1 Tɛs 2:12 - BAEBOLO ANZƐƐ BULUKU NWUANZANWUANZA

¹² Yɛzile yɛ ahonle, yɛkyekyele bɛ rɛle, na yɛhɔle zolɛ yɛmanle bɛ anwosesebɛ kɛ bɛbɔ ɛbɛla mɔɔ fɛta Nyamenle ne mɔɔ fɛlɛ bɛ kɛ bɛrɛla ye anyunlunyia Belemgbunlililɛ ne anu la.

1 Tɛs 2:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 5:22

Ɛhye anzi Yinɔko dɛnlanle aze ɛvolɛ ɛya nsa, ɔwole mralɛ mrenya nee mraalɛ. Mekɛ ɛhye anu Yinɔko nee Nyamenle luale.

2 Edk 17:4

Ɔzonlenle ɔ ze mɔ Nyamenle ne na ɔlile ye mɛla ne mɔ azo. Yeanyɛ ye kɛmɔ Yizilayɛma yɛle la.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

Wulo 8:30

Yemɔti bɛdabɛ mɔɔ Nyamenle ɛkpa nu ɛye bɛ la yɛɛ ɔfɛlɛ bɛ na ɔdielie bɛ ɔmaa bɛsɔ ɔ nye, na ɔ nee bɛ tɛnla anyunlunyia nu a.

1 Kɔl 1:9

Bɛkola bɛfa bɛ rɛle bɛwula Nyamenle ne mɔɔ vɛlɛle bɛ kɛ bɛ nee ɔ Ra Gyisɛse Kelaese, yɛ Awulae ɛradila agɔnwolɛ la anu.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:16

Mɔɔ meka meahile bɛ la a le kɛ, bɛmaa Nyamenle Sunsum ne ɛhilehile bɛ adenle na bɛmmadi bɛ nwonane ne atiakunluwɔzo nzi.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:1

Zɔhane ati, mesɛlɛ bɛ, meze kɛ Awulae ɛzonlenlɛ ne ati mela efiade bɔbɔ ɛdeɛ, noko bɛbɔ ɛbɛla mɔɔ fɛta Nyamenle ɛvɛlɛlɛ ne mɔɔ yemɔti yevɛlɛ bɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:8

Dɛba ne ɛnee bɛwɔ awozinli nu, na ɛnɛ bɛyɛ Awulae menli; ɛhye ati bɛwɔ wienyi nu. Ɔwɔ kɛ bɛbɔ bɛ ɛbɛla kɛ menli mɔɔ wɔ wienyi nu la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:27

Bɛmaa bɛ ɛbɛlabɔlɛ wɔ menli nu ɛfɛta mɔɔ Kelaese anwo Edwɛkpa ne kilehile la, amaa saa meba bɛ nwo lɔ o, menle lɔ o, meade kɛ bɛlɛ koyɛlɛ nee adwenle ko bɛgyi kpundii kɛ menli mɔɔ wɔ afoa na bɛlɛko kɛ menli kɛzɔ diedi ne anu.

Kɔlɔ 1:10

bɛabɔ bɛ ɛbɛla ne bɛamaa yeafɛta Awulae, dahuu bɛayɛ mɔɔ ɔkulo la, na bɛ ɛbɛlabɔlɛ ne anwo ara nvasoɛ wɔ gyima kpalɛ biala mɔɔ bɛyɛ la anu, na bɛade Nyamenle edwɛkɛ ne abo kpalɛ.

Kɔlɔ 2:6

Kɛmɔ bɛlie Kelaese Gyisɛse bɛdo nu kɛ ɔle Awulae la, bɛ nee ye ɛdɛnla.

1 Tɛs 4:1

Awieleɛ ne, mediema, kɛmɔ bɛzukoale kɛ bɛkɛzi bɛkɛbɔ ɛbɛla kpalɛ mɔɔ sɔ Nyamenle anye la bɛvile yɛ ɛkɛ ne la, zɔhane ala yɛɛ bɛyɛ a. Na kɛkala yɛlua Awulae Gyisɛse duma nu yɛsɛlɛ bɛ kɛ bɛyɛ ye molozo.

1 Tɛs 4:12

Saa bɛyɛ ye zɔhane na bɛanva bɛ rɛle bɛanzɔ awie a, bɛdabɛ mɔɔ bɛwɔ amozi na bɛnle diedima la kɛbu bɛ bie.

1 Tɛs 5:24

Bɛkola bɛfa bɛ rɛle bɛwula Nyamenle ne mɔɔ fɛlɛ bɛ la anu, ɔluakɛ ɔkola ɔyɛ.

2 Tɛs 1:10

Ɛhye bazi mekɛ mɔɔ Kenle ne kɛdwu na Kelaese kɛra kɛ ɔbalie ye anyunlunyia nee enililɛ yeavi ye menli ne nee bɛdabɛ mɔɔ bɛdie ye bɛdi la ɛkɛ ne la. Bɛdabɛ noko bɛbaboka Nyamenle menli ne anwo, ɔboalekɛ bɛlie ye edwɛkɛ ne mɔɔ yɛhanle yɛhilele bɛ la bɛli.

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

1 Pit 3:9

Bɛmmafa ɛtane bɛtua ɛtane kakɛ anzɛɛ bɛmmafa butule bɛyia butule. Bɛva nyilalɛ nee kosoɛ ɛyɛlɛ bɛdua ɛtane kakɛ, ɔluakɛ ɛhye ati yɛɛ Nyamenle vɛlɛle bɛ a, amaa bɛanyia nyilalɛ.

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

2 Pit 1:3

Nyamenle tumi kpole ne ɛmaa yɛ debie biala mɔɔ yɛhyia nwo wɔ yɛ ɛbɛla kpalɛ ɛbɔlɛ nee yɛ nyamenlezonlenlɛ nu la, ɔluakɛ yɛze mɔɔ ɛvɛlɛ yɛ kɛ yɛ nee ye ɛradɛnla ye anyunlunyia ne nee ye kpalɛyɛlɛ ne anu la.

1 Dw 2:6

Ɔwɔ kɛ awie biala mɔɔ nee Nyamenle le agɔnwolɛ la bɔ ye ɛbɛla kɛ Kelaese ɛdeɛ ne la.

3 Dw 1:6

Bɛhanvo ɛhulolɛ ne mɔɔ ɛlɛ ye la bɛhile asɔnema mɔɔ wɔ ɛke la. Mebodo wɔ, bɔ mɔdenle nea na gua bɛ adenle gyɛlɛɛnye, kɛmɔ ɛnea a ɔkɛzɔ Nyamenle anye la.