1 Tɛs 1:5 - BAEBOLO ANZƐƐ BULUKU NWUANZANWUANZA

⁵ Ɔluakɛ yɛanva yɛ nloa mgbane a yɛvale Edwɛkpa ne yɛrɛlɛle bɛ a, yɛvale tumi nee Sunsum Nwuanzanwuanza ne nee ye nɔhalɛ ne anwo adwenle mɔɔ si pi la a yɛrale a. Bɛdabɛ bɛze kɛ yɛzile yɛbɔle yɛ ɛbɛla wɔ mekɛ mɔɔ yɛ nee bɛ de la; yɛyɛle ɛhye wɔ bɛdabɛ bɛ kpalɛ ti.

1 Tɛs 1:5 ပူးပေါင်းရင်းမြစ်များ

Ayezaya Buluku ne 55:11

zɔhane ala yɛɛ edwɛkɛ mɔɔ vi me nloa anu kɛvinde la ɛnrɛzia ɛnrɛra me nwo ɛke mgbane a. Ɔbayɛ mɔɔ medwenle nwo kɛ ɔrayɛ la, na yeakpazi mɔɔ menzoanle ye nwolɛ la ɛyɛlɛ nu.

Edwɛkpa ne kɛmɔ Maake hɛlɛle la 16:20

Ɛdoavolɛma ne ziale hɔle na bɛhɔbɔle Edwɛkpa ne nolo wɔ ɛleka biala, na Awulae boale bɛ na ɔmanle bɛ sa anloa gyima hilele kɛ bɛ nolobɔlɛ ne le nɔhalɛ.]

Edwɛkpa ne kɛmɔ Luku hɛlɛle la 1:1

Nana Tiyɔfelɛse. Menli dɔɔnwo ɛbɔ mɔdenle ɛhɛlɛ ninyɛne mɔɔ ɛsisi yɛ nwo ɛke la anwo bie.

Ɛzoanvolɛma Gyima ne 11:21

Awulae lile bɛ nzi manle menli dɔɔnwo liele lile na bɛhakyile bɛrale Awulae ɛkɛ.

Ɛzoanvolɛma Gyima ne 16:14

Mraalɛ mɔɔ diele yɛ edwɛkɛ ne la ko a le Ledea mɔɔ vi Tayataela na ɔtɔnedɔne arelemgbunli ndanlɛ la. Ɔle raalɛ mɔɔ Nyamenlezonlenlɛ wɔ ye nu a. Na Awulae bukele ye adwenle nu manle ɔdiele mɔɔ Pɔɔlo ɛlɛka la kpalɛ.

Ɛzoanvolɛma Gyima ne 2:33

Bɛmaa ye zo bɛzie Nyamenle asa fema zo, na yenyia Sunsum Nwuanzanwuanza ne, kɛmɔ ɔze vale bɔle ye ɛwɔkɛ la; na mɔɔ bɛnwu ye nee mɔɔ kɛkala bɛte la a le ye ahyɛlɛdeɛ mɔɔ yeva yemaa yɛ la a.

Wulo 1:16

Menze Edwɛkpa ne anwo nyiane. Ɔle Nyamenle tumi mɔɔ ɔfa ɔdie bɛdabɛ mɔɔ bɛdie bɛdi la amuala a, mɔɔ lumua la a le bɛdabɛ Dwuuma yɛɛ akee bɛdabɛ noko mɔɔ bɛnle Dwuuma la.

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 2:16

kɛmɔ Edwɛkpa ne mɔɔ mebɔ ye nolo la kile la. Na yemɔ a le kɛ, Nyamenle dua Gyisɛse Kelaese anwo zo bua menli kɔsɔɔti ndɛne wɔ adwenle biala mɔɔ bɛfa ye fealera nu la anwo.

1 Kɔl 1:24

na bɛdabɛ mɔɔ Nyamenle ɛvɛlɛ bɛ la, Dwuuma o, bɛdabɛ mɔɔ bɛnle Dwuuma la o, Kelaese a le Nyamenle tumi ne yɛɛ ɔdaye ko ne ala a ɔle Nyamenle nrɛlɛbɛ ne a.

