1 Tem 6:9 - BAEBOLO ANZƐƐ BULUKU NWUANZANWUANZA

⁹ Bɛdabɛ mɔɔ bɛkpondɛ bɛ nwo bɛanyia la tɔ ngyegyelɛ nu, na munzule atiakunluwɔzo mgbane mgbane mɔɔ sɛkye menli, minli bɛ bo zo la kye bɛ wɔ ye ɛhane nu.

1 Tem 6:9 ပူးပေါင်းရင်းမြစ်များ

1 Arl 21:6

Ehabe buale ɔ ye kɛ, “Meha mehile Neebɔto mɔɔ vi Gyɛzɛlii ɛke la kɛ ɔva ye vanye ɛya ne ɔmaa me na memaa ye fofolɛ anzɛɛ ɔdɔne ye ɔmaa me a ɔbua ɔse me kɛ, ‘Mefa me vanye ɛya ne memaa wɔ a ɔnrɛyɛ boɛ!’ ”

Edwɛndolɛ Buluku ne 11:6

Ɔbadɔ senle samanlankɛ nee sɔlefa ezule yeagua amumuyɛma anwo zo; ewia samɛnlankɛ bayi bɛ kɔpo.

Mrɛlɛbulɛ Buluku ne 15:27

Sonla mɔɔ anye sɔ kpondɛ nvasoɛ amile nu la twehwe edwɛkɛ maa ye sua nu amra, na mɔɔ kyi ndoloboa la lɛ ngoane.

Mrɛlɛbulɛ Buluku ne 20:21

Anyiabɛnwo ndɛndɛ awieleɛ ɛnwie nyilalɛ.

Mrɛlɛbulɛ Buluku ne 21:6

Sonla mɔɔ fa adalɛ nyia anwonyia la gya le kɛ kpukpuke, yɛɛ ɔle ewule ɛhane ɔmaa ye.

Mrɛlɛbulɛ Buluku ne 22:16

Sonla mɔɔ sisi ehyianli fa nyia ɔ nwo, anzɛɛ mɔɔ ɔnyia ye a ɔfa ɔmaa sukoavolɛ la bali ehyia.

Mrɛlɛbulɛ Buluku ne 23:4

Mmapele kɛ ɛkɛnyia ɛ nwo, bɔ mɔdenle sɔ ɛ nwo,

Ayezaya Buluku ne 5:8

Munzule ɛha bɛdabɛ mɔɔ bɛfa azua bɛbɔ azua zo, bɛfa ɛya avule bɛbɔ avule zo, bɛmaa yera kɛ akee ɛleka ɛnle ɛkɛ mɔɔ sonla tɛnla a ɔyɛ boɛ a, na bɛgyakyi wɔ kɛ ɛ ngomekye ɛdɛnla azɛlɛ tɛtɛlɛ ne azo.

Zɛkalaya Buluku ne 11:5

Menli mɔɔ tɔ la ku bɛ fa bɛ nwo dwɔɔ kɔ, awie ɛnze bɛ ɛhwee, yɛɛ menli mɔɔ tɔne bɛ la ka kɛ, ‘Ayɛlɛyelɛ ɛha Ɛdɛnkɛma, menyia me nwo;’ yɛɛ bɛ neavolɛma mumua ne ɛnze bɛ anwunvɔne.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:8

Bɛhunle Medean arelemgbunli nnu ne, Yivae, Rilikɛm, Zuli, Huuli, yɛɛ Riliba bɛbokale nwolɛ. Eza bɛhunle Biyɔ ara nrenya Beelam.

Edwɛkpa ne kɛmɔ Mateyu hɛlɛle la 13:22

Ma ne mɔɔ guale mbowule nu la gyi ɛkɛ maa menli mɔɔ tie edwɛkɛ ne noko aleɛabo ɛbɛlabɔlɛ nwo adwenleadwenle nee anwonyia ɛhulolɛ nwo adwenle fo edwɛkɛ ne azo, na bɛnzo ma la.

Edwɛkpa ne kɛmɔ Mateyu hɛlɛle la 19:22

Mɔɔ kpavolɛ ne dele ɛhye la alɔbɔlɛ hunle ye na ɔhɔle, ɔboalekɛ yenyia ɔ nwo kpalɛ.

Edwɛkpa ne kɛmɔ Mateyu hɛlɛle la 26:15

hɔbizale bɛ kɛ, “Saa meye Gyisɛse memaa bɛ a, duzu a bɛkɛva bɛkɛmaa me a?” Bɛdianle dwɛtɛ fufule abulasa bɛmanle ye.

Edwɛkpa ne kɛmɔ Mateyu hɛlɛle la 6:19

“Bɛmmakpondɛ bɛ anwonyia bɛsie azɛlɛ ye azo, anrɛɛ ɛlɛtɛba nee nrɛnlana kɛzɛkye ye, na nwule noko kola wua.

