1 Tɛs 2:8 - BAEBOLO ANZƐƐ BULUKU NWUANZANWUANZA

⁸ Ɔlua bɛ nwo ɛhulolɛ mɔɔ yɛlɛ la ati yɛanga Edwɛkpa ne mɔɔ vi Nyamenle ɛkɛ ne la angome ala yɛangile bɛ; yɛvale yɛ ɛbɛlabɔlɛ noko yɛbokale nwo. Bɛ nwo hyia yɛ somaa!

1 Tɛs 2:8 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 7:2

Wulomu sogya kpanyinli bie mɔɔ wɔ ɛkɛ ne la lɛ ye sonvolɛ ko mɔɔ ɔkulo ye edwɛkɛ kpole kpalɛ a. Akɛlɛ ɛhye anwo ɛdo ye na ɔlɛdie adenle yeawu.

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

Wulo 10:1

Me mediema, me kunlu a anrɛɛ bɛlie me menli ne kɔsɔɔti ngoane. Na ɛhye ati mefa me ahonle muala mesɛlɛ Nyamenle wɔ nwolɛ dahuu.

Wulo 15:29

Meze kɛ saa menyia mebadwu bɛ nwo lɔ a, Edwɛkpa ne nolobɔlɛ ne bava Kelaese anu nyilalɛ dɔɔnwo arɛlɛ bɛ.

2 Kɔl 12:15

Ɔkɛyɛ me kɛnlɛma kɛ menwɔva mɔɔ melɛ la amuala, nee medame me sonlabaka ne menwɔboa bɛ. Na saa mekulo bɛ edwɛkɛ kpole zɛhae a, ɛnee kɛmɔti yɛɛ bɛmɛ bɛngulo me edwɛkɛ fee ɛ?

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:19

O me mra ngakula, medi bɛ nwo nyane, na mete ye wɔ me nwonane nu kɛ raalɛ mɔɔ ɛvo awolɛ zo la, na ɔbahɔ zo zɔhane kɔkpula mekɛ mɔɔ bɛkɛnyia Kelaese su ne wɔ bɛ nu la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:8

Nyamenle di me daselɛ kɛ me nwo mɔɔ dɔ bɛ la amuala vi Gyisɛse Kelaese ɔdaye mumua ne ahonle nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:17

Saa bɔbɔ ɔba ye kɛ bɛfa me mogya bɛaye ɛdɛne bɛagua bɛ diedi azubɔlɛ zo bɛamaa Nyamenle a, anrɛɛ me nye die nwolɛ kpole na me nee bɛ di fɛlɛko.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:20

Menlɛ awie mɔɔ kɛdwenle bɛ nwo kpalɛ kɛ medame la, kyesɛ Temɔte ala, yɛɛ yemɔ noko ala a kɛdwenle bɛ nwo a.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:1

Zɔhane ati, me mediema kulovolɛma, mɔɔ me nwo dɔ bɛ a, me ahyɛlɛdeɛ mɔɔ me nye die bɛ nwo, na mefa bɛ metu me nwo a! Mediema kpalɛ, bɛgyinla kpundii kɛ bɛle Kelaese ɛdeɛ.

Kɔlɔ 1:28

Yemɔti yɛbɔ Kelaese ɛhye anwo nolo yɛkile awie biala, yɛkilehile bɛ na yɛbɔ bɛ kɔkɔ nrɛlɛbɛ nu, amaa yɛava ko biala yɛara Nyamenle anyunlu kɛ sonla mɔɔ di munli, na ɔ nee Kelaese a lua a.

Kɔlɔ 1:7

Ɛpafelase a hilehilele bɛ Nyamenle ɛlolɛ ɛhye anwo edwɛkɛ a. Ɔle yɛ diema sonvolɛ kpalɛ kpalɛ mɔɔ sonle Kelaese nɔhalɛ nu a; ɔgyi yɛ gyakɛ anu wɔ lɔ.

Kɔlɔ 4:12

Ɛpafelase, mɔɔ le bɛdabɛ bɛ bie, na eza ɔle Kelaese Gyisɛse sonvolɛ la biza bɛ ahye. Dahuu ɔkakye bɛ wɔ ye nzɛlɛlɛ nu, kɛ Nyamenle ɛmaa bɛgyinla kpundii, bɛyɛ Kelaese ɛdoavolɛma mɔɔ ati ɛdi, na bɛyɛ tieyɛ bɛmaa Nyamenle ɛhulolɛdeɛ ne.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:1

Kɛlata ɛhye vi medame Pɔɔlo, mɔɔ ɔlua Kelaese Gyisɛse ati mela efiade nee adiema Temɔte ɛkɛ. Ɔdwu yɛ gɔnwo Faelimɔn, mɔɔ le yɛ diema gyimayɛvolɛ wɔ Nyamenle ɛzonlenlɛ ye anu la ɛkɛ;

Kɛlata mɔɔ bɛhɛlɛle bɛhɔmanle Hibuluma la 13:17

Bɛdie bɛ mgbanyima ne mɔ na bɛli bɛ mɛla zo. Mgbanyima zɛhae mɔ a dahuu nea bɛ ɛkɛla zo a, ɔboalekɛ bɛbabu bɛ gyima nwo mgbonda bɛahile Nyamenle. Saa bɛtie bɛ nloa edwɛkɛ a, bɛdabɛ noko bɛbava fɛlɛkolilɛ bɛayɛ bɛ gyima. Saa tɛ ye zɔhane ɛdeɛ a, bɛbava nyanelilɛ a bɛayɛ a, na ɛhye noko ɛnrɛboa bɛ kpalɛ biala.

1 Dw 3:16

Kɛ ɛhulolɛ de la ɛne: Kelaese dole ye ngoane aze manle yɛ, yemɔti ɔwɔ kɛ yɛdayɛ noko yɛto yɛ ngoane aze yɛmaa yɛ mediema.