1 Tɛs 2:14 - BAEBOLO ANZƐƐ BULUKU NWUANZANWUANZA

¹⁴ Ayi mɔ, mɔɔ zile asɔnema mɔɔ le Kelaese ɛdeɛ la anwo zo wɔ Dwudiya la, yemɔ ala a zile bɛdabɛ noko bɛ nwo zo a. Bɛnwunle amaneɛ wɔ bɛdabɛ bɛ menli asa anu, kɛmɔ Dwuuma yɛle ala la.

1 Tɛs 2:14 ပူးပေါင်းရင်းမြစ်များ

Ɛzoanvolɛma Gyima ne 11:19

Sitivin ɛhunlɛ ne anzi, kpɔdekpɔde mɔɔ bɛyɛle diedima ne la manle bɛbɔle asande, bie mɔ hɔvindele Fonehyea, Saepelɛse nee Anteɔko bɛhɔhanle Edwɛkpa ne bɛhilele Dwuuma mɔɔ wɔ lɔ la ala.

Ɛzoanvolɛma Gyima ne 13:50

Na Dwuuma ne lile mgbanyima mɔɔ wɔ suakpole ne azo nee mraalɛ mgbanyinli mɔɔ gyi boɛ na bɛsulo Nyamenle na bɛnle Dwuuma la anzo. Bɛmanle bɛbɔle ɔ bo bɛyɛle Pɔɔlo nee Baanabase kpɔdekpɔde toonwo bɛdule bɛ maanzinli ne anu.

Ɛzoanvolɛma Gyima ne 14:19

Nzinlii Dwuuma bie vi Anteɔko mɔɔ wɔ Paesedea maanzinli nu nee Ayekoneɛm la rale, bɛralile menli ne anzo bɛhɔle bɛ afoa na bɛzile Pɔɔlo awolɛ bɛmanle ɔ nye zo bulule; bɛhwenle ye bɛhɔdole sua ne kandiba, ɛnee bɛdwenle kɛ yewu.

Ɛzoanvolɛma Gyima ne 14:2

Na Dwuuma bie mɔ mɔɔ anlie anli la lile wulale bɛdabɛ mɔɔ bɛnle Dwuuma la bie mɔ manle bɛvale diedima ne mɔ ɛkpɔlɛ.

Ɛzoanvolɛma Gyima ne 14:4

Na menli mɔɔ wɔ suakpole ne azo la anloa anzɛ bɛ nwo; foa ko hɔle Dwuuma anzi, yɛɛ foa ko hɔle ɛzoanvolɛma ne anzi.

Ɛzoanvolɛma Gyima ne 14:5

Nzinlii bɛdabɛ mɔɔ bɛnle Dwuuma la bie mɔ nee Dwuuma bɔle nu bɛ nee bɛ mgbanyima yɛle adwenle kɛ bɛkɔ ɛzoanvolɛma ne mɔ anwo zo bɛahɔzi bɛ awolɛ.

Ɛzoanvolɛma Gyima ne 17:13

Na mɔɔ Dwuuma mɔɔ wɔ Tɛsalonaeka la dele kɛ Pɔɔlo ɛhɔha Nyamenle edwɛkɛ ne wɔ Bɛlia la, bɛrale ɛkɛ ne na bɛrafutule menli ne mɔ ahonle.

Ɛzoanvolɛma Gyima ne 18:12

Na mɔɔ bɛvale Galeyo bɛyɛle Wulomu amɛnlado mɔɔ nea Giliki maanzinli ne azo la, Dwuuma ne mɔ yɛle ko na bɛhwenle Pɔɔlo bɛhɔle kɛ ɔli ye edwɛkɛ.

Ɛzoanvolɛma Gyima ne 8:1

Na Sɔɔlo liele ye ɛhunlɛ ne dole nu. Ɔvi kenle ko ne ala bɛbɔle ɔ bo kɛ bɛyɛ diedima mɔɔ wɔ Gyɛlusalɛm la kpɔdekpɔde. Yemɔti diedima ne amuala zandele; bie mɔ hɔle Dwudiya nee Samɛlea maanzinli ne mɔ anu, na ɔhale ɛzoanvolɛma ne ala.

