1 Tɛs 2:4 - BAEBOLO ANZƐƐ BULUKU NWUANZANWUANZA

⁴ Mɔɔ yɛyɛle la a le kɛ dahuu yɛtendɛ, kɛmɔ Nyamenle kpondɛ kɛ yɛtendɛ la, ɔboalekɛ yemaa yɛzɔ ɔ nye na yeva ye Edwɛkpa ne yewula yɛ sa nu. Ɛhye ati yɛmbɔ mɔdenle kɛ yɛsɔ menli nye. Nyamenle mɔɔ ze yɛ ahonle nu la yɛɛ yɛkulo kɛ yɛsɔ ɔ nye a.

1 Tɛs 2:4 ပူးပေါင်းရင်းမြစ်များ

1 Arl 8:39

tie bɛ nzɛlɛlɛ wɔ anwuma lɔ, ɛleka mɔɔ ɛde la, fa bɛ ɛtane ne mɔ kyɛ bɛ na boa bɛ. Ɛ ngomekye yɛɛ ɛze ahonle nu a, yɛ maa awie biala, kɛmɔ bɛ nzɛlɛlɛ ne mɔ se la,

2 Arl 16:16

Na sɛlɛvolɛ Yulaya yɛle, kɛmɔ belemgbunli ne zele la.

1 Edk 29:17

Meze kɛ ɛsɔ awie biala ɛnea na ɛ nye die mɔɔ di nɔhalɛ la anwo. Meyeye me ahonle nu, nɔhalɛ nu yɛɛ meva ɛhye mɔ amuala memaa wɔ a, yɛɛ menwu kɛ me menli ye ɛzi ɛva fɛlɛkolilɛ nee anyelielɛ ɛva ninyɛne ɛrabɔ azu ɛmaa wɔ a.

Edwɛndolɛ Buluku ne 139:23

Neɛnlea me nu, O Nyamenle, na nwu me ahonle nu! Sɔ me nea, na nwu me adwenle!

Edwɛndolɛ Buluku ne 17:3

Saa ɛsɔ me ɛnea, saa ɛba me nwo nɔɔzo, saa ɛneɛnlea me nu a, ɛkɛnwu kɛ menle amumuyɛ; menva me nloa menga ɛtane.

Edwɛndolɛ Buluku ne 44:21

asoo anrɛɛ Nyamenle ɛnrɛnwu ye ɔ? Ɔluakɛ ɔze ahonle muala anu.

Edwɛndolɛ Buluku ne 7:9

O maa amumuyɛma ɛgyakyi ɛtaneyɛlɛ; maa tenlenema ɛgyinla kpundii; ɛle pɛlepɛlelilɛ Nyamenle, mɔɔ kola sɔ ahonle nee adwenle nea a.

Mrɛlɛbulɛ Buluku ne 17:3

Bɛfa senle a bɛsɔ dwɛtɛ fufule nee ezukoa nvutuke bɛnea a, yɛɛ Ɛdɛnkɛma a sɔ ahonle kɔsɔɔti nea a.

Gyɛlɛmaya Buluku ne 17:10

Medame Ɛdɛnkɛma a meneɛnlea sonla adwenle nu na meneɛnlea ye ahonle nu a. Meboa awie biala, kɛmɔ ye ndenle ne mɔ de la, kɛmɔ ye nyɛleɛ ne si kɔ ye la.”

Gyɛlɛmaya Buluku ne 32:19

wɔ nrɛlɛbɛ le kpole yɛɛ ɛyɛ ninyɛne mgbole. Ɛnwu menli ndenle kɔsɔɔti anu na ɛnea bɛ ɛbɛlabɔlɛ ne ɛtua biala kakɛ, kɛmɔ ye ndenle ne mɔ de la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:16

“Ɛdɛnkɛma Nyamenle, ngoane muala menle, mesɛlɛ wɔ, ye sonla maa ɔnlea menli ne anwo zo,

Edwɛkpa ne kɛmɔ Luku hɛlɛle la 12:42

Awulae buale kɛ, “Ɛnee nwane a le sonvolɛ mɔɔ di nɔhalɛ na ɔle nrɛlɛbɛvolɛ la? Yemɔ a le sonla ne mɔɔ ɔ menle kɛyɛ ye kpanyinli wɔ ye awuke ne anu kɛ ɔmaa sonvolɛma mɔɔ ɛha la aleɛ wɔ mekɛ ne anloa la.

Edwɛkpa ne kɛmɔ Luku hɛlɛle la 16:11

Na saa bɛngola bɛnli nɔhalɛ wɔ ewiade ye anyiabɛnwo nwo a, ɛnee kɛ ɔkɛyɛ na bɛava nɔhalɛ anwonyia ne bɛawula bɛ sa nu ɛ?

Dw 21:17

Fane nsa ne azo eza Gyisɛse bizale Pita kɛ, “Dwɔn ara Saemɔn, asoo ɛkulo me?” Nyane hanle Pita kɛ Gyisɛse ɛbiza ye fane nsa kɛ, “Asoo ɛkulo me?” a, na ɔbuale ye kɛ, “Awulae ɛze debie biala; ɛze kɛ mekulo wɔ.” Gyisɛse zele ye kɛ, “Nea me mboane ne mɔ boɛ.

Wulo 8:27

Nyamenle mɔɔ neɛnlea menli kɔsɔɔti ahonle nu la ze sunsum nu adwenleadwenle biala kɛ si de la, ɔluakɛ Sunsum ne kpa ye menli ti kyɛlɛ, ɔsɛlɛ, kɛmɔ Nyamenle ɛhulolɛdeɛ ne de la.

