1 Tem 6:13 - BAEBOLO ANZƐƐ BULUKU NWUANZANWUANZA

¹³ Megyi Nyamenle mɔɔ maa ninyɛne kɔsɔɔti ngoane, nee Kelaese Gyisɛse mɔɔ gyinlanle Pɔntɛse Paelɛte anyunlu lile ye diedi nwo daselɛ la anyunlu, meka meahile wɔ kɛ

1 Tem 6:13 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 27:11

Bɛvale Gyisɛse bɛraziele amɛnlado ne anyunlu na amɛnlado ne bizale ye kɛ, “Wɔmɔ a ɛle Dwuuma belemgbunli ne la ɔ?” Gyisɛse buale ye kɛ, “Yemɔ ne ala a wɔha la.”

Edwɛkpa ne kɛmɔ Mateyu hɛlɛle la 27:2

Bɛguale ye anga na bɛvale ye bɛhɔmanle Paelɛte mɔɔ le Wulomu amɛnlado ne.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Dw 19:11

Gyisɛse buale ye kɛ, “Ɛlɛ me nwo zo tumi, ɔluakɛ Nyamenle yɛɛ ɛva ɛmaa wɔ a. Yemɔti sonla ne mɔɔ vale me rawulale ɛ sa nu la a di ɛzonle kpole kpalɛ a.”

Dw 5:21

Kɛmɔ Selɛ ne dwazo mɔwuamra na ɔmaa bɛ ngoane la, zɔhane ala yɛɛ Ralɛ ne ɔdaye ɔmaa awie biala mɔɔ ɔkulo kɛ ɔmaa ye ngoane la ngoane a.

Dw 5:26

Kɛmɔ Selɛ ne a le ngoanemaavolɛ la, zɔhane ala yɛɛ yeyɛ Ralɛ ne ngoanemaavolɛ a.

Ɛzoanvolɛma Gyima ne 17:25

Eza ɔngyia debie biala anwo na sonla ava ɔ sa anloa gyima akpondɛ debie amaa ye, ɔluakɛ ɔdaye a ɔmaa sonla biala ngoane nee ɛnwomenle nee debie biala a.

2 Kɔl 9:13

Bɛ ɛzonlenlɛ gyima ɛhye kile bɛ diedi mɔɔ bɛlɛ la. Ɔlua zo menli dɔɔnwo ye Nyamenle ayɛlɛ kɛ bɛdi Kelaese anwo Edwɛkpa ne mɔɔ bɛlie bɛdo bɛ nwo zo la azo, na bɛ nee awie biala kyɛ nyilalɛ mɔɔ bɛnyia ye la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:26

Bɛhakye ɛhye: Bɛlie Gyisɛse bɛli la ati bɛ kɔsɔɔti bɛ nee Gyisɛse Kelaese ɛbɔ nu ɛyɛ Nyamenle amra.

Mɛla 32:39

“Kɛkala, bɛnwu ye kɛ medame ala a mele Nyamenle a, nyamenle bieko ɛnle ɛkɛ kɛ me ngome. Medame a meku, memaa ngoane a, meboda eza meyɛ ayile a. Awie ɛngola ɛnlie debie wɔ me sa nu.

1 Tem 1:12

Meyɛ yɛ Awulae Kelaese Gyisɛse mɔɔ ɛmaa me anwosesebɛ wɔ me gyima ne anwo la mo. Meyɛ ye mo kɛ yebu me bie na yeva me wɔ ye gyima nu a.

1 Tem 1:15

Ɛhye le nɔhalɛ edwɛkɛ bɔkɔɔ mɔɔ ɔwɔ kɛ bɛdie bɛto nu na bɛdie bɛdi a; Kelaese Gyisɛse rale ewiade ye anu kɛ ɔbalie ɛtanevolɛma, mɔɔ medame a mele bɛ nuhua kpanyinli la ngoane.

1 Tem 2:5

Nyamenle kokye a wɔ ɛkɛ a, yɛɛ pepɛdievolɛ kpɔdavolɛ ko a gyi Nyamenle nee sonla avinli a, yemɔ a le Kelaese Gyisɛse

1 Tem 5:21

Megyi Nyamenle nee Kelaese Gyisɛse nee anwuma soanvolɛma nwuanzanwuanza ne mɔ anyunlu meka meahile wɔ kɛ, di ngyehyɛlɛ ɛhye mɔ azo, na mmanea menli nyunlu anzɛɛ ɛdi mɔguazo wɔ debie biala anu.

1 Tem 6:12

Bɔ mɔdenle ko diedi nu konle kpalɛ ne na ɛ sa aha ngoane mɔɔ ɛnlɛ awieleɛ la, ɔluakɛ ngoane ɛhye ati yɛɛ Nyamenle vɛlɛle wɔ wɔ mekɛ mɔɔ ɛlale wɔ diedi ne ali wɔ dasevolɛma dɔɔnwo ne anyunlu la a.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 21:6

Na ɔzele me kɛ, “Bɛwie debie biala yɛ! Mame a mele ‘Alefa’ nee ‘Omiga’ ne a, mɔlebɛbo ne nee awieleɛ ne. Awie mɔɔ nzuhɔne ɛlɛku ye la mebamaa ye nzubula ne mɔɔ maa ngoane la anu nzule ne bie yeanlo mɔɔ ɔndua ɛhwee a.

Yekile 22:1

Nyamenle soanvolɛ ne eza hilele me nzule ne mɔɔ maa ngoane la azudenle ne. Ɔ nye le kɔngyekɔngye kɛ neanleɛ, na ɔse ɔvi Nyamenle nee Boaneralɛ ne belemgbunli ebia kpole ne abo,

Yekile 3:14

“Kɛlɛ ɛhye kɔmaa Lawɔdesia asɔne ne Nyamenle soanvolɛ ne. “Nrɛlaleɛ ɛhye vi Amen, nɔhalɛnli ne mɔɔ yɛkola yɛfa yɛ rɛle yɛto ɔ nwo zo, nɔhalɛ dasevolɛ ne, mɔɔ le ninyɛne mɔɔ Nyamenle ɛbɔ la amuala abobɔlɛ la ɛkɛ.

1 Sam 2:6

Ɛdɛnkɛma a ku a yɛɛ ɔdaye a ɔmaa ngoane a; ɔmaa menli kɔ mɔwuamra sua zo, na ɔfa bɛ ɔsia ɔba file zo.