1 Tem 6:12 - BAEBOLO ANZƐƐ BULUKU NWUANZANWUANZA

¹² Bɔ mɔdenle ko diedi nu konle kpalɛ ne na ɛ sa aha ngoane mɔɔ ɛnlɛ awieleɛ la, ɔluakɛ ngoane ɛhye ati yɛɛ Nyamenle vɛlɛle wɔ wɔ mekɛ mɔɔ ɛlale wɔ diedi ne ali wɔ dasevolɛma dɔɔnwo ne anyunlu la a.

1 Tem 6:12 ပူးပေါင်းရင်းမြစ်များ

Edwɛndolɛ Buluku ne 63:8

Me ɛkɛla beta wɔ kyengye; ɛ sa fema ne lɛ me nu.

Mrɛlɛbulɛ Buluku ne 3:18

Ɔle ngoane baka ɔmaa bɛdabɛ mɔɔ bɛsɔ nu boɛ la; bɛdabɛ mɔɔ bɛsɔ nu boɛ la di fɛlɛko.

Sɔlɔmɔn Edwɛne 3:4

Mevi bɛ nwo ɛkɛ ne ala la, menwunle me kulovolɛ ne. Menzɔle ye kɛ menrɛmaa ɔnrɛhɔ, kɔkpula kɛ me nee ye ɛhɔ ɔmɔ sua nu, ekpumgbunli ne mɔɔ bɛwole me nu la anu.

Ayezaya Buluku ne 44:5

“Ɛhye baha kɛ, ‘Mele Ɛdɛnkɛma ɛdeɛ;’ ko bava Gyekɔbo duma ado ɔ nwo zo, yɛɛ ko noko bahɛlɛ, ‘Ɛdɛnkɛma ɛdeɛ ɔ’ yeagua ɔ sa anwo, na yeava Yizilayɛ duma yeazɔ ye duma ne azo.”

Zɛkalaya Buluku ne 10:5

Bɛbɔ nuhua a, bɛbayɛ menli anwo ɛzulolɛ wɔ konle nu, bɛatietia bɛ agbɔvolɛ nwo zo wɔ guabile ne mɔ azo. Bɛbaho ɔboalekɛ Ɛdɛnkɛma nee bɛ lua, na bɛbali kpɔvolɛ konlema ne mɔɔ ka mgbɔnwɔ la anwo zo konim.

2 Kɔl 6:7

yɛ nɔhalɛ nrɛlaleɛ ne, nee Nyamenle tumi ne azo yɛla yɛ nwo ali yɛhile kɛ yɛle Nyamenle sonvolɛma. Pɛlepɛlelilɛ a le yɛ konle dadeɛ mɔɔ yɛfa yɛko na yɛfa yɛpepɛ yɛdie yɛ nwo a.

2 Kɔl 9:13

Bɛ ɛzonlenlɛ gyima ɛhye kile bɛ diedi mɔɔ bɛlɛ la. Ɔlua zo menli dɔɔnwo ye Nyamenle ayɛlɛ kɛ bɛdi Kelaese anwo Edwɛkpa ne mɔɔ bɛlie bɛdo bɛ nwo zo la azo, na bɛ nee awie biala kyɛ nyilalɛ mɔɔ bɛnyia ye la.

Mɛla 26:3

Bɛhɔ sɛlɛvolɛ ne mɔɔ ɛzonlenlɛ gyima ne wɔ ɔ sa nu la ɛkɛ ne na bɛha bɛhile ye kɛ, ‘Meka meado gua ɛnɛ kenle ye meahile Ɛdɛnkɛma wɔ Nyamenle ne kɛ, akee medwu azɛlɛ ne mɔɔ Ɛdɛnkɛma vale bɔle yɛ ze mɔ ɛwɔkɛ kɛ ɔkɛva ɔkɛmaa yɛ la azo.’

Pɔɔlo Kɛlata mɔɔ ɔhɛlɛle ɔhɔmanle Felepaema la 1:30

Kɛmɔ mekɛ bie bɛnwunle kɛ ɛnee melɛko wɔ diedi nu la, zɔhane ala yɛɛ kɛkala noko bɛte kɛ megua zolɛ a. Bɛhakye kɛ bɛdabɛ bɛrazɔ konle ko ne ala anu.

Kɔlɔ 3:15

Bɛmaa Kelaese anzonudwolɛ ne mɔɔ ɔmaa bɛ la ɛvinde bɛ kpɔkɛbɔlɛ nu, ɔluakɛ Nyamenle ɛvɛlɛ bɛ muala wɔ asɔne ye anu kɛ bɛdɛnla anzonudwolɛ nu. Bɛnwu nyele.

1 Tɛs 2:12

Yɛzile yɛ ahonle, yɛkyekyele bɛ rɛle, na yɛhɔle zolɛ yɛmanle bɛ anwosesebɛ kɛ bɛbɔ ɛbɛla mɔɔ fɛta Nyamenle ne mɔɔ fɛlɛ bɛ kɛ bɛrɛla ye anyunlunyia Belemgbunlililɛ ne anu la.

2 Tɛs 2:14

Nyamenle luale Edwɛkpa ne mɔɔ yɛhanle yɛhilele bɛ la azo a vɛlɛle bɛ a, amaa bɛanyia Awulae Gyisɛse Kelaese anyunlunyia ne bie.