1 Kɔl 7:25

Mɔɔ le edwɛkɛ mɔɔ fane bɛdabɛ mɔɔ bɛngya bie la anwo la, menlɛ Awulae ɛkɛ ne mɛla biala memmaa bɛ, medame me adwenle a meka a, kɛ sonla mɔɔ Awulae ɛnwu ye anwunvɔne na menli kola die ye di la.

1 Kɔl 9:17

Saa melɛ medame me ɛhulolɛ yɛɛ melɛyɛ gyima ne a, anrɛɛ me nye bala ahatualɛ zo, na meyɛ ye kɛ ɔle ɛzonle ɔla me nwo zo, ɔboalekɛ Nyamenle a ɛva ɛwula me sa nu a.

2 Kɔl 2:17

Yɛmɛ, yɛnle kɛ menli mɔɔ fa Nyamenle edwɛkɛ ne si kongo la, ɔboalekɛ Nyamenle a ɛzoa yɛ a, yɛɛ yɛgyinla ɔ nyunlu yɛtendɛ kɛ Kelaese sonvolɛma.

2 Kɔl 4:2

Yɛkpo awozinli nu nee anyiemgba nyɛleɛ muala; yɛmbɔ alane ɛbɛla, yɛɛ yɛmbɔ adalɛ wɔ Nyamenle edwɛkɛ ne ɛhanlɛ nu yɛngakyi ye. Yɛlua nɔhalɛ wienyi ne anu yɛbɔ yɛ ɛbɛla wɔ Nyamenle anyunlu kɛ awie biala kɛnyia yɛ nwo adwenle kpalɛ.

2 Kɔl 5:11

Kɛmɔ yɛze kɛ Nyamenlezulolɛ si de la ati, yɛbɔ mɔdenle kɛ yɛkɛmaa menli kɛzulo Nyamenle; na kɛ yɛmɛ yɛde la, Nyamenle ɔdaye ɔze, yɛɛ meze kɛ bɛdabɛ bɛze ye wɔ bɛ adwenle nu.

2 Kɔl 5:16

Ɛhye ati, ɔvi ɛnɛ mɔɔ kɔ la, yɛnnea awie biala anyunlu yɛmbua ndɛne. Saa mekɛ bie mɔɔ ɛze ɛhɔ la yɛbuale Kelaese ndɛne wɔ zɔhane adenle zo bɔbɔ a, ɛnɛ yɛnyɛ ye zɔhane bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:10

Ɛnee ɔyɛ bɛ kɛ kɛkala akee mekpondɛ menli nganvolɛ, anzɛɛ Nyamenle nganvolɛ ɔ? Anzɛɛ mekpondɛ me nyunlu wɔ menli nu ɔ? Kyɛkyɛ! Saa mekpondɛ me nyunlu wɔ menli nu a, ɛnee menle Kelaese akɛlɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:7

Mɔɔ bɛnwunle ye la a le kɛ amgba Nyamenle ɛva ye Edwɛkpa ne ɛwula me nloa na yezoa me kɛ membɔ ye nolo mengile bɛdabɛ mɔɔ bɛnle Dwuuma la, kɛmɔ yeva yewula Pita anloa kɛ ɔbɔ ye nolo ɔhile Dwuuma la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:6

Tɛ ɛnyelɛ zo yɛkile nu ɔ, na bɛva ahonle kpalɛ bɛyɛ mɔɔ Nyamenle kpondɛ la; bɛyɛ ye kɛ bɛle Kelaese ngɛkɛlɛ,

Kɔlɔ 3:22

Ngɛkɛlɛ, bɛdie bɛ ewiade ye anu menlenlɛma edwɛkɛ wɔ debie biala anu, bɛmmayɛ ye wɔ ɛnyelɛ zo kɛ bɛyɛ bɛahile ala na bɛayɛ bɛ mo; bɛva Nyamenle ɛzulolɛ bɛyeye bɛ ahonle nu bɛyɛ.

1 Tem 6:20

Temɔte, nea mɔɔ bɛva bɛwula ɛ sa nu la boɛ. Twe ɛ nwo fi munzule edwɛkɛ ɛhehanlɛ nee kpolerazulɛ mgbane mgbane ne mɔ mɔɔ bie mɔ fo fɛlɛ ye “Adwenlenubukelɛ” la anwo.

2 Tem 1:14

Sɔ nɔhalɛ ne mɔɔ ɔlua Sunsum Nwuanzanwuanza ne mɔɔ wɔ yɛ nu la tumi zo bɛva bɛwula ɛ sa nu la anu boɛ.

2 Tem 2:2

Fa ngilehilelɛ ne mɔɔ ɛdele ɛvile me ɛkɛ ne wɔ mekɛ mɔɔ ɛnee melɛkilehile menli dɔɔnwo la wula bɛdabɛ mɔɔ ɛdie bɛ ɛdi kɛ bɛkɛhola ye kilehile la asa anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:3

Mekɛ ne dwule la ɔvale nrɛlaleɛ ne ɔdole gua, na ɛhye yɛɛ yɛ Ngoanedievolɛ Nyamenle ne, ɛva ɛwula me sa nu kɛ membɔ ye nolo a.

Kɛlata mɔɔ bɛhɛlɛle bɛhɔmanle Hibuluma la 4:13

Wɔ Nyamenle anyunlu, debie biala ɛnvea; debie biala mɔɔ wɔ aleɛabo la la ɔ nyunlu wienyi, na yemɔ yɛɛ yɛbabu yɛ mgbonda yɛahile ye a.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.

Yekile 2:23

Eza menli mɔɔ li ɔ nzi la, mebahu bɛ muala na asɔnema ne amuala anwu kɛ medame a menwu sonla biala ati anu nee ye ahonle nu a. Me nee bɛ nuhua ko biala bali wɔ mɔɔ yeyɛ la anwo.