1 Tɛs 3:11 - BAEBOLO ANZƐƐ BULUKU NWUANZANWUANZA

¹¹ Yɛsɛlɛ yɛ Nyamenle Selɛ mumua ne nee yɛ Awulae Gyisɛse kɛ ɔbuke adenle ɔmaa yɛnyia mekɛ yɛrɛla bɛ nwo lɔ.

1 Tɛs 3:11 ပူးပေါင်းရင်းမြစ်များ

Ayezaya Buluku ne 63:16

Wɔmɔ a ɛle yɛ ze a. Yɛ nlenya mɔ Ebileham nee Gyekɔbo ɛnze yɛ bɔbɔ ɛdeɛ, noko wɔmɔ, O Ɛdɛnkɛma, yɛɛ ɛle yɛ ze a. Ɔvi tete wɔ duma a le yɛ Kpɔnevolɛ.

Gyɛlɛmaya Buluku ne 31:9

Yizilayɛma bava ɛzunlɛ ara, mebakyekye bɛ rɛle, meava bɛ meazia meara sua nu, mebava bɛ measianle azudenle nloa, bɛbalua ademgbole fɔɔnwo mɔɔ bɛnrɛdu koti nu la anu, ɔluakɛ mele selɛ memaa Yizilayɛ, yɛɛ me belamunli ralɛ nrenya a le Yifelaem.

Malakae Buluku ne 1:6

Tumivolɛ Ɛdɛnkɛma biza bɛ kɛ, “Ralɛ di ɔ ze eni yɛɛ akɛlɛ di ɔ menle eni. Na saa mele bɛ ze a, ɛnee eni mɔɔ bɛdi me la a le boni? Yɛɛ saa mele bɛ menle a, ɛnee ɛzulolɛ mɔɔ bɛsulo me la wɔ nienwu? Bɛmɛ sɛlɛvolɛma bɔbɔ yɛɛ bɛsɛkye me duma a. Noko bɛmɛ bɛbiza kɛ, ‘Ɛnee kɛ yɛzi yɛzɛkye wɔ duma ɛ?’

Edwɛkpa ne kɛmɔ Mateyu hɛlɛle la 6:14

“Ɔluakɛ saa bɛfa menli mɔɔ ɛvo bɛ la ɛtane bɛkyɛ bɛ a, yɛɛ bɛ anwuma Selɛ ne ɔdaye ɔkɛva bɛ ɛtane ɛdeɛ ne mɔ ɔkɛhyɛ bɛ a.

Edwɛkpa ne kɛmɔ Mateyu hɛlɛle la 6:18

amaa awie mɔ annwu kɛ bɛlɛkye ɛhɔne. Na bɛ Ze mɔɔ wɔ anwuma na ɔze fealera nu debie biala la bayila bɛ.

Edwɛkpa ne kɛmɔ Mateyu hɛlɛle la 6:26

Bɛnlea nloma mɔɔ luolua anwomanyunlu la. Bɛnlua, bɛmbu, yɛɛ bɛnlɛ bonwolo; Selɛ ne mɔɔ wɔ anwuma la a yɛne bɛ a. Na asoo bɛ nwo ɛngyia ɛndɛla nloma?

Edwɛkpa ne kɛmɔ Mateyu hɛlɛle la 6:32

(Ɛhye mɔ le ninyɛne mɔɔ bɛdabɛ mɔɔ bɛnze Nyamenle la a dwenle nwolɛ a.) Bɛ Ze mɔɔ wɔ anwuma la ze kɛ bɛhyia ninyɛne ɛhye mɔ amuala anwo.

Edwɛkpa ne kɛmɔ Mateyu hɛlɛle la 6:4

amaa bɛ nyɛleɛ kpalɛ ne ayɛ fealera nu debie na bɛ Ze mɔɔ wɔ anwuma mɔɔ nwu fealera nu debie biala la ayila bɛ.

Edwɛkpa ne kɛmɔ Mateyu hɛlɛle la 6:6

Na bɛmɛ, saa bɛyɛ nzɛlɛlɛ a, bɛhɔvea bɛ sua kunlu ɛkɛ ne, bɛdo anlenkɛ ne anu na bɛyɛ nzɛlɛlɛ bɛvɛlɛ bɛ Ze mɔɔ wɔ anwuma mɔɔ bɛnnwu ye la, na bɛ Ze mɔɔ wɔ anwuma na ɔnwu fealera nu edwɛkɛ la bayila bɛ.

Edwɛkpa ne kɛmɔ Maake hɛlɛle la 1:3

Awie ɛlɛtea nu wɔ fienemgbole ne anu kɛ, ‘Bɛziezie Awulae adenle ne; bɛdenrɛdenrɛ ye ndenle ne mɔ!’ ”

Edwɛkpa ne kɛmɔ Luku hɛlɛle la 12:30

(Ɔluakɛ bɛdabɛ mɔɔ bɛnze Nyamenle la a dwenledwenle ɛhye mɔ anwo a.) Bɛ Ze mɔɔ wɔ anwuma la ze kɛ bɛhyia ɛhye mɔ anwo.

