1 Tɛs 2:9 - BAEBOLO ANZƐƐ BULUKU NWUANZANWUANZA

⁹ Nɔhalɛ, mediema, bɛkakye kɛ yɛzile yɛyɛle gyima yɛvɛle la. Yɛyɛle gyima nɔɔzo nee ewiazo, amaa yɛanyɛ kpomgbolo yɛamkpolo bɛ kɔme wɔ mekɛ mɔɔ yɛka Edwɛkpa ne mɔɔ vi Nyamenle ɛkɛ ne la yɛahile bɛ la.

1 Tɛs 2:9 ပူးပေါင်းရင်းမြစ်များ

2 Arl 6:2

Maa yɛ adenle maa yɛhɔ Dwɔdan ne anloa lɔ yɛhɔpɛ mbaka yɛrabu awuke yɛdɛnla nuhua.” Na Yilaehya zele bɛ kɛ, “Bɛhɔ.”

Nihɛmaya Buluku ne 5:15

Amɛnlado biala mɔɔ ɛnee li me nyunlu la yɛle adesoa manle menli ne. Bɛliele aleɛ nee nwanye ezukoa, akee asolo nwolɛ kenle ko dwɛtɛ fufule abulanla ne mɔɔ bɛdie la. Bɛ sonvolɛma bɔbɔ wulule gyinlanle menli ne akɔme zo. Na mame, ɔlua Nyamenle ɛzulolɛ ti meanyɛ zɔhane.

Nihɛmaya Buluku ne 5:18

Kenle ko biala meku ɛnlankɛ ko, mboane nsia yɛɛ ngɔkɔlɛ, akee kenle bulu biala memaa bɛ nwanye dɔɔnwo. Na kɛmɔ meze ɛvɛlɛ bedevinli mɔɔ menli ne de nwolɛ la ati, meanlie me amɛnlado ɛkponledolɛ ezukoa ne.

Edwɛndolɛ Buluku ne 32:4

Ɔluakɛ alehyenlɛ nee aledwolɛ kɔsɔɔti ɛ sa yɛle ɛnlomboɛ me nwo zo; me anwosesebɛ ne wiele, ɔwele kɛ nzule mɔɔ wawaa ewia ɛsesa ye la.

Edwɛndolɛ Buluku ne 88:1

O Ɛdɛnkɛma, me Nyamenle, alehyenlɛ nu mefɛlɛ wɔ kɛ ɛboa me; aledwolɛ nu noko mesu mefɛlɛ wɔ.

Mrɛlɛbulɛ Buluku ne 31:18

Ɔnea ɔnwu kɛ ye gualilɛ zo ɛra nvasoɛ. Ye kɛnlaneɛ ɛnnu nɔɔzo.

Gyɛlɛmaya Buluku ne 9:1

Me kunlu a anrɛɛ me ti le nzubula na me nye monle le nzufeanvea, anrɛɛ menwɔzu me menli mɔɔ bɛhu bɛ la alehyenlɛ nee aledwolɛ.

Edwɛkpa ne kɛmɔ Luku hɛlɛle la 18:7

Asoo Nyamenle ɛnrɛli ɔdaye ye menli ne mɔɔ kpondɛ moalɛ na bɛtea bɛfɛlɛ ye nɔɔzo nee ewiazo la ati edwɛkɛ? Asoo ɔkɛhwenlehwenle ɔ bo aze wɔ bɛ moalɛ nwo?

Ɛzoanvolɛma Gyima ne 18:3

na kɛmɔ bɛ muala bɛ gyima mɔɔ bɛyɛ bɛdi aleɛ la a le ɛdanlɛ sua ɛyɛlɛ la ati, ɔ nee ye dɛnlanle na ɔ nee bɛ yɛle gyima.

Ɛzoanvolɛma Gyima ne 20:24

Noko me ngoane ɛdeɛ, mendwenle nwolɛ, amaa meahola meawie Awulae Gyisɛse gyima ne mɔɔ yeva yemaa me kɛ membɔ Edwɛkpa ne mɔɔ fane Nyamenle ɛlolɛ ne anwo la nolo.

Ɛzoanvolɛma Gyima ne 20:31

Yemɔti bɛnlea boɛ, na bɛhakye kɛ mendwinle monle ɛvolɛ nsa a mengilehilele bɛ wɔ nɔɔzo nee ewiazo a.

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

Wulo 15:16

kɛ mele Kelaese Gyisɛse akɛlɛ mɔɔ ɔwɔ kɛ yɛ gyima wɔ menli mɔɔ ɛnle Dwuuma la avinli. Mesonle kɛ sɛlɛvolɛ mɔɔ ɔwɔ kɛ mebɔ Edwɛkpa ne mɔɔ vi Nyamenle ɛkɛ ne la nolo, amaa bɛdabɛ mɔɔ bɛnle Dwuuma la ayɛ azubɔdeɛ mɔɔ Sunsum Nwuanzanwuanza ne a ɛde nwolɛ na ɔsɔ Nyamenle anye la.

