1 Tɛs 2:10 - BAEBOLO ANZƐƐ BULUKU NWUANZANWUANZA

¹⁰ Bɛ nee Nyamenle bɛdi yɛ daselɛ kɛ yɛ subane mɔɔ yɛhilele yɛhilele bɛdabɛ mɔɔ bɛliele bɛlile la le bɔkɔbɔkɔ, ɔle fɔɔnwo mɔɔ evinli biala ɛnle nwo a.

1 Tɛs 2:10 ပူးပေါင်းရင်းမြစ်များ

Gyɛlɛmaya Buluku ne 18:20

Asoo bɛfa ɛtane bɛtua kpalɛ kakɛ? Noko menli ne ɛvu me nwo kuma. Kakye kɛ menzile membale ɛ nyunlu membamkpale bɛ ti kyɛlɛ kɛ ɛye wɔ ɛya ne bɛ nwo zo la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:15

Mosisi vale ɛya kpole na ɔhanle ɔhilele Ɛdɛnkɛma kɛ, “Mmadie azubɔdeɛ biala mɔɔ menli ɛhye mɔ kɛva kɛra la. Metɛfonle bɛ nuhua biala, yɛɛ metɛfale bɛ asoaso ne mɔ ko bɔbɔ.”

Edwɛkpa ne kɛmɔ Luku hɛlɛle la 23:41

Na yɛmɛ yɛ ɛdeɛ ne le fɔɔnwo, ɔboalekɛ mɔɔ yɛyɛ la yɛɛ bɛlɛtua yɛ nwolɛ kakɛ a; na yemɔ, ɔtɛyɛle ɛtane biala.”

Ɛzoanvolɛma Gyima ne 20:18

Bɛrale la ɔzele bɛ kɛ, “Bɛdabɛ bɛnwu kɛ mezi mebɔ me ɛbɛla, ɔvi kenle mɔɔ membandwule Ehyea maanle ye anu toonwo mɔɔ ɛradwu ɛnɛ la.

Ɛzoanvolɛma Gyima ne 20:26

Ɛhye ati memaa bɛade ɔ bo wienyi ɛnɛ kenle ye kɛ saa bɛ nuhua biala minli a, menli nwolɛ ɛzonle.

Ɛzoanvolɛma Gyima ne 24:16

Ɛhye ati yɛɛ mebɔ mɔdenle kɛ menwɔnyia adwenle mɔɔ nuhua te la wɔ Nyamenle nee menli nyunlu a.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

2 Kɔl 11:11

Duzu ati a melɛka ɛhye a? Mengulo bɛ edwɛkɛ ɔ? Nyamenle ze kɛ mekulo bɛ.

2 Kɔl 11:31

Nyamenle mɔɔ le Awulae Gyisɛse ɔ Ze ne, yemɔ yɛɛ nyilalɛ ɛha ye duma ne dahuu a, ɔluakɛ ɔze kɛ membɔ adalɛ.

2 Kɔl 4:2

Yɛkpo awozinli nu nee anyiemgba nyɛleɛ muala; yɛmbɔ alane ɛbɛla, yɛɛ yɛmbɔ adalɛ wɔ Nyamenle edwɛkɛ ne ɛhanlɛ nu yɛngakyi ye. Yɛlua nɔhalɛ wienyi ne anu yɛbɔ yɛ ɛbɛla wɔ Nyamenle anyunlu kɛ awie biala kɛnyia yɛ nwo adwenle kpalɛ.

2 Kɔl 5:11

Kɛmɔ yɛze kɛ Nyamenlezulolɛ si de la ati, yɛbɔ mɔdenle kɛ yɛkɛmaa menli kɛzulo Nyamenle; na kɛ yɛmɛ yɛde la, Nyamenle ɔdaye ɔze, yɛɛ meze kɛ bɛdabɛ bɛze ye wɔ bɛ adwenle nu.

2 Kɔl 7:2

Bɛbuke bɛ munli nu bɛmaa yɛ; yɛtɛyɛle awie biala ɛtane, yɛtɛsɛkyele awie biala, yɛɛ yɛtɛdile awie biala amile.

1 Tɛs 1:5

Ɔluakɛ yɛanva yɛ nloa mgbane a yɛvale Edwɛkpa ne yɛrɛlɛle bɛ a, yɛvale tumi nee Sunsum Nwuanzanwuanza ne nee ye nɔhalɛ ne anwo adwenle mɔɔ si pi la a yɛrale a. Bɛdabɛ bɛze kɛ yɛzile yɛbɔle yɛ ɛbɛla wɔ mekɛ mɔɔ yɛ nee bɛ de la; yɛyɛle ɛhye wɔ bɛdabɛ bɛ kpalɛ ti.

1 Tɛs 2:5

Bɛdabɛ bɛze ye wienyi kɛ yɛanva huhudi ɛdendɛlɛ kɛnlɛma yɛangeda anyebolo zo, Nyamenle di yɛ daselɛ wɔ ɛhye anwo.

2 Tɛs 3:7

Bɛdabɛ bɛze kɛ ɔwɔ kɛ bɛyɛ kɛ mɔɔ yɛyɛle la. Yɛanyɛ mgbovonle wɔ mekɛ mɔɔ yɛ nee bɛ de la.

1 Tem 4:12

Mmamaa awie bu wɔ kakula; maa wɔ ɛdendɛlɛ nee wɔ nyɛleɛ, wɔ ɛhulolɛ, wɔ diedi nee wɔ anwondelɛ ɛyɛ ndonwo ɛmaa diedima ne amuala.

2 Tem 3:10

Na wɔmɔ, wɔli me ngilehilelɛ, me nyɛleɛ nee me ɛbɛlabɔlɛ nu bodane ne anzi; wɔnwu me diedi, me abotane, me ɛhulolɛ, nee me kpundii mɔɔ megyi,

1 Pit 5:3

Bɛmmapele kɛ bɛkile bɛ tumi wɔ menli mɔɔ bɛva bɛ bɛwula bɛ bo la anwo zo, na bɛpɛ kilemunli kpalɛ bɛmaa mboane ne ɛlua zo,