Edwɛkpa ne kɛmɔ Luku hɛlɛle la 12:32

“Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.

Dw 20:17

Gyisɛse zele ye kɛ, “Mmasɔ me, ɔboalekɛ metɛkɔle Selɛ ne anwo lɔ. Na wɔmɔ kɔ na kɔze me mediema ne mɔ kɛ, ‘Melɛkɔ Egya nee bɛ Ze ne, me Nyamenle nee bɛ Nyamenle ne anwo lɔ.’ ”

Wulo 1:3

Edwɛkpa ɛhye fane ɔ Ra ne, mɔɔ le yɛ Awulae Gyisɛse Kelaese, mɔɔ saa nwonane nu a ɔle Devidi anlɔnra,

2 Kɔl 6:18

Mebayɛ bɛ ze, na bɛayɛ me mra mrenya nee mraalɛ, kɛ Tumivolɛ Awulae se la ɛne!”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:4

Gyisɛse Kelaese wule manle yɛ, ɔliele yɛ ɔvile yɛ ɛtane nu, amaa yeaye yɛ yeavi munzule mekɛ ɛhye anu; ɔyɛle ɛhye, ɔluakɛ mɔɔ yɛ Ze Nyamenle ne kpondɛ kɛ ɔyɛ la ɛne.

Kɔlɔ 1:2

Yɛfa yɛahɔmaa Nyamenle menli ne mɔɔ wɔ Kɔlɔsae na bɛle yɛ mediema nɔhavoma kpalɛ mɔɔ die Kelaese di nɔhalɛ nu la. Yɛ Ze Nyamenle ɛlo bɛ na ɔmaa bɛ anzonudwolɛ.

1 Tɛs 3:13

Zɛhae adenle zo yɛɛ ɔbamaa bɛ nwo ayɛ se, na bɛali munli, bɛ nwo ade wɔ yɛ Nyamenle Selɛ ne anyunlu, wɔ mekɛ mɔɔ yɛ Awulae Gyisɛse nee bɛdabɛ mɔɔ bɛle ye ɛdeɛ la kɛra la a. ɛra la a.

1 Tɛs 4:16

Yɛbade kɛ bɛha tumi edwɛkɛ ne wɔ anwuma lɔ, yɛbade Nyamenle soanvolɛ kpanyinli ne ane, bɛbabɔ Nyamenle aweɛne tendenle ne anu, na Awulae ɔdaye mumua ne ɔvi anwuma lɔ ɔbadwu aze. Bɛdabɛ mɔɔ bɛdie Kelaese bɛdi na bɛwu la balumua adwazo avi ewule nu;

1 Tɛs 5:23

Nyamenle ne mɔɔ maa anzonudwolɛ la ɛde bɛ nwo wɔ adenle biala anu, na ɔva bɛ sonla mumua ne ɔzie: bɛ ɛkɛla, bɛ sunsum, yɛɛ bɛ sonlabaka ne amuala, ɔye bɛ ɔvi nvonleɛ biala anu, ɔde bɛ nwo wɔ Kenle ne mɔɔ Awulae Gyisɛse Kelaese bara la.

2 Tɛs 2:16

Yɛ Awulae Gyisɛse Kelaese mumua ne nee yɛ Ze Nyamenle ne, mɔɔ hulole yɛ na ye ɛlolɛ ti yemaa yɛ anwosesebɛ mɔɔ ɛnlɛ awieleɛ nee anyelazo kpalɛ la,

2 Tɛs 3:16

Yɛsɛlɛ kɛ Awulae mumua ne, mɔɔ le anzonudwolɛ maavolɛ la ɛmaa bɛ nzo nu ɛdwo bɛ mekɛ biala nee adenle biala anu. Awulae nee bɛ ɛdɛnla.

2 Tɛs 3:5

Yɛsɛlɛ kɛ Awulae ɛha bɛ ahonle ɛmaa bɛnyia Nyamenle ɛhulolɛ ne anwo ndelebɛbo kpalɛ na bɛgyinla kpundii wɔ Kelaese anwo ngilehilelɛ ne anu.

1 Dw 3:1

Bɛnlea kɛ Selɛ ne ɛzi ɛhulo yɛ a! Ye ɛhulolɛ kpole ne ati, bɛfɛlɛ yɛ Nyamenle amra, yɛɛ nɔhalɛ nu, yɛle ɔ mra. Debie mɔɔ yemɔti ɛtane ewiade ye ɛnze yɛ la a le kɛ yeannwu Nyamenle.

Yekile 21:3

Mendele ɛnelɛ kpole bie wɔ belemgbunli ebia kpole ne anwo, ɔse, “Kɛkala, akee Nyamenle sua nu a le ye menli avinli. Ɔ nee bɛ badɛnla na bɛayɛ ye menli. Nyamenle mumua ne nee bɛ badɛnla na yeayɛ bɛ Nyamenle.