1 Tem 6:16 - BAEBOLO ANZƐƐ BULUKU NWUANZANWUANZA

¹⁶ Ɔdaye ala a ɔle damɛnlangoate na ɔde wienyi ne mɔɔ awie ɛngola ɛmbikye ye la anu a. Awie biala ɛtɛnwunle ye ɛlɛ, yɛɛ awie ɛnrɛhola ɛnrɛnwu ye ɛlɛ. Enililɛ nee belemgbunlililɛ mɔɔ ɛmbɔ aze ɛlɛ la le ye ɛdeɛ dahuu! Amen.

1 Tem 6:16 ပူးပေါင်းရင်းမြစ်များ

Dwobu Buluku ne 37:23

Tumivolɛ ne, yɛnrɛhola yɛnrɛnwu ye; ye tumi nee ye pɛlepɛlelilɛ le kpole, yɛɛ ɔnrɛbu ɔ nye ɔnrɛgua ye tenleneyɛlɛ zo.

Edwɛndolɛ Buluku ne 104:2

ɛfa wienyi ɛkeda kɛ ɛdanlɛ, wɔdɛlɛ anwomanyunlu nu kɛ ndanlɛ sua,

Edwɛndolɛ Buluku ne 90:2

Mekɛ mɔɔ ɛkabɔ awoka, anzɛɛ azɛlɛ ye nee ewiade ye la, ɔvi tete, mɔɔ kɔdwu mekɛ mɔɔ ɛnlɛ awieleɛ, ɛle Nyamenle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:14

Nyamenle zele Mosisi kɛ, “Medame a le Medame.” Na ɔzele kɛ, “Ka ɛhye kile Yizilayɛma kɛ, ‘Medame ɛzoa me bɛ nwo ɛke!’

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:20

Noko akee ɛnrɛnwu me nyunlu, ɔluakɛ awie biala ɛnrɛnwu me nyunlu na ɔnrɛdɛnla ngoane nu.

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Habakɛke Buluku ne 3:4

Ye wienyi ne le kɛ ɛsɛlɛmanye, ɔ sa akunlu ta kɛ sɛnzɛne, na ɛkɛ a ye tumi ne wɔ a.

Dw 1:18

Awie biala ɛtɛnwunle Nyamenle ɛlɛ. Ralɛ ne ala mɔɔ ɔdaye ko ne ala a ɔle Nyamenle, na ɔde Selɛ ne anwo ɛkɛ ne la, yemɔ yɛɛ ɛmaa yɛnwu ye a.

Dw 14:9

Gyisɛse buale ye kɛ, “Felepe, yemɔti mekɛ tendenle ye mɔɔ me nee bɛ muala ɛdɛnla la bɛnze me? Awie mɔɔ ɛnwu me la ɛnwu Selɛ ne. Duzu ati a akee ɛbiza me kɛ, ‘Kile yɛ Selɛ ne ɛ?’

Dw 6:46

Ɛhye ɛngile kɛ awie biala ɛnwu Selɛ ne; mɔɔ vi Nyamenle ɛkɛ ne rale la a le sonla mɔɔ ɛnwu Selɛ ne a.

Dw 8:58

Gyisɛse buale bɛ kɛ, “Meka nɔhalɛ ne meahile bɛ: Mɔɔ bɛkawo Ebileham la, ɛnee bɛfɛlɛ me ɛtease.”

Mɛla 32:40

Ɔluakɛ kɛmɔ mele Tease Nyamenle la, memaa me sa zo anwuma meka ndane kɛ,

Pɔɔlo Kɛlata mɔɔ ɔhɛlɛle ɔhɔmanle Felepaema la 4:20

Anyunlunyia ɛha yɛ Ze Nyamenle ne dahuu! Amen.

Kɔlɔ 1:15

Kelaese le Nyamenle ne mɔɔ ɛnyelɛ ɛnnwu ye la sɔhovolɛ. Yemɔ a ɔle abɔdeɛ muala anu belamunli Ralɛ a.

