1 Tɛs 1:9 - BAEBOLO ANZƐƐ BULUKU NWUANZANWUANZA

⁹ Menli zɔhane mɔ ka kɛ bɛzile bɛliele yɛ wɔ mekɛ mɔɔ yɛrale bɛ nwo lɔ la. Bɛka kɛ bɛzile bɛhwenle bɛ nwo bɛvile bɛ mmonle ngakyile ne mɔ anwo, bɛhɔle Nyamenle ɛkɛ na bɛzonlenle nɔhalɛ nee tease Nyamenle ne la.

1 Tɛs 1:9 ပူးပေါင်းရင်းမြစ်များ

Edwɛndolɛ Buluku ne 42:2

Nyamenle anwo nzuhɔne ku me ɛkɛla, tease Nyamenle ne anwo nzuhɔne ku me. Kenlenzu yɛɛ mebara mearanwu Nyamenle anyunlu a?

Edwɛndolɛ Buluku ne 84:2

Me kunlu a anrɛɛ mewɔ ɛkɛ, me nwo dɔ Ɛdɛnkɛma Ɛzonlenlɛ Sua ne anu. Me ahonle nee me nwonane to edwɛne anyelielɛ nu maa tease Nyamenle ne.

Ayezaya Buluku ne 37:17

O Ɛdɛnkɛma, yɛ ɛnzonlɛ na tie; O Ɛdɛnkɛma, buke ɛ nye nea na tie edwɛkɛ mɔɔ Sɛnakɛlebe ɛva ɛzoa kɛ bɛva bɛrabɔ tease Nyamenle ne aholoba la.

Ayezaya Buluku ne 37:4

Aselea belemgbunli ne ɛzoa ye Safohyenlema Kpanyinli ne yemaa yerabɔ tease Nyamenle ne aholoba. Medie medi kɛ Ɛdɛnkɛma wɔ Nyamenle ne dele mɔɔ ɔhanle la, na ɔbadea menli mɔɔ hanle la. Yemɔti sɛlɛ Ɛdɛnkɛma maa ye menli ekyi ne mɔɔ ɛha la!’ ”

Gyɛlɛmaya Buluku ne 10:10

Na wɔmɔ Ɛdɛnkɛma, ɛle nɔhalɛ Nyamenle; wɔmɔ a ɛle tease Nyamenle nee Damɛnlangoate Belemgbunli ne a. Saa ɔfa ɛya a azɛlɛ kpusu. Maanle maanle ɛngola ye ɛya nloa gyinla.

Gyɛlɛmaya Buluku ne 16:19

O Ɛdɛnkɛma, ɛle me anwosesebɛ nee me aranemgbole, me ɛvealeka wɔ me anwongyelelɛ mekɛ nu. Maanle maanle vi maanle ti nee maanle bo bariandi araze wɔ kɛ, “Yɛ ze mɔ annyia agyadeɛ kpaziwɔkɛ biala kɛ adalɛ nee ninyɛne mgbane mgbane mɔɔ nvasoɛ ɛnle zolɛ la ala.

Daneɛle Buluku ne 6:26

Memaa bɛade kɛ meli mɛla kɛ awie biala mɔɔ wɔ me maanle ye anu la ɛzonle na ɔzulo Daneɛle Nyamenle ne. “Ɔluakɛ ɔle Tease Nyamenle, ɔwɔ ɛkɛ ne dahuu; na ɔbali belemgbunli dahuu.

Hozia Buluku ne 1:10

Yizilayɛma bazo kɛ ɛnweazo anwea mɔɔ bɛngola bɛnzuzu anzɛɛ bɛngola bɛndia la, na ɛleka ne mɔɔ bɛzele bɛ kɛ, “Bɛnle me menli” la, ɛkɛ ne a bɛbaha bɛahile bɛ kɛ, “Bɛle tease Nyamenle ne amra” a,

Zɛfanaya Buluku ne 2:11

Ɛdɛnkɛma nee bɛ bali ye ɛsesebɛ. Ɔbazɛkye azɛlɛ ye azo awozonle ne mɔ amuala, na maanle maanle kɔsɔɔti bazonle ye wɔ bɛ azɛlɛ ne mɔ azo.

Malakae Buluku ne 1:11

Me duma le kpole wɔ maanle maanle avinli ɔvi sɛnzɛne aduduleɛ kɔdwu adɔleɛ. Ɛleka biala bɛkpu ɛyɛlɛ evuanlɛ na bɛfa azubɔdeɛ mɔɔ anwo te la bɛmaa me, ɔluakɛ me duma ne le kpole wɔ maanle maanle avinli.

Edwɛkpa ne kɛmɔ Mateyu hɛlɛle la 16:16

Saemɔn Pita buale kɛ, “Wɔmɔ a ɛle Kelaese ne, mɔɔ le tease Nyamenle ne Ara ne.”

