1 Tem 5:5 - BAEBOLO ANZƐƐ BULUKU NWUANZANWUANZA

⁵ Kunlanvolɛ mɔɔ ɛnlɛ awie ɛnnea ye la, ɛva ɔ nye ɛdo Nyamenle anwo zo, na ɔhɔ zolɛ ɔbodo ɔzɛlɛ na ɔbiza moalɛ aledwolɛ nee alehyenlɛ.

1 Tem 5:5 ပူးပေါင်းရင်းမြစ်များ

Edwɛndolɛ Buluku ne 91:4

Ɔbava ɔ ndɛba yeaheda ɛ nwo zo, ɔ ndɛba abo yɛɛ ɛbavea a; ye nɔhalɛlilɛ ne le enyinlike nee nwowa.

Ayezaya Buluku ne 12:2

Bɛnlea, Nyamenle le me ngoanedievolɛ; menrɛzulo, mebava me rɛle meawula ye nu, ɔluakɛ Ɛdɛnkɛma Nyamenle ne le me anwosesebɛ nee me edwɛne, na yeyɛ me ngoanedievolɛ.”

Ayezaya Buluku ne 3:26

Bɛ suakpole ne nlenkɛ mgbole ne mɔ bazu aye awolɛ; suakpole mumua ne bayɛ kɛ raalɛ mɔɔ bɛkpa ɔ nwo na ɔkpofo azɛlɛ nwo la.

Ayezaya Buluku ne 49:21

Akee bɛbaha ye bɛ ti akunlu kɛ, ‘Nwane a wole ngakula ɛhye mɔ manle yɛ a? Yɛ mra ne mɔ wule, yɛpɛle awolɛ, bɛhyele yɛ nuokɛ bɛhɔle nlɔnu; na nwane a wole menli ɛhye mɔ a? Bɛnlea, ɔhale me ngomekye ala; nienwu a akee ɛhye mɔ vi ɛra a.’ ”

Ayezaya Buluku ne 50:10

Nwane a wɔ bɛ avinli mɔɔ sulo Nyamenle, na ɔyɛ tieyɛ ɔmaa ye sonvolɛ ne, mɔɔ lua awozinli nu na ɔnlɛ kɛnlaneɛ, noko ɔ rɛle wɔ Ɛdɛnkɛma anu, na ɔfa ɔ nwo ɔmaa ye Nyamenle ne la?

Ayezaya Buluku ne 54:1

Ɛdɛnkɛma se, “O motanli mɔɔ anwo ralɛ a, to edwɛne; to edwɛne na maa ɛ ne ɛhɔ anwuma, wɔmɔ mɔɔ ɛtɛtele awolɛ nyane ɛlɛ a! Ɔluakɛ raalɛ ne mɔɔ bɛkpo ye la amra bazo dɔɔnwo adɛla raalɛ ne mɔɔ de agyalɛ ne abo la. Medame Ɛdɛnkɛma a mese a.

Gyɛlɛmaya Awolɛyelɛ 1:13

“Ɔzoanle senle vi anwuma; ɔmanle ɔwolole me mbowule nu; ɔzuale me ɛhane; ɔdole me aze; yegyakyi me ɛkɛ, me nye zo bulu alehyenlɛ muala.

Edwɛkpa ne kɛmɔ Luku hɛlɛle la 18:1

Akee Gyisɛse bule ɛrɛlɛ ɛhye hilele ye ɛdoavolɛma ne mɔ vale hilele kɛ ɔwɔ kɛ bɛyɛ nzɛlɛlɛ dahuu na ɔnle kɛ bɛkpo aze.

Edwɛkpa ne kɛmɔ Luku hɛlɛle la 18:7

Asoo Nyamenle ɛnrɛli ɔdaye ye menli ne mɔɔ kpondɛ moalɛ na bɛtea bɛfɛlɛ ye nɔɔzo nee ewiazo la ati edwɛkɛ? Asoo ɔkɛhwenlehwenle ɔ bo aze wɔ bɛ moalɛ nwo?

Ɛzoanvolɛma Gyima ne 26:7

Ɛwɔkɛ ne ati yɛɛ yɛ mbusua ekpunli bulu nee nwiɔ ye gua ɛzonlenlɛ zo alehyenlɛ nee aledwolɛ, kɛ saa bɛkɛnyia ye a. Na anyelazo ɛhye ala ati, Nana, yɛɛ Dwuuma ɛlɛto me ɛzonle zɛhae a.

Ɛzoanvolɛma Gyima ne 6:1

Nzinlii, mɔɔ ɛnee akee ɛdoavolɛma ne anwo ɛlɛso la, ɛdendɛlɛ radɔle Dwuuma mɔɔ ka Giliki nee Dwuuma mɔɔ wɔ maanle ne anu la avinli. Dwuuma mɔɔ ka Giliki la se bɛbu bɛ nye bɛgua bɛ ahunlanvolɛ mraalɛ ne mɔ anwo zo wɔ dahuu ndɔnielilɛ nu.

