1 Tɛs 1:10 - BAEBOLO ANZƐƐ BULUKU NWUANZANWUANZA

¹⁰ Bɛkile kɛ kɛkala bɛlɛkendɛ ɔ Ra Gyisɛse kɛ ɔvi anwuma ɔbara. Yemɔ yɛɛ Nyamenle dwazole ye vile ewule nu, na ɔdie yɛ ɔfi Nyamenle ɛya kpole ne mɔɔ bara la anu a.

1 Tɛs 1:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:18

“O Ɛdɛnkɛma, melɛkendɛ wɔ ngoanelielɛ ne.

Edwɛkpa ne kɛmɔ Mateyu hɛlɛle la 1:21

Ɔbawo ralɛ nrenya na wɔado ye duma Gyisɛse, ɔboalekɛ ɔbalie ye menli ne yeavi bɛ ɛtane nu.”

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Mateyu hɛlɛle la 16:28

Bɛhakye ɛhye, menli bie gyigyi bɛ avinli ɛke mɔɔ bɛnrɛwu na bɛanwu Sonla Ra ne kɛ yera kɛ Belemgbunli la.”

Edwɛkpa ne kɛmɔ Mateyu hɛlɛle la 3:7

Dwɔn nwunle kɛ menli dɔɔnwo vi Falasiima nee Sadusiima fane ne mɔ anu ɛlɛba bɛamaa bɛazɔne bɛ la, ɔzele bɛ kɛ, “Bɛmɛ nwɔlɛ! Nwane a zele bɛ kɛ bɛnriandi bɛvi Nyamenle ndeanlɛ ne mɔɔ bara la anwo ɛ?

Edwɛkpa ne kɛmɔ Luku hɛlɛle la 2:25

Mekɛ ne anu ɛnee nrenya bie mɔɔ bɛfɛlɛ ye Semɛyɔn la wɔ Gyɛlusalɛm. Nrenya ɛhye le sonlakpalɛ. Nyamenle nwo ɛzulolɛ wɔ ye nu na ɔlɛkendɛ Yizilayɛma ngoanelielɛ ne. Sunsum Nwuanzanwuanza ne wɔ ye nu,

Edwɛkpa ne kɛmɔ Luku hɛlɛle la 3:7

Menli dɔɔnwo rale Dwɔn ɛkɛ ne kɛ ɔzɔne bɛ. Na ɔzele bɛ kɛ, “Bɛmɛ ɛkyelebenle mralɛ! Nwane a zele bɛ kɛ bɛnriandi bɛvi Nyamenle ndeanlɛ ne mɔɔ bara la anwo a?

Ɛzoanvolɛma Gyima ne 1:11

“Galelima, duzu ati a bɛgyi ɛke na bɛ nye ɛha anwuma ɛ? Gyisɛse ɛhye mɔɔ bɛrava ye wɔ bɛ avinli ɛke bɛhɔ anwuma la bazia alua adenle zɔhane ala azo ara bieko, kɛmɔ bɛnwu ye kɛ ɔlɛkɔ la.”

Ɛzoanvolɛma Gyima ne 17:31

Ɔluakɛ yehile kenle mɔɔ ɔbalua sonla ne mɔɔ yedu ye yezie ɛkɛ ne la anwo zo yeabua aleɛabo amra kɔsɔɔti ndɛne a. Ɔdwazole sonla zɔhane ɔvile ewule nu ɔvale ɔzile edwɛkɛ ɛhye dawua ɔmanle awie biala.”

Ɛzoanvolɛma Gyima ne 2:24

Na Nyamenle dwazole ye vile mɔwuamra anu na ɔyele ye ɔvile ewule asa nu; ɔluakɛ ɔnle kɛ ewule di ɔ nwo zo konim.

Ɛzoanvolɛma Gyima ne 2:32

Nyamenle ɛdwazo Gyisɛse ɛhye ɛvi mɔwuamra anu, kɛmɔ yɛ muala yɛdi nwolɛ daselɛ la.

Ɛzoanvolɛma Gyima ne 3:15

Bɛhunle sonla ne mɔɔ maa ngoane la, na Nyamenle dwazole ye vile mɔwuamra anu; yɛ muala yɛdi ɛhye anwo daselɛ.

Ɛzoanvolɛma Gyima ne 3:21

Ɔwɔ kɛ ɔtɛnla anwuma lɔ kɔkpula kɛ bɛkɛyɛ ninyɛne kɔsɔɔti fofolɛ, kɛmɔ Nyamenle ɛlua ye kpɔmanvolɛma nwuanzanwuanza ne mɔ anwo zo ɛha ye dɛba la.

Ɛzoanvolɛma Gyima ne 4:10

ɛnee bɛdie bɛmaa ɔdo Yizilayɛma kɔsɔɔti kɛ, ɔlua Gyisɛse Kelaese mɔɔ vi Nazalɛte, mɔɔ bɛmɛ bɛbɔle ye meanubaka nu bɛhunle ye, na Nyamenle dwazole ye vile ewule nu la duma nu a ɛnɛ nrenya ɛhye gyi bɛ nyunlu ɛke kɛ yede kpɔkɛ bɔkɔɔ a.

Wulo 1:4

noko wɔ Nyamenle nu nwuanzanwuanzayɛlɛ nu a, bɛva tumi kpole bɛdwazo ye bɛvi ewule nu bɛhile kɛ ɔle Nyamenle Ara la anwo.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Wulo 4:25

Bɛyele Gyisɛse bɛmanle ɔwule wɔ yɛ ɛtane ti na bɛdwazole ye bɛrale ngoane nu, amaa bɛalie yɛ kɛ yɛsɔ Nyamenle anye.