1 Kɔl 10:33

Bɛyɛ ye kɛmɔ meyɛ ye ala la. Mendwenle me ngome me kpalɛyɛlɛ nwo; mebɔ mɔdenle kɛ menwɔyɛ mɔɔ le kpalɛ maa awie biala la, amaa bɛalie bɛ ngoane.

1 Kɔl 3:16

Bɛnze kɛ bɛle Nyamenle Ɛzonlenlɛ Sua na Nyamenle Sunsum ne de bɛ nu ɔ?

1 Kɔl 3:6

Menluale ma ne yɛɛ Apɔlɔso guguale zolɛ nzule, na Nyamenle a manle ɔnyinle a.

1 Kɔl 4:20

Ɔluakɛ Nyamenle Belemgbunlililɛ ne ɛngyi ɛdendɛlɛ zo, ɔgyi tumi zo.

1 Kɔl 9:14

Zɔhane ala yɛɛ Awulae ɛhyehyɛ ɛdo ɛkɛ ne kɛ ɔwɔ kɛ bɛdabɛ mɔɔ bɛbɔ Edwɛkpa ne nolo la nyia bɛ aleɛ fi bɛ gyima nu a.

2 Kɔl 3:6

yemɔ yɛɛ yeyɛ yɛ Ngyekyeleɛ Fofolɛ ne sonvolɛma a. Ngyekyeleɛ Fofolɛ ɛhye ɛnle mɛla mɔɔ bɛhɛlɛle a, ɔle Nyamenle Sunsum. Mɛla ne mɔɔ bɛhɛlɛle la fa ewule ba, na Nyamenle Sunsum ne maa ngoane mɔɔ ɛnlɛ awieleɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:2

Mengɔle, ɔluakɛ ɛnee Nyamenle ɛye ɛhile me kɛ ɔwɔ kɛ mekɔ. Mengɔndwule la me nee mgbanyima ne mɔ yiale nu ahane na mengilehilele Edwɛkpa ne mɔɔ mebɔ ye nolo mekile bɛdabɛ mɔɔ bɛnle Dwuuma la anu mengilele bɛ, amaa gyima ɛhye mɔɔ melɛyɛ nee mɔɔ meyɛ ye dɛba la anyɛ gyɛne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:5

Yɛmɛ, ɔlua Nyamenle Sunsum ne azo, kɛmɔ yɛdie Kelaese Gyisɛse yɛdi la ati, yɛ nye la kɛ Nyamenle ɔdaye ɔbamaa yɛazɔ ɔ nye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:10

Yɛle Nyamenle asa anloa gyima, yɛɛ yelua yɛ nee Kelaese Gyisɛse yɛ koyɛlɛ ne azo yebɔ yɛ yemaa ɛbɛla kpalɛ ne mɔɔ ɔhyehyɛle ɔdole yɛ ɛkɛ ne dɛba kɛ yɛbɔ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:20

Anyunlunyia ɛlua asɔne ne nee Kelaese Gyisɛse anwo zo ɛha Nyamenle mɔɔ dua tumi ne mɔɔ yɛ gyima yɛ nu la azo maa ɔbo mɔɔ yɛbiza nee mɔɔ yɛdwenle nwo la azo la, wɔ ɛnɛ nee mekɛ mɔɔ ɛnlɛ awieleɛ! Amen.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:13

ɔluakɛ Nyamenle ɛlɛdi gyima wɔ bɛ nu dahuu, amaa bɛanyia ɛhulolɛ na bɛahola bɛayɛ mɔɔ ɔkpondɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:9

Bɛyɛ ninyɛne mɔɔ bɛzukoa na bɛlie bɛdo nu bɛvi me ɛdendɛlɛ nee me nyɛleɛ nu la, na Nyamenle ne mɔɔ maa yɛ anzonudwolɛ la nee bɛ badɛnla.