Wulo 15:19

ye nwanwane gyima mɔɔ ɔyɛle, nee mɔɔ ɔvale Nyamenle Sunsum ne tumi ɔyɛle la. Yemɔti wɔ me adendulɛ nu, ɔvi Gyɛlusalɛm mɔɔ badwu Yelelekɛm, meha na meva Kelaese anwo Edwɛkpa ne amuala medo gua.

1 Kɔl 4:12

yɛyɛ gyima ɛsesebɛ, yɛɛ yɛpe na yɛali. Bɛwa yɛ amonle a, yɛyila bɛ; bɛyɛ yɛ kpɔdekpɔde a, yɛkponle zolɛ.

1 Kɔl 9:15

Noko metɛbizale debie biala metɛfile bɛ lɔ, yɛɛ mengɛlɛ ɛhye kɛ akee bɛyɛ ninyɛne ɛhye mɔ bɛmaa me. Menwɔhulo kɛ menwɔwu kɛdɛla kɛ awie kɛmaa me nloa anu mɔɔ metu kɛ menga Edwɛkpa ne menlie ahatualɛ la kɛyɛ mgbane.

1 Kɔl 9:18

Ɛnee akee duzu ahatualɛ a menyia ye a? Me ahatualɛ a le kɛ menwɔbɔ Edwɛkpa ne mɔɔ fane Kelaese anwo la nolo mɔɔ menlie ɛhwee, na eza menva adenle mɔɔ melɛ ye wɔ Edwɛkpa ne ɛhanlɛ nwo la menyɛ me nwo boɛ.

1 Kɔl 9:4

Yɛnlɛ adenle kɛ yɛdi na yɛno ɔ?

2 Kɔl 11:27

Meli gyima nee mgbelera dɔɔnwo; aleɛ dwo a nafelɛ ɛngɔ me nye zo; ɛhɔne nee nzuhɔne ku me; mekye ɛhɔne, ɛyɛlɛ ku me yɛɛ melɛ me nwo zɔ ɛlɛ.

2 Kɔl 11:9

Mekɛ mɔɔ me nee bɛ de la, saa mekyia a mengyegye bɛ kɛ bɛboa me; mediema mɔɔ vi Masidonea rale la a rɛlɛle me debie biala mɔɔ mengyianle nwolɛ la a. Na kɛmɔ meanyɛ ye dɛba la, zɔhane ala yɛɛ menrɛva kpomgbolo biala menrɛkpolo bɛ kɔme a.

2 Kɔl 6:5

Bɛbila yɛ mbaka, bɛgua yɛ efiade na bɛwudo yɛ bagua nu; bɛmaa yɛyɛ gyima ɛsesebɛ, yɛsi epe, yɛɛ bɛkye yɛ ɛhɔne.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:16

Fane dɔɔnwo ne ala bɛnwanle me wɔ mekɛ biala mɔɔ me nwo kɛhyele me wɔ Tɛsalonaeka la.

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

1 Tɛs 2:2

Bɛdabɛ bɛze amaneɛ mɔɔ yɛnwunle ye nee aholoba mɔɔ bɛbɔle yɛ wɔ Felepae kolaa na yɛara Tɛsalonaeka la. Noko yɛ Nyamenle ne manle yɛ akɛnrasesebɛ manle yɛhanle Edwɛkpa ne mɔɔ vi ye ɛkɛ ne la yɛhilele bɛ wɔ mekɛ bɔbɔ mɔɔ ɛnee menli dɔɔnwo tia yɛ la.

1 Tɛs 2:6

Yɛambɔ mɔdenle kɛ yɛkpondɛ menli nganvolɛ, saa ɔvi bɛ ɛkɛ ne anzɛɛ ɔvi awie mɔ lɔ o,

1 Tɛs 3:10

Alehyenlɛ nee aledwolɛ kɔsɔɔti yɛfa yɛ ahonle muala yɛsɛlɛ kɛ yɛkɛnwu bɛ nyunlu na mɔɔ bɛhyia nwo wɔ bɛ diedi nu la yɛayɛ yɛamaa bɛ.

1 Tem 1:11

Ngilehilelɛ ɛhye mɔ wɔ Edwɛkpa ne mɔɔ anyunlunyia nee saleɛ Nyamenle ne ɛva ɛwula me sa nu kɛ membɔ ye nolo la anu.

1 Tem 4:10

Ɛhye ati yɛɛ yɛpele yɛyɛ gyima ɛsesebɛ a, ɔluakɛ yɛva yɛ nye yɛdo tease Nyamenle ne anwo zo. Yemɔ yɛɛ ɔle menli kɔsɔɔti bɛ Ngoanedievolɛ a, bɔbɔ bɛdabɛ mɔɔ bɛdie bɛdi la.

1 Tem 5:5

Kunlanvolɛ mɔɔ ɛnlɛ awie ɛnnea ye la, ɛva ɔ nye ɛdo Nyamenle anwo zo, na ɔhɔ zolɛ ɔbodo ɔzɛlɛ na ɔbiza moalɛ aledwolɛ nee alehyenlɛ.

2 Tem 1:3

Meyɛ Nyamenle ne mɔɔ mesonle ye nɔhalɛ nu, kɛmɔ me nlenya mɔ yɛle la mo kɛ mekakye wɔ wɔ me nzɛlɛlɛ nu alehyenlɛ nee aledwolɛ biala a.