1 Tem 1:18

Me ra Temɔte, melɛ mɛla ɛhye, kɛmɔ Nyamenle kpɔmanvolɛma edwɛkɛ ne mɔɔ bɛhanle ye wɔ ɛ nwo dɛbadɛba la se la, mewula ɛ sa nu. Maa edwɛkɛ ne ɛyɛ wɔ konle ninyɛne na fa ko konle kpalɛ ne,

1 Tem 1:19

na nyia diedi nee adwenle kpalɛ mɔɔ anu te la. Menli ne bie mɔ ɛminli bɛ diedi, ɔluakɛ bɛnlɛ adwenle kpalɛ mɔɔ anu te a.

1 Tem 4:14

Mmakpo sunsum nu ahyɛlɛdeɛ ne mɔɔ Nyamenle kpɔmanvolɛma hanle a ɛ sa hanle ye wɔ mekɛ mɔɔ mgbanyima ne mɔ vale bɛ sa guale ɛ ti zo la.

1 Tem 6:13

Megyi Nyamenle mɔɔ maa ninyɛne kɔsɔɔti ngoane, nee Kelaese Gyisɛse mɔɔ gyinlanle Pɔntɛse Paelɛte anyunlu lile ye diedi nwo daselɛ la anyunlu, meka meahile wɔ kɛ

1 Tem 6:19

Ye zɛhae ɛnee bɛlɛkuohua bɛ agyadeɛ nloa mɔɔ bayɛ sua bo ɛdolɛ amaa bɛ wɔ kenle bie, amaa bɛ sa aha ngoane ne mɔɔ le nɔhalɛ ngoane ne la.

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

2 Tem 2:2

Fa ngilehilelɛ ne mɔɔ ɛdele ɛvile me ɛkɛ ne wɔ mekɛ mɔɔ ɛnee melɛkilehile menli dɔɔnwo la wula bɛdabɛ mɔɔ ɛdie bɛ ɛdi kɛ bɛkɛhola ye kilehile la asa anu.

2 Tem 4:7

Meho konle kpalɛ ne, mewie ɛnriandilɛ ne su, meli me ɛwɔkɛ zo.

Kɛlata mɔɔ bɛhɛlɛle bɛhɔmanle Hibuluma la 13:23

Memaa bɛade kɛ bɛye adiema nrenya Temɔte bɛvi efiade. Saa ɔba ɛke ndɛndɛ a, me nee ye yɛbarakpɔla bɛ.

Kɛlata mɔɔ bɛhɛlɛle bɛhɔmanle Hibuluma la 3:14

Ɔluakɛ alumua diedi ne mɔɔ yɛnyianle la, saa yɛsɔ nu ɛsesebɛ yɛkɔ awieleɛ a yɛɛ yɛ nee Kelaese kɛli agya a.

Kɛlata mɔɔ bɛhɛlɛle bɛhɔmanle Hibuluma la 6:18

Ɛhye ati, ninyɛne nwiɔ ɛhye mɔ a wɔ ɛkɛ mɔɔ ɛngakyi na ɔkile kɛ Nyamenle ɛnrɛbɔ adalɛ ɛlɛ a, amaa yɛdayɛ mɔɔ yɛnriandi yɛahɔvea ye nu la yɛanyia akɛnrasesebɛ yɛazɔ anyelazo ɛhye mɔɔ bɛva bɛzie yɛ nyunlu la anu kpalɛ.

1 Pit 3:9

Bɛmmafa ɛtane bɛtua ɛtane kakɛ anzɛɛ bɛmmafa butule bɛyia butule. Bɛva nyilalɛ nee kosoɛ ɛyɛlɛ bɛdua ɛtane kakɛ, ɔluakɛ ɛhye ati yɛɛ Nyamenle vɛlɛle bɛ a, amaa bɛanyia nyilalɛ.

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

1 Dw 2:25

Mɔɔ Kelaese ɛva ɛbɔ yɛ ɛwɔkɛ la a le ngoane ne mɔɔ ɛnlɛ awieleɛ la.

Dwuudu Kɛlata ne 1:3

Ayi mɔ, menzuzule kɛ mekɛlɛ bɛ wɔ ngoanelielɛ ne mɔɔ yɛnyia ye la anwo, na menwu kɛ ɔhyia kɛ mekɛlɛ bɛ na mesi bɛ ahonle kɛ bɛho bɛmaa diedi ne mɔɔ Nyamenle ɛva ɛmaa ye menli ne bɔkɔɔ la.

Yekile 3:3

Zɔhane ati, kakye mɔɔ bɛhilehile wɔ nee mɔɔ ɛdele la, di zolɛ, na nu ɛ nwo. Saa wɔanyɛ ɛ nye gyɛlɛmgbɛɛnye a, mebara ɛ nwo zo kɛ awule, na ɛnrɛnwu mekɛ ko ne mɔɔ mebava meara la.

Maanlebuvolɛma Buluku ne 3:2

Ɔyɛle ɛhye kɛ ɔfa yeahile Yizilayɛma awolɛndoazo ne mɔ konle deɛ holɛ, na bɛdabɛ mɔɔ bɛtɛnwunle konle ɛlɛ la anwu kɛ konle si de la.