1 Tem 5:6 - BAEBOLO ANZƐƐ BULUKU NWUANZANWUANZA

⁶ Na kunlanvolɛ mɔɔ ɛlɛdi ɔ ti la, kanzɛ ɔde ngoane nu bɔbɔ a yewu dɛbadɛba.

1 Tem 5:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:17

na kpalɛ nee ɛtane ɛnwunlɛ baka ne, yemɔ mmadi ye ma ne bie, ɔluakɛ kenle ko ne mɔɔ ɛkɛli bie la, ɛbawu.”

Mrɛlɛbulɛ Buluku ne 29:21

Sonla mɔɔ kɛdɛfɛdɛfɛ ye sonvolɛ vi ye ngakula nu la, ɔ nye zo katete ye la ɛnee yeli ye agya.

Ayezaya Buluku ne 22:13

na nea, bɛmanle bɛ nye liele, bɛlile fɛlɛko, bɛhunle nlankɛ nee mboane, bɛlile nane na bɛnlonle nwanye, na bɛhanle kɛ, “Bɛmaa yɛli na yɛnlo, na ɛhyema ɛnee yɛwu.”

Ayezaya Buluku ne 47:1

Ɛdɛnkɛma se, “Babelɔn, dwu aze badɛnla ndɛtɛlɛ nu. Kalediama suakpole mɔɔ ɛnli kotɔ, ɛvi wɔ belemgbunli ebia ne azo dwu aze, ɔluakɛ ɛ nwo ɛngyia bieko.

Gyɛlɛmaya Buluku ne 6:2

Suakpole Zayɔn ɛfifi kɛnlɛma, noko bɛbabɔ ye.

Gyɛlɛmaya Awolɛyelɛ 4:5

Menli mɔɔ anrɛɛ di aleɛ kpalɛ la, ɛnɛ ɛhɔne ku bɛ gua guabile zo; bɛdabɛ mɔɔ anrɛɛ bɛde arelemgbunli azua nu la ɛnɛ gua fovolɛ zo.

Edwɛkpa ne kɛmɔ Mateyu hɛlɛle la 8:22

Gyisɛse zele ye kɛ, “Wɔmɔ maa yɛhɔ, na gyakyi bɛdabɛ mɔɔ bɛwu la maa bɛzie bɛ avunli.”

Edwɛkpa ne kɛmɔ Luku hɛlɛle la 12:19

Na akee meaze me nwo kɛ, Me ɛkɛla, ɛ ti ɛyɛ boɛ! Wɔnyia ninyɛne kpalɛ dɔɔnwo mɔɔ nee wɔ badwu ɛvolɛ dɔɔnwo a. Die wɔ ɛnwomenle, di, no, na die ɛ nye!’

Edwɛkpa ne kɛmɔ Luku hɛlɛle la 15:13

Kenle ekyi guale nu la ralɛ nrenya kakula ne dɔnenle ye ninyɛne ɛdeɛ ne kɔsɔɔti na ɔvale ezukoa ne ɔbɔle ɔ nwo ɔhɔle maanle zo. Ɔhɔle la, ɔbɔle ɛbɛla mgbane mgbane na ɔzɛkyele ye ezukoa ne amuala.

Edwɛkpa ne kɛmɔ Luku hɛlɛle la 15:24

Ɔluakɛ me ra ɛhye, mefa ye kɛ ɔwule, na kɛkala yera ngoane nu; ɔminlinle, na kɛkala menwu ye.’ Na bɛbɔle ɔ bo kɛ bɛdie bɛ nye.

Edwɛkpa ne kɛmɔ Luku hɛlɛle la 15:32

Noko ɔwɔ kɛ yɛdie yɛ nye na yɛdi fɛlɛko ala, ɔboalekɛ, ɛ diema ye, ɔwule, yɛɛ yezia yera ngoane nu bieko a; ɔminlinle, yɛɛ yɛnwu ye a.’ ”

Edwɛkpa ne kɛmɔ Luku hɛlɛle la 16:19

“Nrenya sukoavolɛ bie woale ɛkɛ; ɔhedale ndanlɛ ngɛnlɛma mɔɔ awolɛ yɛ se la na ɔlile ɔ ti dahuu.

