1 Tɛs 1:1 - BAEBOLO ANZƐƐ BULUKU NWUANZANWUANZA

¹ Kɛlata ɛhye vi Pɔɔlo, Saelase, yɛɛ Temɔte ɛkɛ. Yɛfa yɛahɔmaa Tɛsalonaeka asɔne ne anu amra mɔɔ le Nyamenle Selɛ ne nee Awulae Gyisɛse Kelaese ɛdeɛ la. Nyamenle ɛlo bɛ na ɔmaa bɛ anzonudwolɛ.

1 Tɛs 1:1 ပူးပေါင်းရင်းမြစ်များ

Ɛzoanvolɛma Gyima ne 15:22

Ɛzoanvolɛma ne nee mgbanyima ne mɔ, nee asɔnema ne mɔ amuala akee bɔle kpɔkɛ kɛ bɛsoa menli bɛamaa bɛ nee Pɔɔlo nee Baanabase ahɔ Anteɔko. Bɛdule menli nwiɔ mɔɔ bɛbu bɛ kpalɛ la bɛmanle bɛ nee bɛ hɔle. Bɛmɛ a le Dwudase mɔɔ eza bɛfɛlɛ ye Baasabase la, yɛɛ Saelase.

Ɛzoanvolɛma Gyima ne 15:27

Bɛmɛ a le Dwudase nee Saelase, bɛ nloa edwɛkɛ bamoa mɔɔ yɛhɛlɛ ye wɔ kɛlata ye anu la azo.

Ɛzoanvolɛma Gyima ne 15:40

Pɔɔlo noko vale Saelɛse hɔle, na mediema ne mɔ vale Pɔɔlo wulale Awulae ɛlolɛ ne abo.

Ɛzoanvolɛma Gyima ne 16:19

Mɔɔ kakula raalɛ ne amenle mɔ nwunle kɛ bɛ ezukoa ɛnyialɛ adenle ne ɛdua la, bɛhɔhyele Pɔɔlo nee Saelase bɛhwenlenle bɛ aze bɛ nee bɛ hɔle mgbanyinli nyunlu wɔ bɛ gua ne anu.

Ɛzoanvolɛma Gyima ne 16:25

Nɔe ne, kɛyɛ alevinli mu nwiɔ avinli, ɛnee Pɔɔlo nee Saelase ɛlɛyɛ nzɛlɛlɛ na bɛlɛto edwɛne bɛaye Nyamenle ayɛlɛ, na menli mɔɔ bɛdabɛ noko bɛgua efiade ne bie la ɛlɛtie bɛ.

Ɛzoanvolɛma Gyima ne 16:29

Pilizama sinzavolɛ ne manle bɛvale kɛnlaneɛ bɛrale, na ɔvale sulosulo ɔhɔdule ɔdɔle Pɔɔlo nee Saelase agyakɛ anu.

Ɛzoanvolɛma Gyima ne 17:11

Dwuuma mɔɔ wɔ ɛkɛ ne la adwenle nu ɛbuke ɛdɛla bɛdabɛ mɔɔ bɛwɔ Tɛsalonaeka la. Zɔhane ati bɛliele Edwɛkpa ne na dahuu bɛnleɛnleanle Nyamenle Edwɛkɛ ne anu kpalɛ kɛ saa mɔɔ Pɔɔlo ɛlɛka la le nɔhalɛ a.

Ɛzoanvolɛma Gyima ne 18:5

Mɔɔ Saelase nee Temɔte vi Masidonea rale la ɛnee Pɔɔlo ɛva ye mekɛ muala ɛlɛka Edwɛkpa ne ali daselɛ ahile Dwuuma ne kɛ, Mɛzaya ne a le Gyisɛse.

Ɛzoanvolɛma Gyima ne 19:22

Zɔhane ati ɔmanle ye boavolɛma ne mɔ nwiɔ, Temɔte nee Yilasetɛse lumuale Masidonea, na yemɔ ɔdɛnlanle Ehyea maanzinli ne anu ekyii.

Ɛzoanvolɛma Gyima ne 20:4

Na Sosepatɛ, mɔɔ le Pelɛse ara nrenya ne mɔɔ vi Bɛlia, yɛɛ Alesetaakɛse nee Sɛkɛndɛse, mɔɔ vi Tɛsalonaeka, Gayɛse mɔɔ vi Dɛbi, yɛɛ Temɔte, akee Tekekɛse nee Tulofemɛse mɔɔ vi Ehyea maanzinli nu la nee ye a hɔle a.

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

1 Kɔl 1:2

ɛlɛkɛlɛ kɛlata ɛhye a. Yɛlɛ yɛkamaa Nyamenle menli ne mɔɔ wɔ Kɔlente, mɔɔ Kelaese Gyisɛse ati bɛdu bɛ bɛzie ɛkɛ ne, na bɛvɛlɛ bɛ nee bɛdabɛ mɔɔ bɛwɔ ɛleka muala, mɔɔ bɛbɔ yɛ Awulae Gyisɛse Kelaese duma la, kɛ bɛrayɛ Nyamenle menli la.

