1 Tem 6:18 - BAEBOLO ANZƐƐ BULUKU NWUANZANWUANZA

¹⁸ Ɔwɔ kɛ bɛyɛ nyele, bɛkɔ zolɛ bɛyɛ nyɛleɛ kpalɛ, bɛfa atiakunlukɛnlɛma nee ɛhulolɛ bɛkyɛ debie.

1 Tem 6:18 ပူးပေါင်းရင်းမြစ်များ

2 Edk 24:16

Bɛziele ye wɔ Devidi Suakpole zo wɔ arelemgbunli ne mɔ avinli, wɔ mɔɔ ɔyɛle ɔmanle Yizilayɛma, ye ɛzonlenlɛ kpalɛ mɔɔ ɔzonlenle Nyamenle, nee ye nyɛleɛ kpalɛ mɔɔ ɔyɛle wɔ Ɛzonlenlɛ Sua ne anwo la ati.

Edwɛndolɛ Buluku ne 112:9

Yebuke ɔ sa nu wɔ ɛhyianvolɛma anwo zo; ye tenleneyɛlɛ ne wɔ ɛkɛ ne dahuu; bɛbava enililɛ bɛakpogya ye tumi ne zo.

Edwɛndolɛ Buluku ne 37:3

Fa ɛ rɛle wula Ɛdɛnkɛma anu na di boɛ, amaa wɔadɛnla azɛlɛ ne azo, ɛ nwo adɔ wɔ.

Nolo 11:6

Dua wɔ ma ne nwonlomɔ, na eza dua bie nɔsolɛ nu. Ɔluakɛ ɛnze mɔɔ kɛyɛ kpalɛ a, saa bɛ mu nwiɔ bɛkɛyɛ kpalɛ anzɛɛ ko kɛyɛ kpalɛ kɛdɛla ko a, ɛnze.

Nolo 3:12

Meze kɛ debie kpalɛ biala ɛnle ɛkɛ ɛmmaa bɛ tɛla kɛ bɛkɛli fɛlɛko na bɛkɛlie bɛ nye wɔ mekɛ mɔɔ bɛde ngoane nu la.

Ayezaya Buluku ne 32:8

Na sonla mɔɔ di ɔ nwo eni la dwenle ninyɛne kpalɛ nwo na ɔdi ninyɛne kpalɛ nzi.

Ayezaya Buluku ne 58:7

Ɛhɔnehyelɛ a le kɛ bɛkɛmaa mɔɔ ɛhɔne ɛlɛku ye la bɛ aleɛ mɔɔ bɛdi la bie, na bɛkɛva ehyianli anwo anwunvɔne ne mɔɔ ɛnlɛ ɛleka ɛnla la bɛkɛra sua nu. Saa bɛnwu awie mɔɔ ɛngeda bie la a bɛmaa ye ɛdanlɛ ɔheda na bɛmmafa bɛ nwo bɛfea bɛ nwo amra.

Edwɛkpa ne kɛmɔ Mateyu hɛlɛle la 5:42

Awie sɛlɛ wɔ debie a, maa ye bie, yɛɛ mmakakyi ɛ nzi ɛsi mɔɔ kpondɛ kɛ ɔfɛne debie wɔ wɔ ɛkɛ ne la.

Edwɛkpa ne kɛmɔ Luku hɛlɛle la 12:21

Na Gyisɛse dwulale ye edwɛkɛ ne kɛ, “Kɛ menli mɔɔ kuohua anwonyia maa bɛ nwo na bɛnle sukoavolɛma wɔ Nyamenle anyunlu la de la ɛne.”

Edwɛkpa ne kɛmɔ Luku hɛlɛle la 3:11

Dwɔn buale bɛ kɛ, “Bɛmaa mɔɔ lɛ ndanlɛ nwiɔ la ɛva ko ɛmaa mɔɔ ɛnlɛ bie la, na mɔɔ lɛ aleɛ la nee ɔ gɔnwo mɔ ɛli.”

Ɛzoanvolɛma Gyima ne 10:38

Bɛze Gyisɛse mɔɔ vi Nazalɛte la anwo edwɛkɛ nee kɛ Nyamenle zile vale Sunsum Nwuanzanwuanza ne wulale ye na ɔmanle ye tumi la amuala. Gyisɛse kpɔsale ɛleka dɔɔnwo yɛle ahunlunyele gyima, na ɔyɛle bɛdabɛ mɔɔ Abɔnsam ɛlɛfa ye tumi ne agyegye bɛ la ayile, ɔluakɛ Nyamenle nee ye lua.

Ɛzoanvolɛma Gyima ne 11:29

Yemɔti diedima ne bɔle kpɔkɛ kɛ bɛkeha bɛ sa aze na mɔɔ bɛkɛnyia ye la bɛava bɛahɔboa mediema mɔɔ wɔ Dwudiya la.