Ɛzoanvolɛma Gyima ne 14:15

“Ayi mɔ, duzu ati a bɛlɛyɛ ɛhye mɔ ɛ? Yɛdayɛ noko yɛle menli kɛ bɛdabɛ la. Yɛrale kɛ yɛbabɔ Edwɛkpa ne nolo yeahile bɛ, amaa bɛahwe bɛ nwo bɛavi ninyɛne mgbane mgbane ɛhye mɔ mɔɔ anwo ɛnlɛ nvasoɛ la anwo, na bɛazonle tease Nyamenle ne mɔɔ bɔle anwuma, azɛlɛ, nyevile nee mɔɔ wɔ nuhua la amuala la.

Wulo 9:26

Na ɛleka mɔɔ bɛwɔ a bɛzele bɛ kɛ, ‘Bɛnle me menli’ la, ɛkɛ ne ko ne ala yɛɛ bɛbavɛlɛ bɛ tease Nyamenle ne amra a.”

1 Kɔl 12:2

Bɛze kɛ mekɛ mɔɔ ɛnee bɛnze Nyamenle la, awie mɔ vale adenle bie azo manle bɛzɔle mmonle mɔɔ ɛndendɛ la.

Mɛla 5:26

Ɔluakɛ dasanli boni yɛɛ ɛde Nyamenle ane kɛ ɔlɛtendɛ yeavi senle nu na ɔtɛte ngoane nu kɛ yɛdayɛ a?

1 Tɛs 2:1

Mediema, bɛdabɛ bɛnwu kɛ yɛ ɛralɛ mɔɔ yɛrale bɛ nwo lɔ la anyɛ mgbane.

1 Tɛs 2:13

Debie bieko mɔɔ yemɔti dahuu yɛyɛ Nyamenle mo la a le kɛ, mɔɔ yɛvale Nyamenle nrɛlaleɛ ne yɛrɛlɛle bɛ la, bɛdiele na bɛzɔle nu kɛ ɔnle edwɛkɛ mɔɔ vi sonla ɛkɛ a, na ɔvi Nyamenle ɛkɛ, yɛɛ ɔle zɔhane noko. Ɔluakɛ Nyamenle ɛlɛyɛ ye gyima wɔ bɛdabɛ mɔɔ bɛdie bɛdi la anu.

1 Tem 4:10

Ɛhye ati yɛɛ yɛpele yɛyɛ gyima ɛsesebɛ a, ɔluakɛ yɛva yɛ nye yɛdo tease Nyamenle ne anwo zo. Yemɔ yɛɛ ɔle menli kɔsɔɔti bɛ Ngoanedievolɛ a, bɔbɔ bɛdabɛ mɔɔ bɛdie bɛdi la.

Kɛlata mɔɔ bɛhɛlɛle bɛhɔmanle Hibuluma la 12:22

Na bɛmɛ bɛra Boka Zayɔn, wɔ tease Nyamenle ne suakpole ne mɔɔ le anwuma lɔ Gyɛlusalɛm ne, mɔɔ Nyamenle soanvolɛma apenle apenle mɔɔ bɛnze bɛ nloa la ɛyi ye tɛkɛɛ la azo.

Dwɔhyua Buluku ne 3:10

Akee bɛbanwu kɛ tease Nyamenle ne nee bɛ a lua a, ɔluakɛ ɔbavoa Keenama, Hɛtema, Haevaema, Pɛlɛzema, Gɛgahyema, Amɔlema, yɛɛ Gyibɛsema na yeamaa bɛali bɛ nwo zo konim.

1 Dw 5:21

Me mra ngakula, bɛhwe bɛ nwo bɛvi awozonle ɛzonlenlɛ nwo.

Yekile 17:2

Ewiade arelemgbunli zukoale ye, nee ye bɔle adwɔmane ɛbɛla, na menli mɔɔ wɔ ewiade la amuala ɛyɛ mgbane kɛ bɛ nee ye ɛbɔ ye adwɔmane ɛbɛla ne a.”

1 Sam 17:26

Devidi bizale menli mɔɔ gyigyi ɔ nwo ɛkɛ ne la kɛ, “Duzu ahyɛlɛdeɛ a sonla mɔɔ kɛhu Filisitianli ye na ɔkɛlie Yizilayɛma ɔkɛvi anyiemgba ɛhye anu la banyia a? Ɔluakɛ, Filisitianli ɛhye mɔɔ ɛnze Nyamenle la a le nwane, mɔɔ ɔdaye bɔbɔ ɔwɔ kɛ ɔko ɔtia tease Nyamenle ne ɛlɔnema a?”

1 Sam 17:36

Wɔ sonvolɛ ɛhu awenade nee bedi mɔ, na Filisitianli ɛhye mɔɔ ɛnze Nyamenle la bawu kɛ awenade anzɛɛ bedi ne mɔ ko ala la, ɔluakɛ yeanli tease Nyamenle ne ɛlɔnema ne eni.