1 Tem 6:10 - BAEBOLO ANZƐƐ BULUKU NWUANZANWUANZA

¹⁰ Ɔluakɛ ezukoa nwo anyebolo le munzule muala abo ndinli; bie mɔ anye ɛbolo ye ɛkpondɛlɛ somaa yemaa bɛvi diedi ne anwo mɔɔ akee nyane ala a bɛdi a.

1 Tem 6:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 29:14

na Leeban zele Gyekɔbo kɛ, “Amgba, ɛle me dehelɛ bɔkɔɔ!” Na ɔ nee ye dɛnlanle siane ko.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 29:26

Leeban buale ye kɛ, “Bɛnyɛ ye zɔhane wɔ yɛ maanle ye anu. Saa ralɛ raalɛ kpanyinli ne ɛtɛkɔle agyalɛ a, yɛnva kakula ne yɛmmaa agyalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 34:27

Gyekɔbo amra mrenya mɔɔ hale la rale menli mɔɔ bɛhu bɛ la avinli, na bɛwuale suakpole ne azo debie biala, ɔboalekɛ bɛgua bɛ diema raalɛ ne anyunlu aze.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 38:16

Dwuda hɔle ɔ nwo ɛkɛ ne wɔ adehane ne na ɔzele ye kɛ, “Dwazo, maa me nee wɔ ɛhɔla,” ɔluakɛ ɛnee ɔnze kɛ ɔ ra ne aye ne ɔ. Raalɛ ne bizale ye kɛ, “Saa ɛ nee me da a, duzu a ɛkɛmaa me a?”

1 Arl 2:40

Zɔhane ati Hyemɛyae vole ye asoaso zo hɔle Ekehye ɛkɛ kɛ ɔkakpo bɛ bo zo; ɔhɔnwunle ye ngɛkɛlɛ ne mɔ na ɔvale bɛ ɔziale ɔrale.

2 Arl 5:27

Zɔhane ati Neeman kokobɛ ne badila wɔ nee ɛ bo zo amra dahuu.” Gɛheezae vindele la ɛnee kokobɛ ne ɛdila ye, ɔ nwo ɛyɛ nzelabenle.

Edwɛndolɛ Buluku ne 32:10

Amumuyɛnli munzule zonle; na mɔɔ arɛle wɔ Ɛdɛnkɛma anu la, ɛhulolɛ kpundii ɛbɔ ye mgbɔlɔka.

Edwɛndolɛ Buluku ne 62:10

Mmafa ɛ rɛle ɛwula apobɔlɛ nu, mmafa ɛ nye ɛto ɛwualɛ zo; saa anwonyia nu noko a, mmafa wɔ ahonle ɛto zo.

Mrɛlɛbulɛ Buluku ne 1:19

Bɛdabɛ mɔɔ bɛfa menli ɛhunlɛ bɛkpondɛ anwonyia la adenle kɛ de la ɛne; bɛdabɛ bɛ ngome bɛ kɔdiawu anwonyia ne pɛ ɔ nwo ku bɛ.

Mrɛlɛbulɛ Buluku ne 1:31

mɔɔ bɛyɛ la anwo aleɛ yɛɛ bɛbali a, na bɛdabɛ bɛ ngome bɛ adwenle ɛtane ne abɔ bɛ ti.

Mrɛlɛbulɛ Buluku ne 15:27

Sonla mɔɔ anye sɔ kpondɛ nvasoɛ amile nu la twehwe edwɛkɛ maa ye sua nu amra, na mɔɔ kyi ndoloboa la lɛ ngoane.

Nolo 2:19

na nwane a ze a, saa ɔle nrɛlɛbɛvolɛ anzɛɛ ɔle koasea a? Noko akee ɔbahendehende debie biala mɔɔ meva me nrɛlɛbɛ mevɛ mekpondɛ la azo. Ɛhye noko le mgbane.

Ayezaya Buluku ne 1:23

Bɛ arelemgbunli le atuadelɛma yɛɛ bɛva nwule agɔnwolɛ. Awie biala kulo ndoloboa yɛɛ bɛpele bɛkpondɛ ahyɛlɛ ninyɛne. Bɛnlie mɔɔ ɛnlɛ ɔ ze la ati, yɛɛ bɛndwenle ahunlanvolɛ mraalɛ ne mɔ anwo.

