1 Tɛs 2:18 - BAEBOLO ANZƐƐ BULUKU NWUANZANWUANZA

¹⁸ Kɛmɔ yɛkpondɛ kɛ yɛsia yɛba bɛ nwo lɔ bieko la ati, medame Pɔɔlo, menyɛle biala kɛ anrɛɛ menwɔzia menwɔra, noko Seetan ammaa yɛ adenle.

1 Tɛs 2:18 ပူးပေါင်းရင်းမြစ်များ

Dwobu Buluku ne 33:14

Ɔluakɛ Nyamenle tendɛ ko ala, ɔka ye nwiɔ, noko dasanli ɛndie ye.

Edwɛkpa ne kɛmɔ Mateyu hɛlɛle la 4:10

Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

Wulo 1:13

Me mediema, mekpondɛ kɛ bɛnwu kɛ mekɛ dɔɔnwo anu mehyehyɛ kɛ anrɛɛ menwɔrakpɔla bɛ, amaa meahola meahakyi bɛ bie mɔ dɔɔnwo, kɛmɔ meyɛ ye wɔ maanle maanle dɔɔnwo zo la, noko ɔyɛ a ɛnee debie fofolɛ ɛzi me aze.

Wulo 15:22

Ɛhye ati a mekɛ dɔɔnwo mɔɔ ɛze ɛhɔ la meannyia adenle meambamkpɔla bɛ la.

1 Kɔl 16:21

Medame Pɔɔlo me sa anloa ɛne. Mebiza bɛ ahye.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:16

Fane dɔɔnwo ne ala bɛnwanle me wɔ mekɛ biala mɔɔ me nwo kɛhyele me wɔ Tɛsalonaeka la.

Kɔlɔ 4:18

Medame Pɔɔlo, me sa anloa ɛne: Mebiza bɛ ahye. Bɛmmamaa bɛ rɛle fi kɛ mela kpanwu nu! Nyamenle ɛlo bɛ na ɔ nee bɛ ɛdɛnla.

2 Tɛs 3:17

Medame Pɔɔlo, me sa anloa ɛ. Mebiza bɛ ahye. Kɛ medwula me kɛlata biala mɔɔ menwɔhɛlɛ la ɛne; kɛ mekɛlɛ ye ala la ɛne.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:9

na ɛ nwo ɛhulolɛ ti, mebazɛlɛ wɔ. Mame a mele Pɔɔlo mɔɔ megyi Kelaese Gyisɛse agyakɛ anu, na kɛkala ɔlua ɔ ti mela efiade la, noko akee mebiza ɛhye.

Yekile 2:10

Mmasulo debie biala mɔɔ bɛbayɛ wɔ la. Tie, Abɔnsam ne bamaa bɛagua bɛ bie mɔ efiade, bɛazɔ bɛ bɛanlea, na bɛanwu amaneɛ dedee kenle bulu. Noko di nɔhalɛ maa me, bɔbɔ kɔdwu ewule nu, na mebabɔ wɔ ngoane abɔtile.