Ɛzoanvolɛma Gyima ne 9:36

Dwɔpa noko, raalɛ bie wɔ ɛkɛ, bɛfɛlɛ ye Tabeta. (Ye duma ne Giliki nu a le Dɔkase.) Ɔle ɛdoavolɛ. Raalɛ ɛhye vale ye mekɛ yɛle ahunlunyele gyima na ɔboale ehyianvolɛma.

Wulo 12:13

Bɛmaa bɛ sa ɛdwu mediema Kelaese ɛdoavolɛma mɔɔ ɛhyia la anwo zo, na bɛlie nyɛvolɛ wɔ bɛ azua nu.

Wulo 12:8

Mɔɔ lɛ folɛdulɛ ahyɛlɛdeɛ la ɛva ɛdu ɔ gɔnwo mɔ folɛ. Mɔɔ ɔwɔ kɛ asa dwu awie mɔ anwo zo la, ɛyeye ɔ kunlu ɛyɛ. Mɔɔ yɛ ahunlunyele gyima la, ɔwɔ kɛ yɛ ye anyelielɛ nu; yɛɛ mɔɔ lɛ moalɛ la ɛva fɛlɛkolilɛ ɛboa.

1 Kɔl 16:2

Molɛ biala, bɛ nuhua ko biala ɛde ezukoa mɔɔ yenyia ye dapɛne ne anu la bie ɛdo ahane, na bɛva bɛzie, amaa saa meba a yeangyia kɛ bɛkɛwowɔ ezukoa.

2 Kɔl 8:12

Ɔluakɛ saa ɔwɔ bɛ nuhua kɛ bɛkɛmaa debie a, ɛnee mɔɔ bɛlɛ ye la azo a Nyamenle balua alie bɛ ahyɛlɛdeɛ ne a. Ɔnrɛnlea mɔɔ bɛnlɛ ye la azo ɔnrɛlie.

2 Kɔl 8:9

Ɔluakɛ bɛze kɛ Awulae Gyisɛse Kelaese ɛlolɛ ne si de la; ɔle sukoavolɛ, noko ɔlua bɛ ti ɔyɛle ɔ nwo ehyianli, amaa yealua ye ehyia ne azo yeayɛ bɛ sukoavolɛma.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:10

Zɔhane ati, kenle biala mɔɔ mekɛ kɛra kɛ ɔwɔ kɛ yɛyɛ nyele la, bɛmaa yɛyɛ yɛmaa awie biala, bɔbɔ bɛdabɛ mɔɔ yɛ nee bɛ yɛ muala yɛlɛ diedi ko la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:28

Mɔɔ le awule la ɛgyakyi ye awule ne na ɔyɛ gyima, amaa yeanyia bie yeanlea ɔ nwo na eza yeanyia bie yeaboa bɛdabɛ mɔɔ bɛhyia la.

1 Tem 5:10

yɛɛ ye nyɛleɛ kpalɛ ti bɛbɔ ye duma kpalɛ kɛ ɔle raalɛ mɔɔ tetele ɔ mra kpalɛ, ɔliele nyɛvolɛ, ɔwowole anwondelɛma agyakɛ anwo, ɔboale bɛdabɛ mɔɔ bɛ nwo hyelele bɛ, na ɔdule ɔ nwo ɔmanle gyima kpalɛ biala ɛyɛlɛ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:8

Edwɛkɛ ɛhye le nɔhalɛ. Mekulo kɛ ɛka edwɛkɛ ɛhye mɔ na ɛsi zo ɛsesebɛ, amaa bɛdabɛ mɔɔ bɛdie Nyamenle bɛdi la anlea zolɛ abɔ ɛbɛla kpalɛ dahuu. Ɔluakɛ ɛhye mɔ le kpalɛ na eza ɔhyia ɔmaa sonla biala.

Kɛlata mɔɔ bɛhɛlɛle bɛhɔmanle Hibuluma la 13:16

Bɛmmamaa bɛ rɛle fi kɛ bɛkɛyɛ kpalɛ na bɛkɛboa bɛ nwo ngoko ngoko, ɔboalekɛ ɛhye a le azubɔlɛ mɔɔ sɔ Nyamenle anye a.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

1 Pit 3:11

Ɔwɔ kɛ ɔtwe ɔ nwo ɔfi ɛtane nwo na ɔyɛ kpalɛ; ɔwɔ kɛ ɔkpondɛ anzonudwolɛ bo zo na ɔdi ɔ nzi.

1 Dw 3:17

Saa awie mɔɔ lɛ ewiade ye anu ninyɛne la nwu ɔ diema mɔɔ ɛhyia, na ɔye ɔ nye ɔto ɛbɔ nu a, ɛnee kɛ ɔsi ɔka kɛ ɔkulo Nyamenle ɛ?

3 Dw 1:11

Ayi, mmasukoa ɛyɛ mɔɔ le ɛtane la, sukoa yɛ mɔɔ le kpalɛ la. Awie biala mɔɔ yɛ mɔɔ le kpalɛ la le Nyamenle ɛdeɛ, yɛɛ awie biala mɔɔ di ɛtane la ɛtɛnwunle Nyamenle.