Ayezaya Buluku ne 56:11

Ahwea ne mɔ le adidikpoku kpole kpalɛ; bɛdi a bɛ ko ɛnyi ɛlɛ. Mboaneneavolɛma ne mɔ noko ɛnlɛ ndelebɛbo; biala ɛva ɔdaye ye adenle ɛdeɛ zo. Biala dwenle ɔ ngome ye kpalɛyɛlɛ nwo.

Yizikeɛle Buluku ne 13:19

Bɛbɔ adalɛ bɛhile me menli ne mɔ mɔɔ kulo adalɛ la, bɛgua me nyunlu aze wɔ me menli ne anyunlu, bɛlie baale nee kpanwo, bɛhu menli mɔɔ ɔnle kɛ wu la, na bɛlie menli mɔɔ fɛta ewule la ngoane.

Yizikeɛle Buluku ne 16:33

Mrenya yɛɛ maa tuutuuma ahyɛlɛ ninyɛne a, na bɛmɛ, bɛmaa bɛ kulovolɛma ndoloboa amaa bɛanyia bɛ dɔɔnwo bɛ nee bɛ abɔ tuutuu ɛbɛla.

Yizikeɛle Buluku ne 22:12

Menli wɔ bɛ avinli mɔɔ die ndoloboa ku awie mɔ, bɛdie nzinwo, bɛdie bie bɛboka nwo na bɛsisi awie mɔ bɛfa bɛnyia bɛ nwo. Bɛ rɛle ɛvi me bɔkɔɔ, medame Awulae Nyamenle a mese a.

Maeka Buluku ne 3:11

Zolɛ mgbanyima die ndoloboa na bɛabua ndɛne, zolɛ sɛlɛvolɛma maa bɛbɔ bɛ ɛkpa na bɛahilehile Nyamenle edwɛkɛ ne, yɛɛ Nyamenle kpɔmanvolɛma pɛ bolɛ na bɛaha ɛbizalɛ edwɛkɛ ne. Noko bɛfa bɛ adwenle bɛto kɛ Ɛdɛnkɛma nee bɛ lua na bɛka kɛ, “Ɛdɛnkɛma de yɛ avinli. Munzule biala ɛnrɛra yɛ nwo zo.”

Malakae Buluku ne 1:10

Ɛdɛnkɛma se, “Anrɛɛ bɛ nuhua ko ahɔtoto Ɛzonlenlɛ Sua ne nlenkɛ ne mɔ anu amaa bɛanzɔ senle wɔ me azukponle ne azo mgbane mgbane. Me kunlu ɛndwo bɛ nwo yɛɛ menrɛlie bɛ sa nu azubɔdeɛ biala.

Edwɛkpa ne kɛmɔ Mateyu hɛlɛle la 13:22

Ma ne mɔɔ guale mbowule nu la gyi ɛkɛ maa menli mɔɔ tie edwɛkɛ ne noko aleɛabo ɛbɛlabɔlɛ nwo adwenleadwenle nee anwonyia ɛhulolɛ nwo adwenle fo edwɛkɛ ne azo, na bɛnzo ma la.

Edwɛkpa ne kɛmɔ Mateyu hɛlɛle la 23:13

“Munzule ɛha bɛmɛ mɛla kilehilevolɛma nee Falasiima! Nabalabama! Bɛmɛ, bɛto Anwuma Belemgbunlililɛ anlenkɛ ne anu bɛmaa menli ne ka ɔ nzi; bɛmɛ a, bɛnrɛhɔ nu, yɛɛ akee noko bɛnrɛmaa bɛdabɛ mɔɔ bɛlɛbɔ mɔdenle bɛahɔ nu la adenle bɛnrɛmaa bɛnrɛhɔ nu. [

Edwɛkpa ne kɛmɔ Mateyu hɛlɛle la 6:19

“Bɛmmakpondɛ bɛ anwonyia bɛsie azɛlɛ ye azo, anrɛɛ ɛlɛtɛba nee nrɛnlana kɛzɛkye ye, na nwule noko kola wua.

Edwɛkpa ne kɛmɔ Maake hɛlɛle la 4:19

na ɛbɛlabɔlɛ ye anwo adwenleadwenle, anyiabɛnwo ɛhulolɛ, nee ninyɛne mgbane mgbane nwo atiakunluwɔzo fo keda edwɛkɛ ne azo, ɛhye ati bɛnzo ma.