Kɔlɔ 2:2

Meka ɛhye meamaa bɛ akɛnrazilɛ na bɛali ahua wɔ ɛhulolɛ nu, amaa bɛanyia diedi nu anwonyia ne mɔɔ ndelebɛbo kpalɛ fa maa la. Zɛhae adenle zo yɛɛ bɛlua a bɛkɛnwu deɛ ne mɔɔ Nyamenle ɛva ɛvea la a; deɛ ne mɔɔ Nyamenle ɛva ɛvea la a le Kelaese ɔdaye mumua ne.

1 Tɛs 2:13

Debie bieko mɔɔ yemɔti dahuu yɛyɛ Nyamenle mo la a le kɛ, mɔɔ yɛvale Nyamenle nrɛlaleɛ ne yɛrɛlɛle bɛ la, bɛdiele na bɛzɔle nu kɛ ɔnle edwɛkɛ mɔɔ vi sonla ɛkɛ a, na ɔvi Nyamenle ɛkɛ, yɛɛ ɔle zɔhane noko. Ɔluakɛ Nyamenle ɛlɛyɛ ye gyima wɔ bɛdabɛ mɔɔ bɛdie bɛdi la anu.

2 Tɛs 2:14

Nyamenle luale Edwɛkpa ne mɔɔ yɛhanle yɛhilele bɛ la azo a vɛlɛle bɛ a, amaa bɛanyia Awulae Gyisɛse Kelaese anyunlunyia ne bie.

2 Tem 2:10

Ɛhye ati medi debie biala me kunlu wɔ Nyamenle menli ne mɔɔ yekpa nu yeye bɛ la ati, amaa bɛdabɛ noko Kelaese Gyisɛse ati bɛanyia ngoanelielɛ ne nee anyunlunyia ne mɔɔ ɛnlɛ awieleɛ la bie.

2 Tem 2:8

Kakye Gyisɛse Kelaese, kakye ye ewudwazo ne na kakye kɛ ɔle Devidi anlɔnra. Edwɛkpa ne mɔɔ mebɔ ye nolo la ɛne.

Kɛlata mɔɔ bɛhɛlɛle bɛhɔmanle Hibuluma la 10:22

bɛmaa yɛva ahonle kpalɛ nee diedi mɔɔ si pi, ahonle mɔɔ bɛde nwolɛ bɛvi adwenle nu fɔlɛlilɛ nwo, nee sonlabaka mɔɔ bɛva nzule anye komikomi bɛbia ye la yɛhwe yɛbikye Nyamenle.

Kɛlata mɔɔ bɛhɛlɛle bɛhɔmanle Hibuluma la 6:11

Yɛ kunlu a anrɛɛ bɛ nuhua ko biala bagyinla kpundii ahɔ awieleɛ, amaa mɔɔ bɛ nye la zolɛ la bɛ sa aha ye.

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.

1 Pit 5:3

Bɛmmapele kɛ bɛkile bɛ tumi wɔ menli mɔɔ bɛva bɛ bɛwula bɛ bo la anwo zo, na bɛpɛ kilemunli kpalɛ bɛmaa mboane ne ɛlua zo,

2 Pit 1:10

Zɔhane ati, mediema, bɛbɔ mɔdenle kpalɛ kpalɛ kɛ bɛkɛmaa Nyamenle ɛvɛlɛlɛ mɔɔ yevɛlɛ bɛ nee ɛkpalɛ mɔɔ yekpa nu yeye bɛ la kɛgyinla bɛ nyunlu dahuu. Saa bɛyɛ ye zɔhane a bɛnrɛdɔ aze ɛlɛ.

2 Pit 1:19

Ɛhye maa yɛ adwenle si pi kpalɛ wɔ edwɛkɛ mɔɔ Nyamenle Kpɔmanvolɛma hanle la anwo. Ɔhyia kɛ bɛkɛdie ye boɛ, ɔluakɛ ɔle kɛ kɛnlaneɛ mɔɔ ɛlɛta ɛleka mɔɔ le awozinli la, kɔkpula kɛ Alehyenlɛ ne kɛra na aleɛbahye edole ne kɛdu bɛ ahonle ne mɔ anu.