1 Tem 5:8 - BAEBOLO ANZƐƐ BULUKU NWUANZANWUANZA

⁸ Saa awie ɛngola ye mbusua nea, bɔbɔ ɔngola ye awovolɛ boɛ nea a, ɛnee yekpo diedi ne na yezɛkye yedɛla sonla mɔɔ ɛnlɛ diedi la.

1 Tem 5:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 30:30

Ɔluakɛ ɛnee wɔ nyɛmoa le ekyi bie yɛɛ membale a, kɛkala bɛ nwo ɛzo dɔɔnwo kpalɛ, yɛɛ medame me ti, Ɛdɛnkɛma ɛyila wɔ wɔ debie biala anu. Na kɛkala menea a akee yedwu mekɛ mɔɔ ɔwɔ kɛ medwenle me sua nu amra anwo a.”

Ayezaya Buluku ne 58:7

Ɛhɔnehyelɛ a le kɛ bɛkɛmaa mɔɔ ɛhɔne ɛlɛku ye la bɛ aleɛ mɔɔ bɛdi la bie, na bɛkɛva ehyianli anwo anwunvɔne ne mɔɔ ɛnlɛ ɛleka ɛnla la bɛkɛra sua nu. Saa bɛnwu awie mɔɔ ɛngeda bie la a bɛmaa ye ɛdanlɛ ɔheda na bɛmmafa bɛ nwo bɛfea bɛ nwo amra.

Edwɛkpa ne kɛmɔ Mateyu hɛlɛle la 18:17

Saa yeandie bɛ edwɛkɛ a, ka kile asɔnema amuala. Eza saa ɔnrɛdie asɔnema amuala noko edwɛkɛ a, ɛnee fa ye kɛ ɔnze Nyamenle anzɛɛ ɔle kɛ adwuledievolɛ la.

Edwɛkpa ne kɛmɔ Mateyu hɛlɛle la 7:11

Na saa bɛmɛ mɔɔ bɛle ɛtanevolɛma la bɛze kɛ ɔwɔ kɛ bɛfa ninyɛne kpalɛ bɛmaa bɛ mra a, ɛnee fane nyɛ yɛɛ bɛ Ze mɔɔ wɔ anwuma la ɛnrɛva ninyɛne kpalɛ ɛnrɛmaa bɛdabɛ mɔɔ bɛbiza ye la ɛ?

Dw 15:22

Saa meamba meammanga edwɛkɛ ne meangile bɛ a anrɛɛ bɛnli ɛtane nwo fɔlɛ; kɛkala, bɛnlɛ bɛ ɛtane nwo nyelebɛnloa biala.

1 Kɔl 6:6

mɔɔ yemɔti adiema fa adiema kɔ kɔɔto kɔmaa bɛdabɛ mɔɔ bɛnlie Edwɛkpa ne bɛnli la bua bɛ ndɛne a?

2 Kɔl 12:14

Ye fane nsa mɔɔ meboɔboa me nwo kɛ mebakpɔla bɛ la ɛne; saa meba a menrɛrakpolo bɛ kɔme, ɔluakɛ bɛdabɛ mumua ne a mekpondɛ bɛ a, na tɛ mɔɔ bɛlɛ ye la ɔ. Tɛ mralɛ a kpondɛ sie awovolɛma a, awovolɛma a kpondɛ sie mralɛ a.

2 Kɔl 6:15

Kɛ ɔkɛyɛ na Kelaese nee Abɔnsam anloa azɛ bɛ nwo ɛ? Duzu a diedinli nee bozonle ɛzonlenlɛnli lɛ ye yɛ a?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:10

Zɔhane ati, kenle biala mɔɔ mekɛ kɛra kɛ ɔwɔ kɛ yɛyɛ nyele la, bɛmaa yɛyɛ yɛmaa awie biala, bɔbɔ bɛdabɛ mɔɔ yɛ nee bɛ yɛ muala yɛlɛ diedi ko la.

2 Tem 2:12

Saa yɛgyinla kpundii a, yɛ nee ye bali belemgbunli. Saa yɛkpo ye a, ɔdaye ɔkɛkpo yɛ.

2 Tem 3:5

bɛbazɔ nyamenlezonlenlɛ nu, na bɛnrɛlie ye tumi kpalɛ ne bɛnrɛdo nu. Twe ɛ nwo fi menli zɛhae mɔ anwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:16

Bɛdabɛ bɛse bɛze Nyamenle, noko bɛ nyɛleɛ ɛngile zɔhane. Ɛkpɔlɛ nee anzosesebɛ ɛyi bɛ tɛkɛɛ, yɛɛ bɛnze debie kpalɛ biala yɛ.

2 Pit 2:1

Mekɛ bie Nyamenle kpɔmanvolɛma alane bie vindele menli ne avinli. Zɔhane ala yɛɛ kilehilevolɛma alane bavinde bɛdabɛ noko bɛ avinli a. Bɛbava adalɛ ngilehilelɛ nee awozinli nu ngehanleɛ mɔɔ sɛkye adwenle la bɛara. Yemɔti bɛbakpo Menlenlɛ ne mɔɔ liele bɛ ngoane la na bɛahwe arɛlevilɛ nu munzule bɛamaa bɛ nwo.

Dwuudu Kɛlata ne 1:4

Ɔluakɛ menli bie mɔɔ ɛnze Nyamenle na bɛyɛ bɛ nzonlɛ bɛdo ɛkɛ dɛba kɛ bɛbazɛkye bɛ la ɛpe adenle bie azo ɛravea yɛ avinli. Menli ɛhye mɔ kakyi yɛ ɛlolɛ ne mɔɔ Nyamenle ɛva ɛlo yɛ mgbane la adwɔmanebɔlɛ, yɛɛ eza bɛkpo Gyisɛse Kelaese mɔɔ le yɛ Menle nee yɛ Awulae kokye la.

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.

Yekile 3:8

Meze mɔɔ ɛyɛ la; meze kɛ wɔ tumi le ekyi bie, noko wɔli me ngilehilelɛ zo na wɔli nɔhalɛ wɔmaa me.