Mɛla 16:19

Bɛmmadi mɔguazo, bɛmmanea sonla nyunlu yɛɛ bɛmmadie ndoloboa, ɔluakɛ ndoloboa ɛlielɛ si nrɛlɛbɛvolɛ bɔbɔ anye na ɔsɛkye mɔɔ di pɛlepɛle la adenle ɔmaa ɔbua mgbɔvodɛne.

Mɛla 23:18

Ezukoa biala noko mɔɔ bɛkɛnyia ye wɔ tuutuulilɛ nu la, bɛmmafa bɛbatua ɛwɔkɛ, yɛɛ bɛmmafa bɛbɛlɛ Ɛdɛnkɛma bɛ Nyamenle ne. Ɔluakɛ Ɛdɛnkɛma bɛ Nyamenle ne kyi ninyɛne ɛhye mɔ.

Kɔlɔ 3:5

Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane, yɛɛ anyebolo, ɔluakɛ ɛhye mɔ ɛyɛlɛ le awozonle ɛzonlenlɛ.

1 Tem 3:3

ɔnle kɛ ɔyɛ nzanli anzɛɛ ɔdi mgbonde; ɔwɔ kɛ ɔyɛ sonla bɛtɛɛ mɔɔ kyi manzonle; ɔnle kɛ ɔ nye bolo ezukoa.

1 Tem 6:21

Ɔluakɛ bie mɔ ɛha kɛ bɛlɛ ɛhye na ɔlua ɔ ti bɛminli diedi adenle ne. Nyamenle ɛlo bɛ muala.

1 Tem 6:9

Bɛdabɛ mɔɔ bɛkpondɛ bɛ nwo bɛanyia la tɔ ngyegyelɛ nu, na munzule atiakunluwɔzo mgbane mgbane mɔɔ sɛkye menli, minli bɛ bo zo la kye bɛ wɔ ye ɛhane nu.

2 Tem 3:2

Menli bayɛ angomedi nee ezukoa nwo anyebolo, bɛbamemaa bɛ nwo zo na bɛazua anyetele; bɛbabɔ aholoba, bɛnrɛdie bɛ awovolɛma, bɛbakpo amunli, bɛnrɛzonle Nyamenle;

2 Tem 4:10

Dimase ɛhulo kɛkala ewiade ye na yekpo me, yehɔ Tɛsalonaeka. Kelɛsɛnze ɛhɔ Galeehyea, yɛɛ Taetɛse ɛhɔ Dalemeehyea.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:11

Ɔwɔ kɛ ɛtua bɛ, ɔboalekɛ ɔlua ezukoakpondɛlɛ ti bɛlɛkilehile mɔɔ ɔnle kɛ bɛkilehile la, na bɛlɛsɛkye mbusua dɔɔnwo bɛabɔ bɛ awuke.

Gyemise Kɛlata ne 5:19

Mediema, saa bɛ nuhua bie kpɔkye fi nɔhalɛ ne anwo na ɔlɛminli, na bɛ nuhua bie kɔfa ye ba a,

Dwɔhyua Buluku ne 7:21

ninyɛne mɔɔ yɛhonle yɛvale la menwunle anwuma tɛladeɛ kɛnlɛma bie mɔɔ bɛyɛle ye wɔ Babelonia la, dwɛtɛ fufule mɔɔ ye ɛnlomboɛ to kɛyɛ tone nu kilo nwiɔ, ezukoa nvutuke kpɔma ko mɔɔ kɛyɛ kilo foa ko la, na me nye bolole bɛ. Yemɔti menvale. Mevu meyɛ me ndanlɛ sua ne abo, na dwɛtɛ fufule ne a li ɔ bo kpalɛ a.”

Dwuudu Kɛlata ne 1:11

Abule ɛbu bɛ! Bɛva Keen agyakɛ. Bɛdoa ezukoa fɛlɛko bɛvo kɛ Beelam la. Bɛde atua kɛ Kɔla dele la, na bɛminli bɛ bo zo.

Yekile 18:13

bɛ ninyɛne evuanlɛ mɔɔ le kɛ kabɛlɛ, dazia, ɛyɛlɛ, alufuanlɛ, yɛɛ sakyeɛ; nwanye, nwole, esamo, yɛɛ hwiiti; nlankɛ nee mboane, mgbɔnwɔ nee konle ehwili, ahanra, yɛɛ menli bɔbɔ, bɛnrɛnwu bie.