2 Kɔl 1:1

Pɔɔlo, mɔɔ Nyamenle ɛhulo ɛyɛ ye Kelaese Gyisɛse ɛzoanvolɛ la, nee yɛ diema Temɔte a ɛlɛkɛlɛ kɛlata ɛhye ahɔmaa Nyamenle menli ne mɔɔ wɔ suakpole Kɔlente azo, nee Nyamenle menli ne amuala mɔɔ wɔ Akaya (Giliki) maanle ne kpokpoti anu la a.

2 Kɔl 1:19

Ɔluakɛ Gyisɛse Kelaese mɔɔ le Nyamenle Ara ne, mɔɔ me nee Seleveenɛse nee Temɔte yɛbɔle ɔ nwo edwɛkɛ ne nolo yɛhilele bɛ la, ɛnle “Ɛhɛe” nee “Kyɛkyɛ” sonla. Ɔle Nyamenle nu “Ɛhɛe”;

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:2

Me nee mediema mɔɔ wɔ ɛke la amuala yɛbiza bɛdabɛ asɔnema mɔɔ bɛwɔ Galeehyea maanzinli nu la amuala ahye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:22

Mekɛ ne anu ɛnee asɔnema mɔɔ wɔ Dwudiya la biala ɛnze me.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:2

Yɛ Ze Nyamenle nee Awulae Gyisɛse Kelaese ɛlo bɛ na ɔmaa bɛ anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:1

Medame Pɔɔlo nee Temɔte, mɔɔ yɛle Kelaese Gyisɛse ngɛkɛlɛ la, yɛɛ yɛlɛkɛlɛ kɛlata ɛhye yɛahɔmaa bɛdabɛ mɔɔ Kelaese Gyisɛse ati bɛyɛ Nyamenle menli nee asɔne neavolɛma nee asɔne boavolɛma mɔɔ wɔ Felepae suakpole ne azo la amuala a.

Kɔlɔ 1:1

Kɛlata ɛhye vi Pɔɔlo mɔɔ ɔlua Nyamenle ɛhulolɛ zo yeyɛ Kelaese Gyisɛse ɛzoanvolɛ la nee yɛ diema Temɔte ɛkɛ ne.

2 Tɛs 1:1

Kɛlata ɛhye vi Pɔɔlo, Saelase, yɛɛ Temɔte ɛkɛ. Yɛfa yɛahɔmaa Tɛsalonaeka asɔnema mɔɔ le yɛ Ze Nyamenle ne nee Awulae Gyisɛse Kelaese ɛdeɛ la.

1 Tem 1:2

Mefa meahɔmaa Temɔte, mɔɔ le me ra kpalɛ wɔ diedi ne anu la. Nyamenle Selɛ ne nee Kelaese Gyisɛse yɛ Awulae ne ɛlo wɔ, ɛnwu wɔ anwunvɔne na ɔmaa wɔ anzonudwolɛ.

2 Tem 1:2

Mefa meahɔmaa me ra Temɔte mɔɔ la me ahonle nwo la. Nyamenle Selɛ ne nee yɛ Awulae Kelaese Gyisɛse ɛlo wɔ, ɔnwu wɔ anwunvɔne na ɔmaa wɔ anzonudwolɛ.

Kɛlata mɔɔ bɛhɛlɛle bɛhɔmanle Hibuluma la 13:23

Memaa bɛade kɛ bɛye adiema nrenya Temɔte bɛvi efiade. Saa ɔba ɛke ndɛndɛ a, me nee ye yɛbarakpɔla bɛ.

1 Pit 5:12

Saelase (Selevanɛse) mɔɔ kɛkala Kelaese ati meva ye kɛ me diema kpalɛ kpalɛ la yɛɛ ɛboa ɛmaa mehɛlɛ bɛ kɛlata ezinraa ɛhye a. Mekulo kɛ mesi bɛ ahonle, na medi daselɛ kɛ ɛhye a le Nyamenle ɛlolɛ kpalɛ ne a. Bɛgyinla kpundii wɔ nuhua.

1 Dw 1:3

Mɔɔ yɛnwu ye nee mɔɔ yɛde la yɛɛ yɛka yɛahile bɛdabɛ noko a, amaa bɛ nee yɛ adila agɔnwolɛ. Yɛ nee Selɛ ne nee ɔ Ra Gyisɛse Kelaese a ɛdila agɔnwolɛ ɛhye a.

Dwuudu Kɛlata ne 1:1

Medame Dwuudu, mɔɔ mele Gyisɛse Kelaese sonvolɛ nee Gyemise adiema la yɛɛ melɛkɛlɛ kɛlata ɛhye a. Melɛ mekamaa bɛdabɛ mɔɔ Nyamenle ɛvɛlɛ bɛ, na bɛde Egya Nyamenle ne ɛhulolɛ nu na Gyisɛse Kelaese wowa bɛ la amuala.