛ nwo zo wɔ Yidɔm kɛ sɛnzɛne. Ɔdale ɔvi Pɛlan Boka ɔguale yɛ nwo zo, ɔ nee nwuanzanwuanzama apenle bulu a lua a, ɔlɛ senle hulenyihulenyi ɔ sa fema nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:10

amaa bɛnwu mɔɔ le kpalɛ la a bɛanwu ye, na bɛ nwo ade saanwu na bɛanli fɔlɛ wɔ Kenle ne mɔɔ Kelaese kɛra la.

Kɔlɔ 1:22

Na kɛkala, ɔlua Kelaese ewule ne azo bɛyɛ Nyamenle agɔnwo mɔ, amaa yeava bɛ yeara ɔ nyunlu kɛ bɛ nwo te nwuanzaanwu mɔɔ fɔlɛlilɛ biala ɛnle bɛ nu a.

1 Tɛs 2:19

Na ɛnee yɛ anyelazo, yɛ anyelielɛ anzɛɛ abɔtile mɔɔ yɛfa yɛtu yɛ nloa anu wɔ mekɛ mɔɔ yɛ Awulae kɛra la a le boni? Tɛ yemɔ a le bɛdabɛ ɔ?

1 Tɛs 3:11

Yɛsɛlɛ yɛ Nyamenle Selɛ mumua ne nee yɛ Awulae Gyisɛse kɛ ɔbuke adenle ɔmaa yɛnyia mekɛ yɛrɛla bɛ nwo lɔ.

1 Tɛs 3:2

na yɛazoa adiema Temɔte mɔɔ nee yɛ yɛ Nyamenle gyima ye, yɛka Edwɛkpa ne mɔɔ fane Kelaese anwo la. Yɛzoanle ye kɛ ɔramaa bɛ anwosesebɛ na ɔboa bɛ wɔ bɛ diedi nu,

1 Tɛs 4:15

Wɔ ɛhye anwo, yɛka mɔɔ Awulae ɔdaye ye ngilehilelɛ ne se la: yɛdayɛ mɔɔ saa ɔdwu Awulae ɛralɛ ne a ɛnee yɛtɛte ngoane nu la ɛnrɛlumua bɛdabɛ mɔɔ bɛwu la anyunlu.

1 Tɛs 4:17

na akee yɛdayɛ mɔɔ mekɛ ne anu yɛtɛte aze anzɛɛ yɛtɛwule la bɛakpogya yɛ zo anwuma na yɛ nee bɛ yɛ muala yɛahuohua yɛ nloa wɔ amungu ne anu, na yɛahɔyia Awulae wɔ anwomanyunlu. Na akee yɛ nee Awulae adɛnla dahuu.

1 Tɛs 5:23

Nyamenle ne mɔɔ maa anzonudwolɛ la ɛde bɛ nwo wɔ adenle biala anu, na ɔva bɛ sonla mumua ne ɔzie: bɛ ɛkɛla, bɛ sunsum, yɛɛ bɛ sonlabaka ne amuala, ɔye bɛ ɔvi nvonleɛ biala anu, ɔde bɛ nwo wɔ Kenle ne mɔɔ Awulae Gyisɛse Kelaese bara la.

2 Tɛs 1:10

Ɛhye bazi mekɛ mɔɔ Kenle ne kɛdwu na Kelaese kɛra kɛ ɔbalie ye anyunlunyia nee enililɛ yeavi ye menli ne nee bɛdabɛ mɔɔ bɛdie ye bɛdi la ɛkɛ ne la. Bɛdabɛ noko bɛbaboka Nyamenle menli ne anwo, ɔboalekɛ bɛlie ye edwɛkɛ ne mɔɔ yɛhanle yɛhilele bɛ la bɛli.

2 Tɛs 1:7

yeaye nyane mɔɔ bɛlɛnwu ye la bɛ kɔme zo, na nwolɛ nyilalɛ ne bie aha yɛdayɛ noko. Ɔbayɛ ɛhye wɔ mekɛ mɔɔ Awulae Gyisɛse vi anwuma, ɔ nee ye soanvolɛma mɔɔ lɛ tumi la lua sendɔlɔra nu kɛra

2 Tɛs 2:1

Mediema, mɔɔ fane yɛ Awulae Gyisɛse Kelaese ɛralɛ ne nee yɛ nloa mɔɔ bɛbahuohua na yɛ nee ye ahɔyia la anwo, mesɛlɛ bɛ,

Gyemise Kɛlata ne 5:8

Bɛdabɛ noko ɔwɔ kɛ bɛsi abotane. Bɛmaa bɛ nye ɛla, ɔluakɛ Awulae ɛralɛ ne ɛbikye.

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

Dwuudu Kɛlata ne 1:14

Yinɔko mɔɔ le Adam angabɛnzo mɔɔ tɔ zolɛ nsuu la hanle bɛ nwo edwɛkɛ dɛba kɛ, “Awulae nee ye soanvolɛma nwuanzanwuanza apenle apenle bara

Dwuudu Kɛlata ne 1:24

Nyamenle mɔɔ kola sɔ bɛ mɔɔ bɛndɔ aze, na ɔfa bɛ kɔlɔnwo fɛlɛko nu ɔkɔ ɔdaye ye anyunlunyia ne anu,