1 Tem 6:14 - BAEBOLO ANZƐƐ BULUKU NWUANZANWUANZA

¹⁴ di ngyehyɛlɛ ne azo na maa nwolɛ ɛde bɔkɔɔ ɔhɔkpula Kenle mɔɔ yɛ Awulae Gyisɛse Kelaese kɛra bieko la.

1 Tem 6:14 ပူးပေါင်းရင်းမြစ်များ

1 Edk 28:20

Belemgbunli Devidi zele ɔ ra Sɔlɔmɔn kɛ, “Yɛ ɛ nye gyɛlɛmgbɛɛnye na si wɔ ahonle. Bɔ gyima ne abo, mmamaa debie biala si wɔ adenle. Ɛdɛnkɛma Nyamenle ne, mɔɔ mesonle ye la nee wɔ balua. Ɔnrɛgyakyi ɛ nzi ɛlilɛ, ɔ nee wɔ balua toonwo yeahɔdwu mekɛ mɔɔ ɛkɛwie gyima biala mɔɔ wɔ Ɛzonlenlɛ Sua ne anwo la yɛ la.

Sɔlɔmɔn Edwɛne 4:7

Ɛ nwo yɛ fɛ vi wɔ anwuma dwu aze, me kulovolɛ, ɛdi munli bɔkɔɔ.

1 Kɔl 1:8

Kelaese ɔdaye ɔbamaa bɛagyinla kpundii bɛahɔ awieleɛ, amaa bɛanli fɔlɛ wɔ debie biala anu wɔ yɛ Awulae Gyisɛse Kelaese Kenle ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:27

amaa yeava asɔne ne kɛnlɛma gyɛlɛɛnye yeamaa ɔ nwo, mɔɔ nwolɛ ɛtɛkpɔdele, evinli biala ɛnle nwolɛ, yɛɛ nvonleɛ biala ɛnle nwolɛ na nwolɛ te nwuanzaanwu a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:10

amaa bɛnwu mɔɔ le kpalɛ la a bɛanwu ye, na bɛ nwo ade saanwu na bɛanli fɔlɛ wɔ Kenle ne mɔɔ Kelaese kɛra la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:6

Zɔhane ati medie medi kɛ Nyamenle mɔɔ bɔle gyima kpalɛ ɛhye abo wɔ bɛ nu la kɛzɔ zolɛ kɛmaa ɔkɛli munli wɔ Kenle ne mɔɔ Kelaese Gyisɛse kɛra la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:15

amaa awie annwu nvonleɛ biala wɔ bɛ nwo anzɛɛ anzu bɛ nɔhalɛlilɛ nwo kpolera kɛ bɛle Nyamenle amra mɔɔ evinli fee ɛnle bɛ nwo, wɔ adalɛ nee ɛtane ewiade ye anu a. Saa bɛwɔ bɛ avinli a bɛda kɛ bɛmɛ a bɛle ewiade ahɛnlaneɛ a,

Kɔlɔ 1:22

Na kɛkala, ɔlua Kelaese ewule ne azo bɛyɛ Nyamenle agɔnwo mɔ, amaa yeava bɛ yeara ɔ nyunlu kɛ bɛ nwo te nwuanzaanwu mɔɔ fɔlɛlilɛ biala ɛnle bɛ nu a.

Kɔlɔ 4:17

Na bɛha bɛhile Aakepɛse kɛ ɔnlea ɔmaa Awulae gyima ne mɔɔ yezɔ nu la ɛli munli.

1 Tɛs 3:13

Zɛhae adenle zo yɛɛ ɔbamaa bɛ nwo ayɛ se, na bɛali munli, bɛ nwo ade wɔ yɛ Nyamenle Selɛ ne anyunlu, wɔ mekɛ mɔɔ yɛ Awulae Gyisɛse nee bɛdabɛ mɔɔ bɛle ye ɛdeɛ la kɛra la a. ɛra la a.

1 Tɛs 5:23

Nyamenle ne mɔɔ maa anzonudwolɛ la ɛde bɛ nwo wɔ adenle biala anu, na ɔva bɛ sonla mumua ne ɔzie: bɛ ɛkɛla, bɛ sunsum, yɛɛ bɛ sonlabaka ne amuala, ɔye bɛ ɔvi nvonleɛ biala anu, ɔde bɛ nwo wɔ Kenle ne mɔɔ Awulae Gyisɛse Kelaese bara la.

2 Tɛs 2:1

Mediema, mɔɔ fane yɛ Awulae Gyisɛse Kelaese ɛralɛ ne nee yɛ nloa mɔɔ bɛbahuohua na yɛ nee ye ahɔyia la anwo, mesɛlɛ bɛ,

2 Tɛs 2:8

kolaa na akee Amumuyɛnli ne ara. Na saa Awulae Gyisɛse ba a, ɔbava ɔ nloa anu anwoma mgbane yeahu ye na yeava ɔ nyunlu ɛdalɛ wienyi kpole ne yeazɛkye ye bɔkɔɔ.

