1 Tɛs 2:1 - BAEBOLO ANZƐƐ BULUKU NWUANZANWUANZA

¹ Mediema, bɛdabɛ bɛnwu kɛ yɛ ɛralɛ mɔɔ yɛrale bɛ nwo lɔ la anyɛ mgbane.

1 Tɛs 2:1 ပူးပေါင်းရင်းမြစ်များ

Dwobu Buluku ne 39:16

Ɔ nee ɔ mra di ye ketekete, kɛ asɛɛ tɛ ɔ mra ɔ; kanza ye ɛvɛlɛ yɛ mgbane bɔbɔ a, ɔnvane ɔ nwo;

Edwɛndolɛ Buluku ne 127:1

Saa Ɛdɛnkɛma ɔdaye yeanzi sua ne a, bɛdabɛ mɔɔ bɛsi la fɛ mgbane. Saa Ɛdɛnkɛma ɔdaye yeanzinza suakpole ne a, sinzavolɛma solo nafelɛ mgbane.

Edwɛndolɛ Buluku ne 73:13

Meyɛ me ahonle nu bɔkɔbɔkɔ mgbane, menrinzi me sa anwo kɛ menze nwolɛ bie mgbane.

Ayezaya Buluku ne 49:4

Na menganle kɛ, “Medame, mevɛ mgbane, mezɛkye me anwosesebɛ mgbane, mɔɔ nvasoɛ biala ɛnle zolɛ a.” Noko me anwosesebɛ wɔ Ɛdɛnkɛma ɛkɛ, yɛɛ me ahatualɛ wɔ me Nyamenle ne ɛkɛ.

Ayezaya Buluku ne 65:23

Bɛnrɛvɛ ɛvɛlɛ mgbane, anzɛɛ bɛnrɛwo mralɛ bɛnrɛmaa munzule ɛnrɛzi bɛ nwo zo, ɔluakɛ bɛbayɛ Ɛdɛnkɛma menli ne mɔɔ yeyila bɛ la amra. Bɛ bo zo amra noko banyia nyilalɛ ne bie.

Habakɛke Buluku ne 2:13

Bɛnlea, asoo tɛ Tumivolɛ Ɛdɛnkɛma a maa adenle maa menli yɛ gyima maa senle sɛkye ye, na maanle maanle fonla bɛ nwo yɛ gyima mɔɔ nvasoɛ biala ɛnle zolɛ la?

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

1 Kɔl 15:2

Saa bɛsɔ nu ɛsesebɛ a bɛkɛnyia ngoane mɔɔ ɛnlɛ awieleɛ; kyesɛ bɛanlie bɛanli.

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:2

Mengɔle, ɔluakɛ ɛnee Nyamenle ɛye ɛhile me kɛ ɔwɔ kɛ mekɔ. Mengɔndwule la me nee mgbanyima ne mɔ yiale nu ahane na mengilehilele Edwɛkpa ne mɔɔ mebɔ ye nolo mekile bɛdabɛ mɔɔ bɛnle Dwuuma la anu mengilele bɛ, amaa gyima ɛhye mɔɔ melɛyɛ nee mɔɔ meyɛ ye dɛba la anyɛ gyɛne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:11

Ɔyɛ me kɛ bɛmaa mevɛ mgbane!

Pɔɔlo Kɛlata mɔɔ ɔhɛlɛle ɔhɔmanle Felepaema la 2:16

na bɛzɔ ngoane edwɛkɛ ne anu boɛ, amaa Kenle mɔɔ Kelaese kɛra la meanyia bie meadu me nwo kɛ meanzu ɛnriandilɛ ne mgbane anzɛɛ meanyɛ me gyima ne mgbane.

1 Tɛs 2:13

Debie bieko mɔɔ yemɔti dahuu yɛyɛ Nyamenle mo la a le kɛ, mɔɔ yɛvale Nyamenle nrɛlaleɛ ne yɛrɛlɛle bɛ la, bɛdiele na bɛzɔle nu kɛ ɔnle edwɛkɛ mɔɔ vi sonla ɛkɛ a, na ɔvi Nyamenle ɛkɛ, yɛɛ ɔle zɔhane noko. Ɔluakɛ Nyamenle ɛlɛyɛ ye gyima wɔ bɛdabɛ mɔɔ bɛdie bɛdi la anu.

1 Tɛs 3:5

Ɛnee akee mengola ye me kunlu di bieko, ɛhye ati menzoanle Temɔte kɛ ɔranlea kɛ bɛ diedi ne si gyi la. Ɔnrɛyɛ nɔhalɛ kɛ Abɔnsam kɛhola kɛzɔ bɛ muala kɛnlea dedee kɛmaa yɛ gyima mɔɔ yɛyɛle la amuala kɛyɛ mgbane!

2 Tɛs 1:10

Ɛhye bazi mekɛ mɔɔ Kenle ne kɛdwu na Kelaese kɛra kɛ ɔbalie ye anyunlunyia nee enililɛ yeavi ye menli ne nee bɛdabɛ mɔɔ bɛdie ye bɛdi la ɛkɛ ne la. Bɛdabɛ noko bɛbaboka Nyamenle menli ne anwo, ɔboalekɛ bɛlie ye edwɛkɛ ne mɔɔ yɛhanle yɛhilele bɛ la bɛli.

2 Tɛs 3:1

Mediema, edwɛkɛ mɔɔ li amozi la a le kɛ, bɛzɛlɛ bɛmaa yɛ kɛ Awulae edwɛkɛ ne kɛdɛlɛ ndɛndɛ na ɔkɛli konim, kɛmɔ ɔyɛle ye wɔ bɛ nu la.