Ɛzoanvolɛma Gyima ne 8:3

Na Sɔɔlo bɔle mɔdenle ala kɛ ɔkɛzɛkye Asɔne ne. Ɔwolowolole azua nu ɔhɔhwenle mraalɛ nee mrenya mɔɔ ɛzɔ diedi ne anu la na ɔvale bɛ ɔvindele ɔmanle bɛguale bɛ efiade.

Ɛzoanvolɛma Gyima ne 9:1

Mekɛ ne anu ɛnee Sɔɔlo lɛ ye kɔdiawu adwenle ne tɛgyegye Awulae ɛdoavolɛma ne. Ɔhɔle Sɛlɛvolɛ Kpanyinli ne ɛkɛ

Ɛzoanvolɛma Gyima ne 9:13

Ananayase zele kɛ, “Awulae, menli dɔɔnwo ɛha sonla ɛhye anwo edwɛkɛ nee debie mɔɔ yeva yehile wɔ menli ne mɔɔ wɔ Gyɛlusalɛm la ɛhile me.

Ɛzoanvolɛma Gyima ne 9:31

Ɔlua Sɔɔlo ɛhakyilɛ zo akee Asɔne ne mɔɔ wɔ Dwudiya, Galeli, yɛɛ Samɛlea la nyianle anzonudwolɛ na ɔnyinle. Na ɔlua Sunsum Nwuanzanwuanza ne moalɛ zo Asɔne ne nyianle anwosesebɛ, menli dɔɔnwo rale nu na bɛvale Nyamenlezulolɛ bɛluale.

1 Kɔl 10:32

Bɛbɔ bɛ ɛbɛla ne mɔɔ bɛndenda Dwuuma anzɛɛ bɛdabɛ mɔɔ bɛnle Dwuuma la nee Nyamenle menli ne agyakɛ anu a.

1 Kɔl 7:17

Awie biala ɛlua ahyɛlɛdeɛ mɔɔ Nyamenle ɛva ɛlo ye la azo ɛdɛnla kɛmɔ ɛnee ɔde mɔɔ Nyamenle vɛlɛle ye la. Ɛhye yɛɛ mehyehyɛ memaa asɔne ne mɔ amuala a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:22

Mekɛ ne anu ɛnee asɔnema mɔɔ wɔ Dwudiya la biala ɛnze me.

1 Tɛs 1:1

Kɛlata ɛhye vi Pɔɔlo, Saelase, yɛɛ Temɔte ɛkɛ. Yɛfa yɛahɔmaa Tɛsalonaeka asɔne ne anu amra mɔɔ le Nyamenle Selɛ ne nee Awulae Gyisɛse Kelaese ɛdeɛ la. Nyamenle ɛlo bɛ na ɔmaa bɛ anzonudwolɛ.

1 Tɛs 1:6

Bɛzukoale yɛ nee Awulae; yemɔti bɛnwunle amaneɛ dɔɔnwo, na bɛvale anyelielɛ ne mɔɔ vi Sunsum Nwuanzanwuanza ne anu ba la bɛliele nrɛlaleɛ ne.

1 Tɛs 3:4

Ɔluakɛ mɔɔ yɛwɔ bɛ nwo lɔ la yɛhanle yɛhilele bɛ kɛ bɛbahile yɛ nyane, yɛɛ mɔɔ ɛzi la ɛmaa bɛnwu mɔɔ yɛhanle la nɔhalɛ.

2 Tɛs 1:1

Kɛlata ɛhye vi Pɔɔlo, Saelase, yɛɛ Temɔte ɛkɛ. Yɛfa yɛahɔmaa Tɛsalonaeka asɔnema mɔɔ le yɛ Ze Nyamenle ne nee Awulae Gyisɛse Kelaese ɛdeɛ la.

2 Tɛs 1:4

Zɔhane ati yɛfa bɛ yɛpɛ Nyamenle menli mɔɔ ɛha la anye zo. Yɛfa bɛ diedi nu kpundii mɔɔ bɛgyi wɔ nyanenwunlɛ nee abodelɛ mɔɔ bɛlɛnwu ye la anu la yɛtu yɛ nloa anu kpole.