Edwɛkpa ne kɛmɔ Maake hɛlɛle la 4:19

na ɛbɛlabɔlɛ ye anwo adwenleadwenle, anyiabɛnwo ɛhulolɛ, nee ninyɛne mgbane mgbane nwo atiakunluwɔzo fo keda edwɛkɛ ne azo, ɛhye ati bɛnzo ma.

Edwɛkpa ne kɛmɔ Luku hɛlɛle la 12:21

Na Gyisɛse dwulale ye edwɛkɛ ne kɛ, “Kɛ menli mɔɔ kuohua anwonyia maa bɛ nwo na bɛnle sukoavolɛma wɔ Nyamenle anyunlu la de la ɛne.”

Edwɛkpa ne kɛmɔ Luku hɛlɛle la 21:35

ɔluakɛ ɔbara awie biala mɔɔ wɔ aleɛabo la anwo zo.

Ɛzoanvolɛma Gyima ne 8:20

Na Pita buale ye kɛ, “Abule ɛbu wɔ nee wɔ ezukoa ne amuala, kɛ ɛkɛdwenle kɛ bɛfa ezukoa a bɛtɔ Nyamenle ahyɛlɛdeɛ a!

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:22

Zɔhane ati, bɛdu bɛ su dɛba ne mɔɔ manle bɛbɔle ɛbɛla mɔɔ bɛdabɛ bɛkulo na ɔvale ye atiakunluwɔzo ɛtane ne ɔzɛkyele bɛ la bɛgua.

Mɛla 7:25

Bɛyela bɛ ananze ne mɔ mɔɔ bɛgua la kɔsɔɔti wɔ senle nu. Bɛmmamaa bɛ nye bolo ezukoa nvutuke anzɛɛ dwɛtɛ fufule ne mɔ mɔɔ bɛholo bɛgua nwolɛ la na anrɛɛ bɛkɛzua bɛ nwo ɛhane, ɔluakɛ bɛle Ɛdɛnkɛma bɛ Nyamenle ne kyibadeɛ.

1 Tem 1:9

Ɔwɔ kɛ yɛnwu kɛ tɛ menli mɔɔ di boɛ la ati a mɛla ne wɔ ɛkɛ a, mɛla ne wɔ ɛkɛ maa atuadelɛma, anzosesebɛma, bɛdabɛ mɔɔ bɛnze Nyamenle nee ɛtanevolɛma, bɛdabɛ mɔɔ bɛ nwo ɛnde, menli mɔɔ ku bɛ ze mɔ anzɛɛ bɛ nli mɔ, ahɔdiawu,

1 Tem 3:7

Ɔwɔ kɛ ɔyɛ sonla mɔɔ bɛdabɛ mɔɔ bɛngɔ asɔne la di ye eni, amaa yeangua ɔ nyunlu aze, yeangɔndɔ Abɔnsam ɛhane nu.

1 Tem 6:10

Ɔluakɛ ezukoa nwo anyebolo le munzule muala abo ndinli; bie mɔ anye ɛbolo ye ɛkpondɛlɛ somaa yemaa bɛvi diedi ne anwo mɔɔ akee nyane ala a bɛdi a.

1 Tem 6:17

Tendɛ kile bɛdabɛ mɔɔ bɛlɛ ngoane ɛhye anu anwonyia la kɛ bɛmmamemaa bɛ nwo zo, yɛɛ bɛmmafa bɛ nye bɛto ninyɛne mɔɔ pɛ nu se kɛ anwonyia la azo, bɛmaa bɛ nye ɛla Nyamenle mɔɔ maa yɛ debie biala molozo mɔɔ yɛfa yɛdie yɛ nye la anwo zo.

2 Tem 2:26

Na saa bɛ nye zo tete bɛ a bɛanriandi bɛavi Abɔnsam mɔɔ hyele bɛ manle bɛkpole Nyamenle ɛhulolɛdeɛ ne la ɛhane ne anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:12

Zɔhane ɛlolɛ ne kilehile yɛ kɛ yɛvuandi ɛbɛla mgbane mgbane nee ewiade atiakunluwɔzo ne mɔ yɛgua, na yɛyɛ yɛ nye gyɛlɛmgbɛɛnye, yɛnlea boɛ na yɛbɔ Nyamenlezulolɛ ɛbɛla fɔɔnwo ne wɔ ewiade ye anu,

Dwɔhyua Buluku ne 7:11

Yizilayɛma ɛyɛ ɛtane. Bɛdo me mɛla ne mɔɔ menvale memanle bɛ la. Bɛva ninyɛne ne mɔɔ ɔwɔ kɛ bɛsɛkye bɛ la bie. Bɛwuale, bɛbɔle nwolɛ adalɛ na bɛva bɛvea bɛ ninyɛne nu.

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

Dwuudu Kɛlata ne 1:11

Abule ɛbu bɛ! Bɛva Keen agyakɛ. Bɛdoa ezukoa fɛlɛko bɛvo kɛ Beelam la. Bɛde atua kɛ Kɔla dele la, na bɛminli bɛ bo zo.