Edwɛkpa ne kɛmɔ Luku hɛlɛle la 7:25

Duzu a bɛhɔle ye ɛnleanlɛ a? Sonla mɔɔ heda ɛdakpa la ɔ? Nɔhalɛ, bɛdabɛ mɔɔ bɛkeda ɛdakpa na bɛde anyelielɛ nu la wɔ arelemgbunli azua nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:1

Dɛba ne, bɛ mɛladonlɛ nee bɛ ɛtane ne mɔ manle bɛwule sunsum nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:5

yemɔti mekɛ mɔɔ ɛnee yɛwu sunsum nu wɔ yɛ mɛladonlɛ ti la, ɔvale yɛ nee Kelaese ɔrale ngoane nu. Ɔlua Nyamenle ɛlolɛ ti yɛɛ bɛlie bɛ ngoane a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:14

ɔluakɛ debie biala mɔɔ kɛla ali la, ɛnee yeyɛ wienyi. Yemɔti a bɛha ye kɛ, “Wɔmɔ mɔɔ wɔlafe a, tunwue na ɛvi mɔwuamra anu dwazo! Na Kelaese wienyi ne kɛda ɛ nwo.”

Mɛla 28:54

Saa ɔba ye zɔhane a, sonla nrenya bɔbɔ mɔɔ di ɔ nwo eni na ɔle sonlakpole la ati bayɛ se. Ɛhɔne anyezota bamaa yeava ye aleɛ yeavea, ɔnrɛmaa ɔ diema nrenya bie, ɔnrɛmaa ɔ ye bɔbɔ mɔɔ la ye ahonle nwo la bie, na yeayɛ ɔ mra mɔɔ ɔ nee bɛ de la. Ɔku ɔ mra ne mɔ bie bɔbɔ ɔto aleɛ a ɔnrɛmaa awie bie, ɔluakɛ ɛhwee ɛnle sua nu.

Mɛla 28:56

Zɔhane ala yɛɛ raalɛ mɔɔ de boɛ mɔɔ ɛngyia ɛhwee nwo la, ɛhɔne anyezota bamaa yeayɛ ɔ hu nee ɔ mra aleɛ nwo abokɛ a.

Kɔlɔ 2:13

Mekɛ bie mɔɔ ɛraze ɛhɔ la ɛnee ɔlua bɛ ɛtane ti, nee kɛmɔ bɛnle Dwuuma na bɛnle Mosisi mɛla ne abo la ati, ɛnee bɛwu sunsum nu, na kɛkala Nyamenle ɛva bɛ nee Kelaese ɛra ngoane nu, na yeva yɛ ɛtane ne mɔ amuala yehyɛ yɛ.

2 Tem 3:6

Menli ɛhye bie mɔ luolua nu wolowolo azua di mraalɛ mɔɔ anwo ɛhyele bɛ na bɛ nwo yɛ anwunvɔne, na bɛ ɛtane nwo fɔlɛlilɛ ɛyɛ adesoa ɛlɛbu bɛ kɔme, na nwonane nu atiakunluwɔzo ngakyile ɛndie bɛ la anzo.

Gyemise Kɛlata ne 5:5

Bɛ ɛbɛlabɔlɛ wɔ ewiade ye anu ɛyɛ anyelielɛ nee fɛlɛkolilɛ ngome; bɛli bɛ nwo adane, bɛyɛ mbelane kɛ nlankɛ mɔɔ bɛ mekɛ ɛdwu mɔɔ bɛ nee bɛ ɛlɛkɔ ahunleɛ la.

Yekile 18:7

Bɛmaa ɔde nyane na ye amaneɛnwunlɛ ne ɛyɛ kpole kɛ ye anyunlunyia nvoanle ne mɔɔ ɔnyianle, nee ye anwoneɛ ne mɔ mɔɔ ɔvale ɔyɛle ɔ nwo la. Kɛmɔ ɔde a ɔka ɔkile ɔ nwo kɛ, ‘Mele belemgbunli raalɛ! Menle kunlanvolɛ raalɛ, menrɛnwu nyane deɛ holɛ’ la,

Yekile 3:1

“Kɛlɛ, ɛhye kɔmaa Saadese asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ Nyamenle Sunsum nsuu ne nee nwɔlɔra nsuu ne la ɛkɛ ne. Meze mɔɔ ɛlɛyɛ la amuala; meze kɛ wɔlie duma kɛ ɛ nye gyi zo, noko wɔwu.

1 Sam 15:32

Samoɛle zele kɛ, “Bɛva Amalɛke Belemgbunli Egage bɛrɛla ɛke.” Egage vale anwondɛlɛ rale. Ɔzele kɛ, “Nɔhalɛ nu, ewule ɛkpa me ti.”

1 Sam 25:6

Bɛkɔ a bɛze ye kɛ Devidi se, ‘Anzonudwolɛ ɛha wɔ, anzonudwolɛ ɛha wɔ awuke nu amra na anzonudwolɛ ɛha debie biala mɔɔ ɛlɛ la.