1 Tɛs 2:2 - BAEBOLO ANZƐƐ BULUKU NWUANZANWUANZA

² Bɛdabɛ bɛze amaneɛ mɔɔ yɛnwunle ye nee aholoba mɔɔ bɛbɔle yɛ wɔ Felepae kolaa na yɛara Tɛsalonaeka la. Noko yɛ Nyamenle ne manle yɛ akɛnrasesebɛ manle yɛhanle Edwɛkpa ne mɔɔ vi ye ɛkɛ ne la yɛhilele bɛ wɔ mekɛ bɔbɔ mɔɔ ɛnee menli dɔɔnwo tia yɛ la.

1 Tɛs 2:2 ပူးပေါင်းရင်းမြစ်များ

Ɛzoanvolɛma Gyima ne 14:3

Noko ɛzoanvolɛma ne dɛnlanle ɛkɛ hyɛle, bɛhanle Awulae anwo edwɛkɛ ne akɛnrasesebɛ zo na Awulae hilele nɔhalɛ mɔɔ wɔ ye ɛlolɛ nwo nolo ne mɔɔ bɛlɛbɔ la anu na ɔmanle bɛ tumi ɔmanle bɛyɛle sɛkɛlɛneɛ nee nwanwane ninyɛne dɔɔnwo.

Ɛzoanvolɛma Gyima ne 14:5

Nzinlii bɛdabɛ mɔɔ bɛnle Dwuuma la bie mɔ nee Dwuuma bɔle nu bɛ nee bɛ mgbanyima yɛle adwenle kɛ bɛkɔ ɛzoanvolɛma ne mɔ anwo zo bɛahɔzi bɛ awolɛ.

Ɛzoanvolɛma Gyima ne 16:12

Yɛvi ɛkɛ ne la yɛhɔle Felepae, mɔɔ le suakpole wɔ Masidonea maanzinli nu la. Suakpole ɛhye Wulomu Maanle Maanle belemgbunli ne a bɔle ye nzeseɛ a. Yɛlile kenle dɔɔnwo wɔ sua ne azo.

Ɛzoanvolɛma Gyima ne 16:19

Mɔɔ kakula raalɛ ne amenle mɔ nwunle kɛ bɛ ezukoa ɛnyialɛ adenle ne ɛdua la, bɛhɔhyele Pɔɔlo nee Saelase bɛhwenlenle bɛ aze bɛ nee bɛ hɔle mgbanyinli nyunlu wɔ bɛ gua ne anu.

Ɛzoanvolɛma Gyima ne 16:37

Na Pɔɔlo zele kpolisi mgbanyinli mɔɔ rale la kɛ, “Bɛdabɛ, mgbane gyɛne ne ala, bɛbo yɛ bagua nu, wɔ mekɛ mɔɔ yɛle Wulomuma la, bɛgua yɛ efiade na akee bɛkpondɛ kɛ bɛye yɛ ahane nyaa bɛmaa yɛkɔ? Yɛnrɛhɔ! Maa Wulomu mgbanyima ne mɔ bɛdabɛ bɛraye yɛ.”

Ɛzoanvolɛma Gyima ne 17:1

Pɔɔlo nee Saelase kpɔsale hɔle Amfepɔlese nee Apɔlonea na bɛrale Tɛsalonaeka. Dwuuma lɛ nyianu sua wɔ ɛkɛ.

Ɛzoanvolɛma Gyima ne 17:17

Zɔhane ati ɔhɔle nyianu sua ne anu ɔ nee Dwuuma nee bɛdabɛ mɔɔ bɛnle Dwuuma na bɛsulo Nyamenle la hɔdendɛle. Dahuu ɔkɔgyinla mgbata ne mɔ azo na ɔ nee menli mɔɔ se la tendɛ nwolɛ.

Ɛzoanvolɛma Gyima ne 19:8

Pɔɔlo hɔle nyianu sua ne anu na ɔdendɛle akɛnrasesebɛ zo ɔhilele Dwuuma ne mɔ toonwo siane nsa kɛ ɔmaa bɛanwu Nyamenle Belemgbunlililɛ ne.

Ɛzoanvolɛma Gyima ne 4:13

Ɔyɛle ayiama ne azibɛnwo kɛ Pita nee Dwɔn ɛnyia akɛnrasesebɛ mɔɔ le zɛhae a, ɔluakɛ bɛze kɛ bɛle menli mɔɔ ɛnze nwoma a, na bɛliele bɛdole nu kɛ bɛ nee Gyisɛse a anrɛɛ lua a.

Ɛzoanvolɛma Gyima ne 4:20

na yɛmɛ, mɔɔ yɛde nee mɔɔ yɛnwu ye la, yɛnrɛhola yɛnrɛgyakyi ye ɛhanlɛ!”

Ɛzoanvolɛma Gyima ne 4:31

Mɔɔ bɛwiele nzɛlɛlɛ ne yɛ la, ɛleka mɔɔ bɛyiale nu la kpusule. Na Sunsum Nwuanzanwuanza ne rawolole bɛ na bɛnyianle akɛnrasesebɛ kɛ akee bɛka Nyamenle edwɛkɛ ne kpalɛ.

Ɛzoanvolɛma Gyima ne 5:41

Ɛzoanvolɛma ne vale fɛlɛkolilɛ vile ayia sua ne anu hɔle, kɛ bɛdabɛ bɔbɔ Nyamenle ɛbu bɛ bie, na ɔlua Gyisɛse duma ne ati bɛnwu amaneɛ a.

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

2 Kɔl 3:12

Kɛmɔ yɛlɛ anyelazo ɛhye la ati, yɛtendɛ a yɛnzulo.

Kɔlɔ 2:1

Bɛmaa menga gyima ɛsesebɛ mɔɔ meyɛ memaa bɛ nee menli mɔɔ wɔ Lawɔdesia, nee bɛdabɛ mɔɔ bɛtɛnwunle me nyunlu ɛlɛ la mengile bɛ.

1 Tɛs 1:5

Ɔluakɛ yɛanva yɛ nloa mgbane a yɛvale Edwɛkpa ne yɛrɛlɛle bɛ a, yɛvale tumi nee Sunsum Nwuanzanwuanza ne nee ye nɔhalɛ ne anwo adwenle mɔɔ si pi la a yɛrale a. Bɛdabɛ bɛze kɛ yɛzile yɛbɔle yɛ ɛbɛla wɔ mekɛ mɔɔ yɛ nee bɛ de la; yɛyɛle ɛhye wɔ bɛdabɛ bɛ kpalɛ ti.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

Dwuudu Kɛlata ne 1:3

Ayi mɔ, menzuzule kɛ mekɛlɛ bɛ wɔ ngoanelielɛ ne mɔɔ yɛnyia ye la anwo, na menwu kɛ ɔhyia kɛ mekɛlɛ bɛ na mesi bɛ ahonle kɛ bɛho bɛmaa diedi ne mɔɔ Nyamenle ɛva ɛmaa ye menli ne bɔkɔɔ la.