Ɛzoanvolɛma Gyima ne 9:39

Pita noko anzi aze na ɔ nee bɛ hɔle. Ɔhɔdwule la, bɛ nee ye hɔle ɛbolɔnsane ne azo ɛleka mɔɔ bɛdeda ye la. Ahunlanvolɛ mraalɛ mɔɔ Dɔkase ɛyɛ bɛ nyele ɛlɛ la vale ɛzunlɛ rabɔle yiale Pita na bɛvale adɛladeɛ mɔɔ Dɔkase kpomgbale hyɛle bɛ, wɔ mekɛ mɔɔ ɔde aze la bɛhilele ye.

Ɛzoanvolɛma Gyima ne 9:41

Pita zɔle ye manle ɔdwazole ɔgyinlanle. Akee ɔvɛlɛle diedima ne nee ahunlanvolɛ mraalɛ ne mɔ na ɔvale ye ɔmanle bɛ.

Wulo 1:12

Mɔɔ mekpondɛ meaha la a le kɛ, saa yɛ muala yɛyia nu a bɛ diedi bamaa me anwosesebɛ, yɛɛ me diedi bamaa bɛ diedi anyi.

Wulo 1:5

Ɔ nwo zo yɛɛ ɔlua mɔɔ Nyamenle ɛlo yɛ ɛmaa merayɛ ɛzoanvolɛ a, amaa menli kɔsɔɔti alie ye duma ne ali na bɛadie ye.

1 Kɔl 7:32

Mekpondɛ kɛ bɛye adwenleadwenle muala bɛfi ɛkɛ. Nrenya mɔɔ ɛngya raalɛ la dwenle Awulae gyima ne anwo, ɔluakɛ ɔbɔ mɔdenle kɛ ɔkɛzɔ Awulae anye;

1 Kɔl 7:34

Zɔhane ati ye adwenle ne ɛhyɛ nwiɔ. Raalɛ mɔɔ bɛtɛgyale ye la dwenledwenle Awulae gyima ne anwo, ɔluakɛ ɔkpondɛ kɛ ɔtu ye sonlabaka ne nee ye ɛkɛla ne ɔmaa Nyamenle; na awuvolɛ raalɛ dwenledwenle ewiade ninyɛne nwo, ɔluakɛ ɔkpondɛ kɛ ɔmaa ɔ hu anye die.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:18

Bɛva nzɛlɛlɛ bɛyɛ ɛhye mɔ amuala na bɛbiza Nyamenle moalɛ. Mekɛ biala bɛzɛlɛ kɛmɔ sunsum ne kile la. Zɔhane ati bɛmaa bɛ nye ɛbolo bɛbodo bɛzɛlɛ kpalɛ wɔ Sunsum ne anu dahuu. Bɛyɛ bɛ nye gyɛlɛmgbɛɛnye na bɛmmamaa bɛ sa kpa; bɛzɛlɛ dahuu bɛmaa Nyamenle menli ne noko,

Pɔɔlo Kɛlata mɔɔ ɔhɛlɛle ɔhɔmanle Felepaema la 4:6

Bɛmmadwenle debie biala anwo. Wɔ debie biala anu bɛyɛ moyɛlɛ nzɛlɛlɛ na bɛva mɔɔ bɛhyia nwolɛ la bɛdo Nyamenle anyunlu.

1 Tem 2:1

Zɔhane ati, edwɛkɛ mɔɔ lumua la a le kɛ, anrɛɛ bodo, sɛlɛ maa ɛ nwo nee awie mɔ na yɛ Nyamenle mo wɔ menli kɔsɔɔti ati.

1 Tem 5:16

Saa diedinli raalɛ bie lɛ ahunlanvolɛ wɔ ye abusua nu a, ɔboa bɛ, na ɔmmafa bɛ nwo ɛzonle ɔsoa asɔne ne, amaa asɔne ne ahola aboa ahunlanvolɛ mɔɔ ɛnlɛ bɛ awie mɔ la.

1 Tem 5:3

Di ahunlanvolɛ mɔɔ ɛnlɛ neavolɛ la eni.

2 Tem 1:3

Meyɛ Nyamenle ne mɔɔ mesonle ye nɔhalɛ nu, kɛmɔ me nlenya mɔ yɛle la mo kɛ mekakye wɔ wɔ me nzɛlɛlɛ nu alehyenlɛ nee aledwolɛ biala a.

1 Pit 3:5

Ɔluakɛ mraalɛ mɔɔ dule bɛ nwo manle Nyamenle wɔ mekɛ mɔɔ ɛze ɛhɔ na bɛnyianle anyelazo wɔ Nyamenle anu la adenle mɔɔ luale zolɛ zieziele bɛ nwo la a le kɛ bɛhanle bɛ nwo aze bɛmanle bɛ hu mɔ.

Wulu 2:12

Ɛdɛnkɛma ɛyila wɔ wɔ mɔɔ wɔyɛ la anwo; Ɛdɛnkɛma ɛlo wɔ molozo na Yizilayɛ Nyamenle ne mɔɔ wɔravea ɔ ndɛba abo la ɛva wɔ ɛzie boɛ.”