1 Tem 1:17

Na tete Belemgbunli ne, Damɛnlangoate Nyamenle kokye ne, mɔɔ ɛnyelɛ ɛnnwu ye la, yemɔ yɛɛ enililɛ nee anyunlunyia ɛha ye dahuu a. Amen

Kɛlata mɔɔ bɛhɛlɛle bɛhɔmanle Hibuluma la 13:8

Kɛ Gyisɛse Kelaese si de anoma la, ɔle zɔhane ɛnɛ nee kenle biala.

Gyemise Kɛlata ne 1:17

Ɛlolɛdeɛ kpalɛ biala nee ahyɛlɛdeɛ biala mɔɔ di munli la vi anwuma; ɔvi Nyamenle Selɛ ne mɔɔ bɔle anwuma ahɛnlaneɛ ne mɔ la ɛkɛ a ɔba a. Nyamenle ɛnli ngakyile, anzɛɛ ɔmboa ɔngakyi wienyi awozinli.

1 Dw 1:5

Nrɛlaleɛ mɔɔ yɛde yɛvi ye ɛkɛ ne na yɛka yɛahile bɛ la a le ɛhye: Nyamenle le wienyi, awozinli fee ɛnle ye nu.

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.

1 Dw 4:12

Awie biala ɛtɛnwunle Nyamenle ɛlɛ, na saa yɛkulo yɛ nwo ngoko ngoko a, ɛnee Nyamenle de yɛ nu, na ye ɛhulolɛ ne ɛli munli wɔ yɛ nu.

Dwuudu Kɛlata ne 1:25

Nyamenle kokye ne mɔɔ le yɛ Ngoanedievolɛ ne, yemɔ yɛɛ anyunlunyia, belemgbunlililɛ, kpoleyɛlɛ, nee tumi ɛlua yɛ Awulae Gyisɛse Kelaese anwo zo ɛyɛ ye ɛdeɛ wɔ ɛnɛ nee mekɛ mɔɔ ɛnlɛ awieleɛ la a! Amen.

Yekile 1:6

na yeyɛ yɛ arelemgbunli nee sɛlɛvolɛma kɛ yɛzonle ye Nyamenle Selɛ ne. Anyunlunyia nee tumi ɛyɛ ye ɛdeɛ dahuu! Amen.

Yekile 1:8

Kɛ tete Awulae Nyamenle Bedevinli ne mɔɔ ɛnee wɔ ɛkɛ, na ɔwɔ ɛkɛ ne kɛkala, na ɔbara la se la ɛne, “Medame a mele ‘Alefa’ ne nee ‘Omiga’ ne a.”

Yekile 21:3

Mendele ɛnelɛ kpole bie wɔ belemgbunli ebia kpole ne anwo, ɔse, “Kɛkala, akee Nyamenle sua nu a le ye menli avinli. Ɔ nee bɛ badɛnla na bɛayɛ ye menli. Nyamenle mumua ne nee bɛ badɛnla na yeayɛ bɛ Nyamenle.

Yekile 22:5

Aleɛ ɛndwo ko wɔ ɛkɛ, yɛɛ bɛngyia kɛnlaneɛ anzɛɛ ewia nwo wɔ ɛkɛ, ɔluakɛ Awulae Nyamenle ne a le bɛ kɛnlaneɛ a, na bɛbali belemgbunli mekɛ mɔɔ ɛnlɛ awieleɛ.

Yekile 4:11

“Yɛ Awulae nee yɛ Nyamenle! Ɛfɛta anyunlunyia, enililɛ, nee tumi. Ɔluakɛ ɛdawɔ a ɛbɔle ninyɛne kɔsɔɔti a. Wɔ ɛhulolɛ zo yɛɛ ɛbɔle bɛ a. Wɔ ɛhulolɛ zo yɛɛ bɛwɔ ɛkɛ a.”

Yekile 7:12

bɛzele kɛ, “Amen! Ayɛlɛyelɛ, anyunlunyia, nrɛlɛbɛ, moyɛlɛ, enililɛ, tumi nee anwosesebɛ kɔsɔɔti le yɛ Nyamenle ne ɛdeɛ wɔ mekɛ mɔɔ ɛnlɛ awieleɛ! Amen.”