Wulo 8:34

Nwane a kɛhola kɛbua bɛ fɔlɛ a? Asoo Kelaese Gyisɛse, mɔɔ wule, na bɛdwazole ye bɛrale ngoane nu, na ɔde Nyamenle asa fema zo ɛlɛsɛlɛ Nyamenle amaa yɛ la ɔ?

1 Kɔl 1:7

yemɔti bɛngyia ɛlolɛ ahyɛlɛdeɛ biala anwo, wɔ mekɛ mɔɔ bɛlɛkendɛ yɛ Awulae Gyisɛse Kelaese ɛralɛ bieko mɔɔ ɔbara la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:13

Kelaese ɛralie ndeanlɛ muala, na yelie yɛ yevi munzule mɔɔ anrɛɛ mɛla ne fa yɛ ahɔ nu la anu, ɔluakɛ Nyamenle Edwɛkɛ ne se, “Mɔɔ bɛkɛhenda ye wɔ baka zo la munzule ɛha ye.”

Pɔɔlo Kɛlata mɔɔ ɔhɛlɛle ɔhɔmanle Felepaema la 3:20

Yɛmɛ, yɛ nzi maanle wɔ anwuma. Ɛkɛ ne yɛɛ yɛ nye la kɛ yɛ Dievolɛ Awulae Gyisɛse Kelaese vi bara a.

Kɔlɔ 1:18

Yemɔ a ɔle ye sonlabaka ne, mɔɔ le Asɔne ne ati a, yemɔ a ɔle debie biala mɔlebɛbo a, yɛɛ yemɔ a ɔle bɛdabɛ mɔɔ bɛdwazole bɛ bɛvile ewule nu la kpanyinli a, amaa debie biala anu yealumua.

1 Tɛs 1:7

Ɛhye ati bɛyɛle ndonwo kpalɛ bɛmanle diedima mɔɔ wɔ Masidonea nee Giliki (Akaya) maanzinli ne mɔ anu la.

1 Tɛs 2:16

Bɛbɔle mɔdenle kɛ bɛtua yɛ mɔɔ yɛnga Edwɛkpa ne yɛngile bɛdabɛ mɔɔ bɛnle Dwuuma la, amaa bɛtie a bɛanyia ngoane. Bɛyɛle ɛhye bɛmanle bɛ ɛtane ne mɔ akee yɛle kpole. Na kɛkala, Nyamenle ɛya ne wɔ bɛ nwo zo.

1 Tɛs 2:7

noko kɛmɔ yɛle Kelaese ɛzoanvolɛma la, anrɛɛ yɛkola yɛka kɛ bɛyɛ ye zɔhane. Noko yɛbɛlɛle yɛ nwo aze, wɔ mekɛ mɔɔ ɛnee yɛ nee bɛ de la, na yɛdɛfɛdɛfɛle bɛ kɛ ɛrɛladane mɔɔ ɛlɛdi ɔ mra adane la.

1 Tɛs 5:9

Nyamenle angyehyɛ kɛ yɛranwu amaneɛ wɔ ye ɛya ne anu. Yevɛlɛ yɛ kɛ yɛralua yɛ Awulae Gyisɛse Kelaese anwo zo yɛnyia ngoane.

2 Tem 4:1

Megyi Nyamenle nee Kelaese Gyisɛse mɔɔ babua anyewɔzo amra nee mɔwuamra ndɛne la anyunlu, meka ye ɛralɛ bieko nee ye belemgbunlililɛ ne na mese wɔ kɛ:

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:13

yɛva yɛhendɛ saleɛ Kenle ne mɔɔ yɛ nye la ye adenle wɔ melɛ mɔɔ yɛ Nyamenle bedevinli ne nee Ngoanedievolɛ Gyisɛse Kelaese bɛ anyunlunyia ne kɛra la.

Kɛlata mɔɔ bɛhɛlɛle bɛhɔmanle Hibuluma la 10:27

Ɛnee mɔɔ ɛha la a le kɛ yɛkɛva anwowozolɛ yɛkɛhendɛ Nyamenle Ndɛnebualɛ ne nee ye ɛya ne mɔɔ sɔ hulenyi kɛ senle mɔɔ bazɛkye bɛdabɛ mɔɔ bɛtia Nyamenle la.

Kɛlata mɔɔ bɛhɛlɛle bɛhɔmanle Hibuluma la 9:28

Zɔhane ala yɛɛ bɛvale Kelaese ɔdaye noko bɛbɔle azu kokye ala kɛ ɔranunu menli dɔɔnwo ɛtane ne mɔ a. Ɔbara bieko, na tɛ kɛ ɔ nee ɛtane bali ɔ, na ɔbalie menli ne mɔɔ ɛlɛkendɛ ye la ngoane.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.

1 Pit 2:21

Bɛdabɛ bɛ ti Kelaese mumua ne nwunle amaneɛ vale yɛle ndonwo manle bɛ. Na ɛhye noko ala ati yɛɛ Nyamenle ɛvɛlɛ bɛ a, amaa bɛava ɔ gyakɛ.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,

2 Pit 3:12

wɔ mekɛ mɔɔ bɛlɛkendɛ na bɛ nye la kɛ Nyamenle Kenle ne bara ndɛndɛ la. Kenle zɔhane anwuma bayela adɔ nzonle na ye wuluwulu ne aholo anwumaneamra amuala.

2 Pit 3:14

Zɔhane ati, ayi mɔ, kɛmɔ bɛlɛkendɛ ɛhye mɔ la, bɛbɔ mɔdenle, amaa Awulae ba a yeanwu kɛ bɛ nwo te mɔɔ nvonleɛ biala ɛnle bɛ nu na bɛ nee ye bɛ nloa sɛ bɛ nwo a.

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.

Yekile 1:7

Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.