1 Tɛs 3:10 - BAEBOLO ANZƐƐ BULUKU NWUANZANWUANZA

¹⁰ Alehyenlɛ nee aledwolɛ kɔsɔɔti yɛfa yɛ ahonle muala yɛsɛlɛ kɛ yɛkɛnwu bɛ nyunlu na mɔɔ bɛhyia nwo wɔ bɛ diedi nu la yɛayɛ yɛamaa bɛ.

1 Tɛs 3:10 ပူးပေါင်းရင်းမြစ်များ

Ɛzoanvolɛma Gyima ne 26:7

Ɛwɔkɛ ne ati yɛɛ yɛ mbusua ekpunli bulu nee nwiɔ ye gua ɛzonlenlɛ zo alehyenlɛ nee aledwolɛ, kɛ saa bɛkɛnyia ye a. Na anyelazo ɛhye ala ati, Nana, yɛɛ Dwuuma ɛlɛto me ɛzonle zɛhae a.

2 Kɔl 1:15

Adwenle ɛhye a wɔ me ti anu ɛsesebɛ mɔɔ manle menlumuale mengyehyɛle kɛ mebarakpɔla bɛ, amaa bɛanyia nyilalɛ mɔnwo la.

2 Kɔl 1:24

Tɛ kɛ asɛɛ yɛkile bɛ debie mɔɔ ɔwɔ kɛ bɛdie bɛdi la ɔ, ɔluakɛ bɛlɛ diedi ne anu kpundii. Yɛ nee bɛ a ɛlɛyɛ gyima ne a wɔ bɛ kpalɛyɛlɛ ti.

2 Kɔl 13:11

Mediema, akee mewie, mebiza bɛ ahye. Bɛhakyi bɛ subane; bɛli me folɛdulɛ ne mɔ azo, bɛmaa bɛ nloa ɛzɛ bɛ nwo na bɛdɛnla anzonudwolɛ nu. Na ɛhulolɛ nee anzonudwolɛ Nyamenle ne nee bɛ badɛnla.

2 Kɔl 13:9

Yɛdi fɛlɛko kɛ bɛkɛyɛ se na yɛmɛ yɛkɛyɛ bɛtɛɛ. Yɛsɛlɛ kɛ bɛkɛli munli.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:25

Mesi pi wɔ ɛhye anwo, na meze kɛ metɛnyianle metɛwule. Meze kɛ me nee bɛ yɛ muala yɛbadɛnla, na bɛanyia ngɔzo na bɛ nye alie wɔ diedi nu,

Kɔlɔ 1:28

Yemɔti yɛbɔ Kelaese ɛhye anwo nolo yɛkile awie biala, yɛkilehile bɛ na yɛbɔ bɛ kɔkɔ nrɛlɛbɛ nu, amaa yɛava ko biala yɛara Nyamenle anyunlu kɛ sonla mɔɔ di munli, na ɔ nee Kelaese a lua a.

Kɔlɔ 4:12

Ɛpafelase, mɔɔ le bɛdabɛ bɛ bie, na eza ɔle Kelaese Gyisɛse sonvolɛ la biza bɛ ahye. Dahuu ɔkakye bɛ wɔ ye nzɛlɛlɛ nu, kɛ Nyamenle ɛmaa bɛgyinla kpundii, bɛyɛ Kelaese ɛdoavolɛma mɔɔ ati ɛdi, na bɛyɛ tieyɛ bɛmaa Nyamenle ɛhulolɛdeɛ ne.

1 Tɛs 3:11

Yɛsɛlɛ yɛ Nyamenle Selɛ mumua ne nee yɛ Awulae Gyisɛse kɛ ɔbuke adenle ɔmaa yɛnyia mekɛ yɛrɛla bɛ nwo lɔ.

2 Tɛs 1:11

Ɛhye ati dahuu yɛsɛlɛ yɛmaa bɛ, yɛbiza yɛ Nyamenle ne kɛ ɔmaa bɛ nwo ɛfɛta ye ɛvɛlɛlɛ ne. Yɛsɛlɛ kɛ ɔlua ye tumi ne azo ɔmaa bɛhola bɛyɛ kpalɛ biala mɔɔ bɛkpondɛ kɛ bɛyɛ la na ɔmaa bɛ diedi nu gyima muala ɛli munli,

2 Tem 1:3

Meyɛ Nyamenle ne mɔɔ mesonle ye nɔhalɛ nu, kɛmɔ me nlenya mɔ yɛle la mo kɛ mekakye wɔ wɔ me nzɛlɛlɛ nu alehyenlɛ nee aledwolɛ biala a.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:22

Eza kpondɛ dabelɛ sie me, ɔboalekɛ melɛ anyelazo kɛ Nyamenle badie bɛ muala bɛ nzɛlɛlɛ amaa meazia me nee bɛ aradɛnla.

Yekile 4:8

Tease abɔdeɛ nna ɛhye mɔ ko biala lɛ ndɛbalɛ nsia mɔɔ ɛnyelɛ duodua bɛ kunlu nee bɛ nzi amuala a. Na alehyenlɛ nee aledwolɛ muala bɛ ne la nu bɛto edwɛne bɛse kɛ, “Nwuanzaanwu, nwuanzaanwu, Awulae Nyamenle Tumivolɛ ne le nwuanzanwuanza. Yemɔ yɛɛ ɔvi tete, ɔwɔ ɛkɛ, na ɔwɔ ɛkɛ kɛkala, na ɔbara a.”

Yekile 7:15

Ɛhye ati yɛɛ bɛgyigyi Nyamenle belemgbunli ebia kpole ne anwo na bɛsonle ye alehyenlɛ nee aledwolɛ wɔ ɔdaye ye Ɛzonlenlɛ Sua ne anu a. Mɔɔ de belemgbunli ebia kpole ne azo la banlea bɛ nwo zo.

1 Sam 12:23

Na mame, Ɛdɛnkɛma ɛkpa ɛgua kɛ menwɔyɛ ɛtane kɛ menrɛzɛlɛ menrɛmaa bɛ a. Mebahilehile bɛ nɔhalɛ adenle ne nee mɔɔ le kpalɛ kɛ ɔwɔ kɛ bɛyɛ la.