1 Tem 6:20

Temɔte, nea mɔɔ bɛva bɛwula ɛ sa nu la boɛ. Twe ɛ nwo fi munzule edwɛkɛ ɛhehanlɛ nee kpolerazulɛ mgbane mgbane ne mɔ mɔɔ bie mɔ fo fɛlɛ ye “Adwenlenubukelɛ” la anwo.

2 Tem 4:1

Megyi Nyamenle nee Kelaese Gyisɛse mɔɔ babua anyewɔzo amra nee mɔwuamra ndɛne la anyunlu, meka ye ɛralɛ bieko nee ye belemgbunlililɛ ne na mese wɔ kɛ:

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:13

yɛva yɛhendɛ saleɛ Kenle ne mɔɔ yɛ nye la ye adenle wɔ melɛ mɔɔ yɛ Nyamenle bedevinli ne nee Ngoanedievolɛ Gyisɛse Kelaese bɛ anyunlunyia ne kɛra la.

Kɛlata mɔɔ bɛhɛlɛle bɛhɔmanle Hibuluma la 9:14

Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.

Kɛlata mɔɔ bɛhɛlɛle bɛhɔmanle Hibuluma la 9:28

Zɔhane ala yɛɛ bɛvale Kelaese ɔdaye noko bɛbɔle azu kokye ala kɛ ɔranunu menli dɔɔnwo ɛtane ne mɔ a. Ɔbara bieko, na tɛ kɛ ɔ nee ɛtane bali ɔ, na ɔbalie menli ne mɔɔ ɛlɛkendɛ ye la ngoane.

1 Pit 1:19

bɛvale Gyisɛse, mɔɔ le boaneralɛ mɔɔ anwo ɛnlɛ dɛne biala la mogya ne mɔɔ sonle bolɛ la a bɛkpɔnenle bɛ a.

1 Pit 1:7

Ninyɛne ɛhye mɔ wɔ ɛkɛ kɛ bɛfa bɛazɔ bɛ diedi bɛanlea saa ɔgyi kpundii a. Ezukoa nvutuke bɔbɔ mɔɔ sɛkye la, bɛfa senle a bɛnea kɛ ɔle kpalɛ a; zɔhane ala yɛɛ ɔwɔ kɛ bɛ diedi ne mɔɔ hyia tɛla ezukoa nvutuke la bɛsɔ ye bɛnea a, amaa yeava ayɛlɛyelɛ, anyunlunyia, yɛɛ enililɛ yearɛlɛ bɛ wɔ Kenle ne mɔɔ Gyisɛse bara la.

2 Pit 2:21

Ɛnee noko bɔbɔ ɔle kpalɛ kɛ anrɛɛ bɛannwu pɛlepɛlelilɛ adenle ne fee, tɛla kɛ bɛkɛnwu ye na bɛkɛhakyi bɛ nzi bɛkɛzi mɛla nwuanzanwuanza ne mɔɔ bɛva bɛmaa bɛ la.

2 Pit 3:14

Zɔhane ati, ayi mɔ, kɛmɔ bɛlɛkendɛ ɛhye mɔ la, bɛbɔ mɔdenle, amaa Awulae ba a yeanwu kɛ bɛ nwo te mɔɔ nvonleɛ biala ɛnle bɛ nu na bɛ nee ye bɛ nloa sɛ bɛ nwo a.

2 Pit 3:2

amaa bɛadwenle edwɛkɛ mɔɔ Nyamenle kpɔmanvolɛma nwuanzanwuanza ne mɔ ɛha ɛdo ɛkɛ ne nee Awulae Dievolɛ ne ngyehyɛlɛ mɔɔ ɛzoanvolɛma ne mɔ ɛva ɛmaa bɛ la anwo.

1 Dw 3:2

Ayi mɔ, kɛkala yɛle Nyamenle amra, noko akee kɛ kenle bie yɛbazi yɛayɛ la ɛtɛdale ali. Noko yɛze kɛ mekɛ mɔɔ Kelaese bara bieko la, yɛbayɛ kɛ ɔdaye ala la, ɔluakɛ yɛbanwu ye kɛmɔ ɔde ala la.

Dwuudu Kɛlata ne 1:24

Nyamenle mɔɔ kola sɔ bɛ mɔɔ bɛndɔ aze, na ɔfa bɛ kɔlɔnwo fɛlɛko nu ɔkɔ ɔdaye ye anyunlunyia ne anu,

Yekile 1:7

Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.